Sullan Madan: 2024ல் நடந்த இரட்டை கொலைக்கு பழிக்கு பழி? சினிமா பாணியில் சுள்ளான் மதன்.. அதிர வைக்கும் பின்னணி!
Sullan Madan: சிவகங்கையில் பிரபல ரவுடி சுள்ளான் மதன் வெட்டி படுகொலை செய்யப்பட்ட சம்பவம் தொடர்பாக அதிர்ச்சி தகவல் வெளியாகியுள்ளது.
தமிழகத்தில் அவ்வப்போது குற்றச்சம்பவங்கள் நடந்து வந்தாலும் தற்போது ஹாட் டாபிக்காக பேசப்பட்டு வருவது சிவகங்கை மாவட்டத்தில் பட்டப்பகலில் சினிமா பாணியில் நடைபெற்ற சுள்ளான் மதன் கொலை சம்பவம் தான். எப்போது ஏரியாவில் நாங்கள் கெத்து என கூறி இன்ஸ்டாகிராமில் பல்வேறு ரீல்ஸ் போட்டு அலப்பறைகள் செய்து வந்தது சுள்ளான் மதன் கும்பல்.
2024ல் இரட்டை கொலை
சிவகங்கை மாவட்டம் ஒக்கூர் அருகே புதுப்பட்டி கிராமத்தைச் சேர்ந்தவர் மதன் (எ) சுள்ளான் மதன் (26). இவர் மீது பல்வேறு கொலை மற்றும் கொலை முயற்சி உள்ளிட்ட 30க்கும் மேற்பட்ட வழக்குகள் நிலுவையில் இருந்து வந்தன. 2024ம் ஆண்டு ஜூன் 30ம் தேதி ஜெயசூர்யா, சுபாஷ் சகோதரர்கள் இரட்டை கொலை வழக்கில் குண்டர் சட்டத்தில் சிறையில் அடைக்கப்பட்ட சுள்ளான் மதன் 2 ஆண்டுகளுக்குப் பின்னர் 2026-ம் ஆண்டு செப்டம்பர் 30-ம் தேதி ஜாமீனில் வெளியே வந்தார்.
இதையும் படிங்க: பட்டப்பகலில் ரவுடி ஓட ஓட விரட்டி படுகொலை... யார் இந்த சுள்ளான் மதன்?
சுள்ளான் மதன் கொலை
இந்நிலையில் நேற்று பக்கத்து கிராமமான மேலமங்கலத்தில் நடைபெற்ற வடமாடு மஞ்சுவிரட்டு நிகழ்ச்சியை பார்ப்பதற்காக சுள்ளான் மதன் வந்திருந்தார். அப்போது 5 இருசக்கர வாகனத்தில் வந்த 11 பேர் கொண்ட கும்பல் பயங்கர ஆயுதங்களுடன் வந்து இறங்கியது. இதனை கண்டு அதிர்ச்சி அடைந்த சுள்ளான் மதன் அவர்களிடம் தப்பிக்க ஓடியுள்ளார். அந்த கும்பலும் அவரை விடாமல் பயங்கர ஆயுதங்களுடன் சினிமா பாணியில் விரட்டி சென்றது. கருப்பு தோட்டத்துக்குள் சென்று எப்படியாவது தப்பித்து விடலாம் என்ற அவரை சுற்றி வளைத்து சல்லி சல்லியாக வெட்டி படுகொலை செய்தனர். இதையடுத்து அந்த கும்பல் அங்கிருந்து தப்பித்து சென்றது.
அசம்பாவிதம் தவிர்க்க போலீஸ் குவிப்பு
மஞ்சுவிரட்டு நடைபெற்ற பகுதியில் பட்டப்பகலில் நடந்த இந்த கொலை பெரும் பரபரப்பை ஏற்படுத்தியது. தகவலறிந்து சிவகங்கை நகர் போலீசார் சம்பவ இடத்திற்கு விரைந்தனர். பின்னர் கரும்புத் தோட்டத்தில் கொலை செய்யப்பட்டுக் கிடந்த சுள்ளான் மதனின் உடலைக் கைப்பற்றி பிரேதப் பரிசோதனைக்காக சிவகங்கை அரசு மருத்துவக் கல்லூரி மருத்துவமனைக்கு அனுப்பி வைக்கின்றனர். சுள்ளான் மதன் கொலை செய்யப்பட்ட தகவல் அறிந்து அவரது உறவினர்களும் புதுப்பட்டி பகுதியைச் சேர்ந்த இளைஞர்களும் சிவகங்கை அரசு மருத்துவக் கல்லூரி மருத்துவமனை முன்பு திரண்டதை அடுத்து எந்த அசம்பாவிதமமும் நடைபெறாமல் இருக்க போலீசார் குவிக்கப்பட்டனர்.
இதையும் படிங்க: மனைவிக்கு 18.. கணவருக்கு 40... வயது வித்தியாசத்தால் தீராத சந்தேகம்.. இறுதியில் நடந்த அதிர்ச்சி!
பழிக்கு பழி
ரவுடி சுள்ளான் மதனை வெட்டிக் கொலை செய்த கும்பலைப் பிடிக்க 3 தனிப்படைகள் அமைக்கப்பட்டன. இந்நிலையில் பாபு (23), பாலமுருகன், பிரதீப் (28) ஆகிய 3 பேர் கைது செய்யப்படுகின்றனர். மேலும் 8 பேரை போலீசார் தேடி வருகின்றனர். அவர்களிடம் போலீசார் விசாரணை நடத்தி வருகின்றனர். 2024-ம் ஆண்டு படுகொலை செய்யப்பட்ட ஜெயசூர்யா, சுபாஷ் இரட்டையர்கள் கொலைக்கு பழிதீர்க்கவே இந்த கொலை நடைபெற்றதா என விசாரணை நடைபெறுகிறது.
தலைப்பு செய்திகள்
ட்ரெண்டிங் செய்திகள்
