Crime: அண்ணன், தம்பி சண்டை; சமாதானம் செய்ய வந்தவர் கொலை....கொன்றவர் பயத்தில் தற்கொலை..!

தேனி மாவட்டம் கம்பம் நகரில் தங்கையின் கணவரை கொன்றுவிட்டு  வாலிபர் தற்கொலை செய்து கொண்ட சம்பவம் பரபரப்பை ஏற்படுத்தியுள்ளது.

உயிரிழந்தவர்கள்

தேனி மாவட்டம் கம்பம் கிராமச்சாவடி தெருவில் வசிப்பவர் சிவக்குமார் வயது 29. அவரது தம்பி சங்கர் வயது 27. கட்டிடத் தொழிலாளிகளான அண்ணன் தம்பி இருவருக்கும் அடிக்கடி குடும்பத் தகராறு ஏற்பட்டு வந்துள்ளது.

நேற்று முன்தினம்  இரவு இருவருக்கும்  குடும்பத்தகராறு ஏற்பட்டதில் அண்ணன் சிவக்குமாரை அவரது தம்பி சங்கர் கத்தியால் குத்துவதற்கு முயற்சி செய்தபோது, இருவருக்கும் ஏற்பட்ட சண்டையை சமாதானம் செய்ய முயற்சி செய்த அவரின் தங்கையின் கணவர் காளிராஜ் (வயது 32) மீது கத்திக்குத்து விழுந்து பலத்த காயம் அடைந்தார். காயமடைந்தவரை உறவினர்கள் சிகிச்சைக்காக கம்பம் அரசு மருத்துவமனைக்கு கொண்டு சேர்த்தனர்.

அவரை பரிசோதித்த மருத்துவர்கள் உயிரிழந்து விட்டதாக தகவல் தெரிவித்துள்ளனர். இந்த தகவலை அறிந்த சங்கர், பயத்தில் அவரது வீட்டில் தூக்கிட்டு தற்கொலை செய்து கொண்டார்.

இந்த சம்பவம் அறிந்த கம்பம் தெற்கு காவல் நிலைய போலீசார் பிரேதத்தை கைப்பற்றி கம்பம் அரசு மருத்துவமனையில் பிரேத பரிசோதனைக்கு அனுப்பி வைத்து வழக்கு பதிவு செய்து விசாரணை மேற்கொண்டு வருகின்றனர். அண்ணன், தம்பி இருவருக்கும் ஏற்பட்ட தகராறில் தங்கையின் கணவரை கத்தியால் குத்தி கொன்று விட்டு வாலிபர் தூக்கிட்டு தற்கொலை செய்து கொண்ட சம்பவம் கம்பம் நகரில் பெரும் பரபரப்பை ஏற்படுத்தியுள்ளது.

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூபில் வீடியோக்களை காண