Gold Rate Reduced 22nd Oct.: உடனே கிளம்புங்க.! இன்று ஒரே நாளில் ரூ.3,680 குறைந்த தங்கம் விலை - தற்போதைய விலை என்ன.?
நேற்று மாலை தங்கம் விலை கணிசமாக குறைந்த நிலையில், இன்று ஒரே நாளில் அதிரடியாக சவரனுக்கு 3,680 ரூபாய் விலை குறைந்துள்ளது. தங்கத்தின் தற்போதைய விலை என்ன என்பதை பார்க்கலாம்.
தங்கத்தின் விலை தொடர்ந்து உயர்ந்து வரலாறு காணாத உச்சத்தை தொட்டு, ஒரு லட்சம் ரூபாயை நோக்கி நடைபோட்டுக் கொண்டிருந்த நிலையில், நேற்று மாலை கணிசமாக விலை குறைந்தது. இந்நிலையில், இன்று காலை அதிரடியாக சவரனுக்கு 2,400 ரூபாய் குறைந்த நிலையில், மாலையிலும் 1,280 ரூபாய் விலை குறைந்து ஒரே நாளில் மொத்தமாக 3,680 ரூபாய் விலை குறைந்து, மக்களுக்கு இன்ப அதிர்ச்சி அளித்துள்ளது.
இன்று(22.10.25) ஒரே நாளில் ரூ.3,680 குறைந்த தங்கம்
சென்னையில் ஆபரணத் தங்கத்தின் விலை வரலாறு காணாத அளவில் மாற்றங்களை கண்டு வருகிறது. தினம் தினம் உச்சங்களை தொட்டுவரும் தங்கத்தின் விலை, விரைவில் ஒரு லட்சம் ரூபாயை எட்டியிடும் என்று எதிர்பார்த்திருந்த நிலையில், நேற்று மாலை முதல் அதிரடியாக விலை குறைந்து வருகிறது.
நேற்‘று காலையில் தங்கத்தின் விலை சவரனுக்கு அதிரடியாக 2 ஆயிரத்து 80 ரூபாய் உயர்ந்து பேரதிர்ச்சி அளித்தது. அதன்படி, கிராமிற்கு 260 ரூபாய் விலை உயர்ந்த தங்கம், ஒரு கிராம் 12,180 ரூபாய்க்கு விற்பனையானது. அதேபோல், சவரனுக்கு 2,080 ரூபாய் விலை உயர்ந்து ஒரு சவரன் 97,440 ரூபாய்க்கு விற்பனையானது.
இந்த நிலையில், நேற்று மாலையே சவரனுக்கு 1,440 ரூபாய் விலை குறைந்தது மக்களுக்கு ஆறுதல் அளித்தது. அதன்படி, ஒரு கிராம் தங்கம் 180 ரூபாய் குறைந்து, கிராம் சரியாக 12,000 ரூபாய்க்கு விற்பனையானது. அதேபோல், சவரனுக்கு 1,440 ரூபாய் குறைந்து, ஒரு சவரன் சரியாக 96,000 ரூபாய்க்கு விற்கப்பட்டது.
இந்த சூழலில், இன்று(22.10.25) ஒரே நாளில் சவரனுக்கு 3,680 ரூபாய் குறைந்து அசத்தியுள்ளது. அதன்படி, இன்று காலை கிராமிற்கு 300 ரூபாய் விலை குறைந்து, ஒரு கிராம் 11,700 ரூபாய்க்கு விற்பனையானது. சவரனுக்கு 2,400 ரூபாய் விலை குறைந்து ஒரு சவரன் 93,600 ரூபாய்க்கு விற்பனையானது.
இந்நிலையில், இன்று மாலையில் மேலும் அதிரடியாக கிராமிற்கு 160 ரூபாய் விலை குறைந்த தங்கம், ஒரு கிராம் 11,540 ருபாய்க்கும், சவரனுக்கு 1,280 ரூபாய் விலை குறைந்து, ஒரு சவரன் 92,320 ரூபாய்க்கும் விற்கப்படுகிறது.
வழக்கமாக மக்களுக்கு அதிர்ச்சியை மட்டுமே வழங்கும் தங்கம், ஒரே நாளில் இந்த அளவிற்கு விலை குறைந்து இன்ப அதிர்ச்சி அளித்துள்ளது.
வெள்ளி விலையும் குறைந்தது
இந்த நிலையில், வெள்ளி விலையும் தொடர்ந்து குறைந்து வருகிறது. நேற்று காலையில் 2 ரூபாய் குறைந்த வெள்ளியின் விலை, மாலையில் மேலும் 6 ரூபாய் என மொத்தமாக நேற்று 8 ரூபாய் விலை குறைந்தது. அதன்படி, நேற்று காலை ஒரு கிராம் வெள்ளி 2 ரூபாய் குறைந்து முந்தைய நாள் விலையான 190 ரூபாயில் இருந்து 188 ரூபாயாக விற்கப்பட்டது. இந்நிலையில், மாலையில் கிராமிற்கு மீண்டும் 6 ரூபாய் விலை குறைந்து, ஒரு கிராம் 182 ரூபாய்க்கு விற்கப்பட்டது.
இந்த சூழலில், இன்றும் வெள்ளியின் விலை கணிசமாக குறைந்துள்ளது. அதன்படி, கிராமிற்கு 7 ரூபாய் விலை குறைந்து, ஒரு கிராம் 175 ரூபாய்க்கு விற்பனையாகிறது. ஒரு கிலோ பார் வெள்ளி 1 லட்சத்து 75 ஆயிரம் ரூபாயாக விற்கப்படுகிறது.
தங்கம், வெள்ளி விலைகள் போட்டி போட்டு உயர்ந்த நிலையில், தற்போது அதே பாணியில் குறைவது, பொதுமக்களுக்கு மகிழ்ச்சியை ஏற்படுத்தியுள்ளது. இதேபோல் தொடர்ந்து விலை குறைந்தால் நன்றாக இருக்கும் என்பதே பொதுமக்களின் எதிர்பார்ப்பாக உள்ளது.
தலைப்பு செய்திகள்
ட்ரெண்டிங் செய்திகள்
