Crime : பிறந்தநாள் கொண்டாட்டத்தில் தகராறு...மனவேதனையில் 4 வயது மகனுடன் ரயில் முன் பாய்ந்து தற்கொலைக்கு முயன்ற அரசு பெண் அதிகாரி..!
குடும்பத்தகராறில் அரசு பெண் அதிகாரி, 4 வயது மகனுடன் மின்சார ரயில் முன் பாய்ந்து தற்கொலைக்கு முயன்றுள்ள சம்பவம் பெரும் பரபரப்பை ஏற்படுத்தியுள்ளது.
Crime : குடும்பத்தகராறில் அரசு பெண் அதிகாரி, 4 வயது மகனுடன் மின்சார ரயில் முன் பாய்ந்து தற்கொலைக்கு முயன்றுள்ள சம்பவம் பெரும் பரபரப்பை ஏற்படுத்தியுள்ளது.
செங்கல்பட்டு மாவட்டம் ஊரப்பாக்கம் செந்தில் நகரைச் சேர்ந்தவர் பார்த்திபன். இவர் தனியார் நிறுவனத்தில் மேலாளராக உள்ளார். இவருடைய மனைவி பிரமேலதா. இவர் சென்னை தலைமைச் செயலகத்தில் தமிழ் வளர்ச்சித்துறையில் அரசு அதிகாரியாக பணியாற்றறி வருகிறார். இவர்களுக்கு 2 மகன்கள் உள்ளனர்.
நேற்று முன்தினம் இவர்களுடைய 10 வயதான மூத்த மகனின் பிறந்தநாள் விழாவை அக்கம் பக்கத்தினர் மற்றும் உறவினர்களை அழைத்து வீட்டில் வைத்து கொண்டாடினர். அப்போது அவர்கள் குடும்பத்தில் தகராறு ஏற்பட்டது. இதில் அவரது குடும்பத்தினர் பிரேமலதாவை திட்டியதாக கூறப்படுகிறது. இதனால் அவர் மிகுந்த மனவேதனையில் இருந்துள்ளார்.
இந்நிலையில், நேற்று காலை 8 மணி அளவில் பிரேமலதா, தனது 4 வயது மகன் ஆயுஷ்வை தூக்கிக் கொண்டு ஊரப்பாக்கம் ரயில் நிலையம் சென்றார். குடும்பத்தினர் திட்டியதால் மனவேதனையில் இருந்த பிரேமலதா தனது மகனுடன் ரயில் முன் பாய்ந்து தற்கொலை செய்து கொள்வதற்காக தண்டவாளத்தில் நடந்து சென்றார்.
அப்போது செங்கல்பட்டில் இருந்து சென்னை கடற்கரைக்கு மின்சார ரயில் வேகமாக வந்து கொண்டிருந்தது. தண்டவாளத்தில் பெண் ஒருவர் நடந்து வருவதை கண்ட ரயில் என்ஜின் டிரைவர் உடனடியாக ரயிலை பிரேக் பிடித்து நிறுத்த முயன்றார். இருந்தாலும் மின்சார ரயில் பிரேமலா மற்றும் அவரது மகன் மீது மோதி நின்றது.
இதில் கீழே விழுந்த பிரேமலதா மற்றும் அவரது மகன் இருவருக்கும் தலையில் மட்டும் லேசான் காயம் ஏற்பட்டது. பின்பு, அவரை அக்கம் பக்கத்தினர் மீட்டு தாம்பரம் மருத்துவமனையில் அனுமதித்தனர். மகனின் பிறந்த நாள் கொண்டாட்டத்தில் ஏற்பட்ட குடும்பத் தகராறில் அரசு பெண் அதிகாரி மற்றும் அவரது மகனுடன் ரயில் முன் பாய்ந்து தற்கொலைக்கு முயன்றுள்ள சம்பவம் பெரும் பரபரப்பை ஏற்படுத்தியுள்ளது.
வாழ்க்கையில் கவலைகளும், துன்பங்களும் வந்து கொண்டுதான் இருக்கும். அவைகளை தற்காலிகமாக்குவதும், நிரந்தரமாக்குவதும் நாம் கையாளும் விதத்தில் தான் உள்ளது. தற்கொலை என்பது எதற்கும் தீர்வு ஆகாது. வாழ்க்கைக்கான நோக்கத்தைப் பற்றிய தெளிவும் அதை அடைவதற்கான வழிகளையும் கண்டறிய துவங்கினால் வாழ்க்கை சுவாரஸ்யமானதாக இருக்கும். அப்படி தங்களுக்கு மன அழுத்தம் ஏற்பட்டாலோ தற்கொலை எண்ணம் உண்டானாலும் அதனை மாற்ற கீழ்காணும் எங்களுக்கு அழைக்கவும். மாநில உதவி மையம் :104.
சினேகா தன்னார்வ தொண்டு நிறுவனம்,
எண்; 11, பார்க் வியூவ் சாலை, ஆர்.ஏ. புரம்,
சென்னை - 600 028.
தொலைபேசி எண் - (+91 44 2464 0050, +91 44 2464 0060)
மேலும் படிக்க
தலைப்பு செய்திகள்
ட்ரெண்டிங் செய்திகள்
