Crime: தரதரவென இழுத்து நிர்வாணமாக தாக்கப்பட்ட பெண்! கணவர், மாமனார் செய்த கொடூரம் - உத்தரகாண்ட்டில் அதிர்ச்சி!

உத்தரகாண்ட் மாநிலத்தில் பெண்ணை, அவரது கணவர் மற்றும் மாமனார் நிர்வாணமாகி கொடூரமாக தாக்கிய சம்பவம் பெரும் அதிர்ச்சியை ஏற்படுத்தியுள்ளது.

தாக்குதல் (மாதிரிப்படம்)

Crime: உத்தரகாண்ட் மாநிலத்தில் பெண்ணை, அவரது கணவர் மற்றும் மாமனார் நிர்வாணமாகி கொடூரமாக தாக்கிய சம்பவம் பெரும் அதிர்ச்சியை ஏற்படுத்தியுள்ளது. 

பெண்கள், குழந்தைகளுக்கு எதிரான வன்முறைகள் சம்பங்கள் தொடர்ந்து அதிகரித்து வருகிறது. இந்தியாவில் நடக்கும் பாலியல் வன்முறை குற்றங்களை தடுக்க மத்திய, மாநில அரசுகள் பல்வேறு நடவடிக்கைகளை எடுத்து வருகின்றன.  இத்தகைய குற்றங்களில் ஈடுபடுவோருக்கு கடும் தண்டனையும் விதிக்கப்பட்டு வருகிறது.

நிர்வாணமாக தாக்கப்பட்ட பெண்:

இருப்பினும் கூட, ஆங்காங்கே வன்முறை சம்பவங்கள் நடந்து வருகின்றன.  குறிப்பாக, வடமாநிலங்களில் நடக்கும் வன்முறை சம்பவம் அனைவரையும் அதிர்ச்சிக்குள்ளாக்கி வருகிறது.

உத்தரகாண்ட் மாநிலம் யுஎஸ் நகரைச் சேர்ந்தவர் ஆடவர் (35). இவர்  அதே பகுதியில் மனைவி, இரண்டு குழந்தைகள் மற்றும் தந்தையுடன் வசித்து வருகிறார். இந்த தம்பதிக்கு 15 ஆண்டுகளுக்கு முன்பு  திருமணம் நடந்தது. இந்த நிலையில், பிப்ரவரி 6ஆம் தேதி  காலை 11 மணியளவில்  அந்த பெண்ணை, அவரது கணவர் மற்றும் மாமனார் கடுமையாக தாக்கியிருக்கின்றனர்.

மேலும், குழந்தை முன்பே தரதரவென இழுத்து ஆடைகளை அவிழ்த்து தாக்கியுள்ளதாக தெரிகிறது.  அடி தாங்கமால் பெண் வீட்டிற்குள்ளேயே அங்குமிங்கும் ஓடியிருப்பதாக தெரிகிறது.  இருப்பினும், அந்த பெண்ணை தாக்குவதை, மாமனார் மற்றும் கணவர் விடவில்லை. ஒரு கட்டத்தில் வலி தாங்க முடியாமல் பெண் வீட்டில் இருந்து வெளியேறி தனது தாய் வீட்டிற்கு சென்றிருக்கிறார்.  

கணவர், மாமனார் செய்த கொடூரம்:

பின்னர், இந்த சம்பவம் குறித்து அவரது சகோதருடன் காவல்நிலையத்திற்கு சென்று புகார் அளித்திருக்கிறார். புகாரின்பேரில் போலீசார் பாதிக்கப்பட்ட பெண்ணின் கணவர் மற்றும் மாமனார் மீது வழக்குப்பதிவு செய்துள்ளனர்.  இதனை அடுத்து, பாதிக்கப்பட்ட பெண் அளித்த புகாரில், ”குடிபோதையில் எனது கணவர் தொடர்ந்து என்னை தாக்கி வந்துள்ளார்.

கடந்த 6ஆம் தேதி காலை குழந்தைகள் முன்னே எனது கணவர் மற்றும் மாமனார் தாக்கியிருக்கின்றனர். மேலும், என்னை நிர்வாணமாகவும் வீட்டில் வைத்து தாக்கியுள்ளளனர்.  அங்கிருந்து நான் என்னுடை தாய் வீட்டிற்கு சென்றேன். அங்கு வந்தும், இவர்கள் எனது தாய், தந்தை, சகோதரரையும் தாக்கி மிரட்டி உள்ளனர. திருமணமாகி 15 ஆண்டுகள் ஆனது.  தொடர்ந்து என்னை  கணவர் தாக்கி வந்திருக்கிறார்" என்று தெரிவித்தார். 

இந்த சம்பவம் தொடர்பாக போலீசார் வழக்குப்பதிவு செய்து விசாரித்து வருகின்றனர். தலைமறைவாக இருக்கும் பாதிக்கப்பட்ட பெண்ணின் கணவர் மற்றும் மாமனாரை போலீசார் தேடி வருகின்றனர். இந்த சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது. 

---

மேலும் படிக்க