கோயில் அருகே கிடந்த தலை.. அலைந்து திரிந்த போலீஸ்...இளைஞர்களுக்கு மாவு கட்டு, அதிர்ச்சி வாக்குமூலம்..!
போலீசார் பிடிக்கச் சென்றபோது தப்பி ஓட முயன்று தவறி விழுந்து கை கால்கள் உடைந்த இரு இளைஞர்களுக்கு கட்டு போட்டு 5 பேரையும் சிறையில் அடைத்த வாலாஜாபாத் போலீசார்.
இந்தநிலையில் விக்கிரவாண்டி சுங்கச்சாவடி பகுதியில் நேற்று காலை 10 மணியளவில் ஒரு காரில் இருந்தவர்களை அங்கு பாதுகாப்பு பணியில் ஈடுபட்ட போலீசார் கைது செய்து விசாரித்ததில், அந்தக் கும்பலை சேர்ந்தவர்கள் என்பது விசாரணையில் தெரியவந்துள்ளது. இதனை அடுத்து காரில் இருந்த காஞ்சிபுரம் திம்மராஜன்பேட்டை பகுதியை சேர்ந்த குமரன்( 22), விக்னேஷ் ஆகிய இருவரை கைது செய்து காஞ்சிபுரம் காவல் துறைக்கு தகவல் தெரிவித்தனர். இதனை அடுத்து அவர்கள் இருவரும் காஞ்சிபுரம் வாலாஜாபாத் காவல் நிலையத்தில் ஒப்படைக்கப்பட்டுள்ளனர்.
முன்னதாக, விக்கிரவாண்டி அருகே போலீசாரைக் கண்டு தப்பி ஓடிய போது விக்னேஷுக்கும் குமரனுக்கும் கை, கால்கள் உடைந்த நிலையில் போலீசார் மடக்கிப்பிடித்து கைது செய்தனர். கை கால்கள் உடைந்த இருவரையும் மருத்துவமனையில் அனுமதித்து மாவு கட்டு போட்ட போலீசார், பின்னர் அவர்களிடம் நடத்திய தீவிர விசாரணையில், பூசிவாக்கம் பகுதியை சேர்ந்த சத்தியசீலன் ஆதித்யா மற்றும் 17 வயது சிறுவன் உட்பட 3 பேரை மறைவிடத்தில் இருந்த போது போலீசார் மடக்கி பிடித்து கைது செய்துள்ளனர்.
கைதானவர்களிடம் நடத்திய விசாரணையில், கொலை செய்யப்பட்ட அஜித், நண்பர்களான இவர்களிடம் அடிக்கடி பணம் கேட்டு தொந்தரவு செய்வதும், அவர்களின் செல்போன் மற்றும் இருசக்கர வாகனங்களை பறித்துக்கொண்டு திருப்பித் தராமல் அடிக்கடி தகராறு செய்வதும், தட்டிக் கேட்டால் கொலை செய்து விடுவேன் என மிரட்டுவதுமாக இருந்துள்ளார். அதனால் பாதிக்கப்பட்ட ஐந்து பேரும் சேர்ந்து அஜித்தை கொலை செய்து விட்டதாக போலீசாரிடம் தெரிவித்தனர். இதனைத் தொடர்ந்து கைது செய்யப்பட்ட ஐந்து பேரையும் நீதிமன்றத்தில் ஆஜர் படுத்தி போலீசார் சிறையில் அடைத்தனர்.
தலைப்பு செய்திகள்
ட்ரெண்டிங் செய்திகள்
