Crime : பூஜைக்காக வைக்கப்பட்ட ஆப்பிளை சாப்பிட்ட 6 வயது சிறுவன் அடித்துக்கொலை.. பீஹாரில் பயங்கரம்..

பீகார் மாநிலம் கயாவில் உள்ள தனியார் பள்ளியில் மூன்றாம் வகுப்பு படித்து வந்த 6 வயது சிறுவன் விவேக் அடித்து கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. 

மாதிரிப்படம்

பீகார் மாநிலம் கயாவில் உள்ள தனியார் பள்ளியில் மூன்றாம் வகுப்பு படித்து வந்த 6 வயது சிறுவன் விவேக், தனது பள்ளியில் துர்கா பூஜைக்காக ஆப்பிளை சாப்பிட்டதற்காக அடித்து கொலை செய்யப்பட்ட சம்பவம் அதிர்ச்சியை ஏற்படுத்தியுள்ளது. 

பீகார் மாநிலம் கயாவில் உள்ள பாக்கி பிகா கிராமத்தில் தனியார் பள்ளி ஒன்று இயங்கி வருகிறது. இங்கு ன்றாம் வகுப்பு படித்து வந்த 6 வயதான விவேக் என்ற  சிறுவன் படித்து வந்துள்ளார். கடந்த செவ்வாய் கிழமை பள்ளி வளாகத்தில் துர்கா தெய்வத்திற்கான பூஜை ஏற்பாடுகள் செய்யப்பட்டிருந்தது. அப்போது பூஜை தட்டில் இருந்த ஆப்பிள் ஒன்றை விவேக் எடுத்து சாப்பிட்டுள்ளார். 

இதைகண்டு கோவமடைந்த அப்பள்ளியின் ஆசிரியர் விவேக் சிங் மற்றும் அவரது மனைவி இருவரும் சேர்ந்து விவேக்கை ஒரு அறைக்கு அழைத்துசென்று, பூஜைக்காக வைத்திருந்த பழத்தை ஏன் சாப்பிட்டாய் என்று கேட்டு அந்த சிறுவனை கொடூரமாக தாக்கியுள்ளனர். இருவரும் சேர்ந்து அடித்ததால் அந்த சிறுவன் நிலைகுலைந்து போனார். தொடர்ந்து சிறுவனில் நெஞ்சில் எட்டி உதைத்து, வெளியில் வீசியதாகவும் கூறப்படுகிறது. விவேக் அரை மயக்கத்தில் கிடந்ததை பார்த்த அங்கிருந்த ஆட்டோ டிரைவர் ஒருவர், சிறுவனை தூக்கி அவரது வீட்டில் கொண்டுபோய் சேர்த்துள்ளார். 

அந்தநேரத்தில், விவேக்கில் நிலைமை மோசமானதை கண்டு குடும்பத்தினர் சிகிச்சைக்காக மருத்துவக் கல்லூரிக்கு கொண்டு செல்லும் வழியில் விவேக் உயிரிழந்தார். இதையடுத்து, பள்ளியை நடத்தி வந்த தம்பதியை கயா காவல்துறையினர் கைது செய்தனர்.

பாதிக்கப்பட்ட குழந்தை விவேக்கின் தாத்தா ராம் பாலக் பிரசாத் காவல்துறையினரிடம் அளித்த வாக்குமூலத்தில் கூறியதாவது: ”பள்ளி வளாகத்திற்குள் துர்கா பூஜைக்கு ஏற்பாடு செய்யப்பட்டுள்ளது. மேஜையில் சில பழங்கள் இருந்தன, அப்போது என் பேரன் விவேக் அதிலிருந்து ஒரு ஆப்பிளை எடுத்து சாப்பிட்டார். இந்த சம்பவத்தைத் தொடர்ந்து, பள்ளியின் உரிமையாளர்கள் விவேக்கை ஒரு அறையில் வைத்து கொடூரமாகத் தாக்கினர். உடல்ரீதியான தாக்குதலுக்குப் பிறகு, அவர்கள் அவரை வளாகத்திற்கு வெளியே தூக்கி எறிந்தனர்.

என் பேரன் பள்ளி வாயிலுக்கு வெளியே சுயநினைவின்றி கிடந்தான். என் கிராமத்தைச் சேர்ந்த ஆட்டோ ஓட்டுநர் ஒருவர் விவேக் மயங்கிய நிலையில் இருப்பதைப் பார்த்து, வசீர்கஞ்ச் தொகுதிக்கு உட்பட்ட உக்ரா கிராமத்தில் உள்ள வீட்டிற்கு அழைத்து வந்து எங்களிடம் ஒப்படைத்தார். அவரது உடல்நிலை மோசமாக இருந்ததால், நாங்கள் உடனடியாக அவரை உள்ளூர் மருத்துவமனைக்கு அழைத்துச் சென்றனர்.அவரது உடல்நிலையைப் பார்த்து, மருத்துவமனையின் மருத்துவர்கள் அவரை மகத் மருத்துவக் கல்லூரிக்கு பரிந்துரைத்தனர். மருத்துவக் கல்லூரிக்கு கொண்டு செல்லும் வழியில் விவேக் உயிரிழந்தார். விவேக்கை மருத்துவமனைக்கு அழைத்து செல்லும்போது, தனது நேர்ந்த கொடுமை குறித்து என்னிடம் சொன்னார். அதில், விகாஸ் சிங்கும் அவரது மனைவியும் தன்னை மார்பில் தாக்கியதாக தெரிவித்தார். 

இது குறித்து வசீர்கஞ்ச் மாவட்ட எஸ்.ஹெச்.ஓ ராம் எக்பால் யாதவ் கூறியதாவது: ”நாங்கள் எஃப்.ஐ.ஆர் பதிவு செய்து குற்றவாளிகளை கைது செய்துள்ளோம். மாணவர் விவேக் தனியார் பள்ளியில் படித்து வருவதாகவும், அங்கு விடுதியில் தங்கி இருப்பதாகவும் இறந்தவரின் குடும்பத்தினர் கூறினர். அவர் கொடூரமாக தாக்கப்பட்டார். பள்ளியின் உரிமையாளர்களான விகாஸ் சிங் அவரது மனைவியால் பாதிக்கப்பட்டவர் மர்மமான முறையில் இறந்தார். சம்பவம் குறித்து விசாரித்து வருகிறோம்.

பிரேதப் பரிசோதனைக்கு பின்னரே மரணத்திற்கான உண்மையான காரணம் தெரியவரும்” என்று தெரிவித்தார்.