அக்கிரமம்! நண்பர்களுடன் சேர்ந்து சட்டக்கல்லூரி மாணவியை பாலியல் வன்கொடுமை செய்த காதலன்!
ஆந்திராவில் சட்டக்கல்லூரி மாணவியை நண்பர்களுடன் சேர்ந்து மிரட்டி பாலியல் வன்கொடுமை செய்த காதலனை போலீசார் கைது செய்தனர்.
ஆந்திராவில் அமைந்துள்ளது விசாகப்பட்டினம். இங்குள்ள சட்டக்கல்லூரியில் 20 வயதான மாணவி ஒருவர் படித்து வருகிறார். இவர் திடீரென தனது வீட்டில் தூக்கிட்டு தற்கொலைக்கு முயற்சித்துள்ளார். அப்போது, அதிர்ஷ்டவசமாக அதைப் பார்த்த அவரது தந்தை தனது மகளை காப்பாற்றியுள்ளார். தனது மகளின் தற்கொலை முயற்சியை கண்டு அதிர்ச்சி அடைந்த அந்த பெண்ணின் தந்தை இதுகுறித்து விசாரித்துள்ளார். அப்போது, அந்த பெண் கூறிய தகவலை கேட்டு அவர் அதிர்ச்சியில் உறைந்தார்.
நெருக்கமாக இருக்கும் வீடியோ:
விசாகப்பட்டினத்தைச் சேர்ந்தவர் வம்சி. வம்சிக்கும் தற்கொலைக்கு முயன்ற சட்டக்கல்லூரி மாணவிக்கும் கடந்த சில மாதங்களுக்கு முன்பு பழக்கம் ஏற்பட்டுள்ளது. இந்த பழக்கம் நாளடைவில் காதலாக மாறியுள்ளது.
இதையடுத்து, அந்த கல்லூரி மாணவியும், வம்சியும் அடிக்கடி வெளியில் சந்தித்து பேசி வந்துள்ளனர். அப்போது, இருவரும் ஒருமுறை தனிமையில் சந்தித்தபோது நெருக்கமாக இருந்துள்ளனர். அப்போது, அதை வம்சி தனது செல்போனில் வீடியோவாக எடுத்துள்ளார்.
மிரட்டி பாலியல் வன்கொடுமை:
அப்போது, ஒருநாள் வம்சி தனது நண்பர்கள் 3 பேரிடம் மாணவியிடம் நெருக்கமாக இருந்த வீடியோவை காட்டியுள்ளார். அதைப் பார்த்த வம்சியின் நண்பர்கள் தாங்களும் அந்த பெண்ணிடம் நெருக்கமாக இருக்க வேண்டும் என்று கூறியுள்ளனர். இதற்கு வம்சியும் சம்மதம் தெரிவித்துள்ளார்.
பின்னர், வம்சி அந்த சட்டக்கல்லூரி மாணவியை விசாகப்பட்டினத்தில் உள்ள கிருஷ்ணா நகரில் உள்ள தனது நண்பன் அறைக்கு அழைத்துச் சென்றுள்ளார். அப்போது, வம்சியும் அந்த பெண்ணும் நெருக்கமாக இருந்துள்ளனர். அதை வம்சியின் நண்பர்கள் மறைந்து இருந்து வீடியோவாக எடுத்துள்ளனர்.
பின்னர், திடீரென உள்ளே வந்த அவர்களை கண்டு அந்த பெண் அதிர்ச்சியில் உறைந்துள்ளார். செய்வதறியாமல் திகைத்த அந்த பெண்ணிடம் வீடியோவை காட்டி மிரட்டியுள்ளனர். வம்சியும் அந்த பெண்ணை மிரட்டியதை கண்டு அந்த பெண் அதிர்ச்சியில் உறைந்துள்ளார். மேலும், அவர்கள் 4 பேரும் சேர்ந்து இளம்பெண்ணை மிரட்டி பாலியல் வன்கொடுமை செய்துள்ளனர்.
காதலன் உள்பட 4 பேர் கைது:
இந்த வீடியோவை காட்டி வம்சியும், அவரது நண்பர்களும் மாணவியை மிரட்டி தங்களது ஆசைக்கு இணங்க வற்புறுத்தியுள்ளனர். இதனால், மனம் உடைந்த மாணவி கடும் மன உளைச்சலுக்கு ஆளாகியுள்ளார். பின்னர், மன உளைச்சலில் தற்கொலைக்கு முயற்சித்தபோது அவரது தந்தை காப்பாற்றியுள்ளார்.
இந்த சம்பவத்தை கேட்டு அதிர்ச்சியில் உறைந்த அந்த பெண்ணின் தந்தை போலீசிடம் இதுதொடர்பாக புகார் அளித்துள்ளார். இதையடுத்து போலீசார் வம்சி மற்றும் அவரது நண்பர்கள் 3 பேரையும் கைது செய்தனர். காதலியை நண்பர்களுடன் சேர்ந்து காதலனே பாலியல் வன்கொடுமை செய்த விவகாரம் அந்த பகுதியில் பெரும் அதிர்ச்சியை ஏற்படுத்தியுள்ளது.
தலைப்பு செய்திகள்
ட்ரெண்டிங் செய்திகள்
