UPI now, pay later: பேங்க் அக்கவுண்ட்ல பணம் இல்லாமலே இனி UPI பேமண்ட் பண்ணலாம்.. எப்படி தெரியுமா?

யுபிஐ வசதியைப் பயன்படுத்தி பணம் செலுத்துபவர்களுக்கு வசதியாக HDFC மற்றும் ICICI வங்கிகள் புதிய திட்டம் ஒன்றை அறிமுகம் செய்துள்ளது. 

யுபிஐ பணப்பரிவர்த்தனை

யுபிஐ வசதியைப் பயன்படுத்தி பணம் செலுத்துபவர்களுக்கு வசதியாக HDFC மற்றும் ICICI வங்கிகள் புதிய திட்டம் ஒன்றை அறிமுகம் செய்துள்ளது. 

யுபிஐ பரிவர்த்தனை:

இன்றைக்கு அனைவரது கையிலும் ஆண்ட்ராய்டு போன்கள் இருக்கிறது. இதற்கேற்றவாறு அனைத்து துறைகளும் ஸ்மார்ட் ஆன வசதிகளை தங்கள் வாடிக்கையாளர்களுக்கு ஏற்படுத்தி கொடுத்துள்ளது. அந்த வகையில் பல வங்கி கணக்குகளையும் ஒரே மொபைல் செயலி மூலம் எளிதாக கையாளக்கூடிய UPI (Unified Payments Interface) வசதியும் உள்ளது. கடந்த 2016 ஆம் ஆண்டு 21 வங்கிகளுடன் UPI முறையை என்.சி.பி.ஐ. தொடங்கியது.

ஆரம்பத்தில் பெரிய அளவில் வளர்ச்சி இல்லாத நிலையில், ஆண்ட்ராய்டு போன்கள் வந்துவிட்ட பிறகு UPI வசதி என்பது அசுர வளர்ச்சி அடைந்து விட்டது. அதற்கேற்ப Gpay, Paytm, PhonePe போன்ற பல்வேறு செயலிகளும் நடைபாதை வியாபாரம் தொடங்கி பெரிய பெரிய வணிகம் வரை யுபிஐ பயன்பாட்டை அதிகரித்துள்ளது. மத்திய அரசும், வங்கிகளும் பயனாளர்களின் வசதிகளை மேற்படுத்துவதற்காக யு.பி.ஐ தொழில்நுட்பத்தில் பல்வேறு மாற்றங்கள், மேம்பாடுகள் போன்ற நடவடிக்கைகளை மேற்கொண்டு வருகிறது. 

டிஜிட்டல் பரிவர்த்தனையை அடுத்தக்கட்டத்திற்கு எடுத்துச் செல்லவும் பயனாளர்களுக்கு மேம்படுத்தப்பட்ட அனுபவத்தை வழங்கவும் பல்வேறு புதிய வசதிகள் அறிமுகம் செய்யப்பட்டு வருகிறது. அப்படியான ஒரு திட்டத்தை HDFC மற்றும் ICICI வங்கிகள் அறிமுகம் செய்துள்ளது. 

அப்படி என்ன ஸ்பெஷல்?

அதன்படி இனி உங்கள் வங்கிக் கணக்கில் போதிய பணம் இல்லையென்றாலும் நீங்கள் விரும்பும் பரிவர்த்தனைகளை மேற்கொள்ளலாம். ரிசர்வ் வங்கி  UPI பயனர்களுக்கு  credit line facility எனப்படும் கடன் வழங்கும் வசதியை வழங்க அனுமதி அளித்துள்ளது. இந்த வசதி வாடிக்கையாளரின் அனுமதியுடன் செயல்படுத்தப்படும் என தெரிவிக்கப்பட்டுள்ளது. மேலும் சம்பந்தப்பட்ட கடன் தொகையை குறிப்பிட்ட காலத்திற்குள் திரும்ப செலுத்தும் வகையில் UPI Now Pay Later என்ற திட்டம் அமலுக்கு வந்துள்ளது. 

HDFC வங்கியில் இந்த வசதியை செயல்படுத்தும் போது முதல்முறை செயல் கட்டணமாக ரூ. 149 செலுத்த வேண்டும். அதில் வங்கி உங்களுக்காக ஒரு கணக்கைத் திறந்து, உங்கள் டெபிட் கார்டை அதனுடன் இணைக்கும். பிறகு, இந்த "Pay Later" கணக்கை உங்களுக்கு விருப்பமான UPI செயலியுடன் இணைக்க வேண்டும்.

HDFC  வங்கி மற்றும் ICICI வங்கி இரண்டும் ஒரு பயனருக்கு அவர்களின் தகுதியின் அடிப்படையில் அதிகப்பட்சம் ரூ.50,000 வரை கடன் வழங்குகிறது. இந்த கடன் வரம்பு வருமானம், செலவு முறைகள் மற்றும் முந்தைய கடன் செயல்முறை ஆகியவற்றை பொறுத்து ஒரு வாடிக்கையாளருக்கு மற்றொரு வாடிக்கையாளருக்கு வேறுபடலாம். ரிசர்வ் வங்கியின் அறிவிப்பால் மற்ற வங்கிகளும் விரைவில் இத்திட்டத்தில் சேரும் என எதிர்பார்க்கப்படுகிறது.