Post Office Time Deposit scheme: போஸ்ட் ஆஃபீஸ் டெர்ம் டெபாசிட் பற்றி தெரியுமா? ரூ.5 லட்சத்தை ரூ.15 லட்சம் ஆக மாற்றலாம்..!
Post Office Time Deposit scheme: போஸ்ட் ஆஃபீஸில் வழங்கப்படும் டெர்ம் டெபாசிட் திட்டம் பற்றிய விவரங்களை இந்த தொகுப்பில் அறியலாம்.
Post Office Time Deposit scheme: முதலீட்டு பணத்தை மூன்று மடங்காக உயர்த்த, அஞ்சல் அலுவலகத்தில் வழங்கப்படும் டெர்ம் டெபாசிட் திட்டம் பயன்படுகிறது.
போஸ்ட் ஆஃபிஸ் டெர்ம் டெபாசிட் திட்டம்:
தங்களுக்காகவும், தங்களது குழந்தைகளின் எதிர்கால தேவைகளுக்காகவும், ஒரு மொத்த தொகையை முதலீடு செய்ய விரும்புவோருக்கு, தபால் அலுவலகத்தின் டெர்ம் டெபாசிட் திட்டம் சிறந்த வாய்ப்பாக இருக்கும். இந்த திட்டத்தின் மூலம் வங்கிகளுடன் ஒப்பிடும்போது, 5 ஆண்டு FD களில் சிறந்த வட்டியின் பலனைப் பெறுகிறீர்கள். டெர்ம் டெபாசிட் திட்டத்தின் மூலம், நீங்கள் விரும்பினால், மூன்று மடங்குக்கு மேல், அதாவது ரூ.5 லட்சத்தை முதலீடு செய்தால், ரூ.15 லட்சத்துக்கு மேல் சம்பாதிக்கலாம்.
ரூ.5 லட்சம் எப்படி ரூ.15 லட்சமாக மாறும்?
5 லட்சத்தை 15 லட்சமாக மாற்ற, நீங்கள் முதலில் 5 ஆண்டுகளுக்கு அஞ்சல் அலுவலக டெர்ம் டெபாசிட் திட்டத்தில் ரூ.5 லட்சத்தை முதலீடு செய்ய வேண்டும். அஞ்சல் அலுவலகம் 5 வருட FD களுக்கு 7.5 சதவிகித வட்டி அளிக்கிறது. அத்தகைய சூழ்நிலையில், தற்போதைய வட்டி விகிதத்தைக் கொண்டு கணக்கிடும்போது, 5 ஆண்டுகளுக்குப் பிறகு முதிர்வுத் தொகை ரூ. 7,24,974 ஆக இருக்கும். இந்தத் தொகையை நீங்கள் திரும்பப் பெறாமல், மேலும் 5 ஆண்டுகளுக்கு அந்த திட்டத்தை நீட்டியுங்கள். இந்த வழியில் 10 ஆண்டுகளில் ரூ. 5 லட்சத்திற்கு வட்டி மூலம் ரூ. 5,51,175 சம்பாதிப்பீர்கள். மேலும் உங்கள் தொகை ரூ.10,51,175 ஆக மாறும். இந்தத் தொகை இருமடங்கு அதிகமாகும்.
ஆனால் நீங்கள் இந்தத் தொகையை பெறாமல், திட்டத்தை மேலும் 5 ஆண்டுகளுக்கு நீட்டிக்க வேண்டும். அதன்படி, உங்கள் தொகை மொத்தம் 15 ஆண்டுகளுக்கு டெபாசிட் செய்யப்படும். 15 வது ஆண்டில், முதிர்வு நேரத்தில், நீங்கள் முதலீடு செய்த ரூ.5 லட்சத்தில் வட்டி மூலம் மட்டும் ரூ.10,24,149 சம்பாதிப்பீர்கள். அதன்படி, முதலீடு செய்த ரூ.5 லட்சம் மற்றும் ரூ.10,24,149 ஆகியவற்றை இணைத்தால், மொத்தம் ரூ.15,24,149 கிடைக்கும். பொதுவாக, பதின் பருவத்தில்தான் குழந்தைகளுக்கு பணத்தேவை அதிகமாகும். அத்தகைய சூழ்நிலையில், நீங்கள் அவரது எதிர்காலத்திற்காக இந்த 15 லட்சத்தை எளிதாக செலவிடலாம்.
நீட்டிப்பு விதிகள் சொல்வது என்ன?
15 லட்சம் தொகையைச் சேர்க்க, தபால் அலுவலக FD-ஐ இரண்டு முறை நீட்டிக்க வேண்டும். ஆனால், அதில் நீங்கள் புரிந்து கொள்ள வேண்டிய சில விதிகள் உள்ளன. தபால் அலுவலகத்தின் 1 வருட FD முதிர்வு தேதியிலிருந்து 6 மாதங்களுக்குள் நீட்டிக்கப்படலாம், 2 வருட FD முதிர்வு காலத்தின் 12 மாதங்களுக்குள் நீட்டிக்கப்பட வேண்டும். அதே நேரத்தில், 3 மற்றும் 5 வருட FD நீட்டிப்புக்கு, முதிர்வு காலத்தின் 18 மாதங்களுக்குள் தபால் நிலையத்திற்குத் தெரிவிக்க வேண்டும். இது தவிர, கணக்கைத் திறக்கும் நேரத்தில் முதிர்ச்சியடைந்த பிறகு கணக்கை நீட்டிக்கக் கோரலாம். முதிர்வு நாளில், அந்தந்த டெர்ம் டெபாசிட் கணக்கிற்குப் பொருந்தக்கூடிய வட்டி விகிதம் நீட்டிக்கப்பட்ட காலத்திற்குப் பொருந்தும்.
தபால் அலுவலக TD இன் வட்டி விகிதங்கள்
வங்கியைப் போலவே, தபால் நிலையத்திலும் வெவ்வேறு காலகட்டங்களுக்கான FD விருப்பத்தைப் பெறுவீர்கள். ஒவ்வொரு காலத்திற்கும் வெவ்வேறு வட்டி விகிதங்கள் வழங்கப்படுகின்றன.
ஒரு வருட கணக்கு - 6.9% ஆண்டு வட்டி
இரண்டு ஆண்டு கணக்கு - 7.0% ஆண்டு வட்டி
மூன்று ஆண்டு கணக்கு - 7.1% ஆண்டு வட்டி
ஐந்தாண்டு கணக்கு - 7.5% ஆண்டு வட்டி
தலைப்பு செய்திகள்
ட்ரெண்டிங் செய்திகள்
