Gold And Silver Rate: தங்கம், வெள்ளி இன்றைய விலை என்ன.? உயர்ந்ததா... குறைந்ததா.? லேட்டஸ்ட் அப்டேட் இதோ..

Gold And Silver Rate: தங்கத்தின் விலையானது நேற்று சவரனுக்கு 560 ரூபாய் குறைந்த நிலையில், இன்று தங்கத்தின் விலையானது சவரனுக்கு 160 ரூபாய் உயர்ந்துள்ளது. வெள்ளியின் விலையில் எந்தவித மாற்றமும் இல்லை.

Gold and silver rate today

Source : twitter

புதிய உச்சத்தில் தங்கம் விலை

தங்கத்தில் முதலீடு செய்தால் எப்போதும் நஷ்டத்தை கொடுக்காது. அதற்கு ஏற்ப தினந்தோறும் புதிய, புதிய உச்சத்தை தங்கம் விலை தொட்டு வருகிறது. அதிலும் இந்தியாவில் தங்க நகைகள் வெறும் அலங்காரப் பொருள் மட்டுமல்லாமல், அது கலாச்சாரம், மதம், பாரம்பரியம், பாதுகாப்பு மற்றும் உணர்ச்சியின் அடையாளமாகவே இருந்து வருகிறது. அக்ஷய திருதியை, தீபாவளி, பொங்கல், உகாதி போன்ற பண்டிகைகளில் தங்கம் வாங்குவது நல்லது என்று இந்திய மக்கள் நம்புகிறார்கள். மேலும் இந்திய திருமணங்களில் தங்க நகைகள் மிக முக்கியம் பங்கு வகிக்கிறது.

தங்கம் விலை உயர்வுக்கு காரணம் என்ன.?

எனவே நடுத்தர வர்க்க மக்கள் சிறுக, சிறுக தங்க நகைகளை சேர்த்து வந்தனர். ஆனால் தற்போது தினந்தோறும் உயரும் விலையால் நகைகடைகளில் உள்ள தங்க நகையை வேடிக்கை பார்க்கும் நிலைக்கு தள்ளப்பட்டுள்ளனர். ஒரு சில வருடங்களுக்கு முன்பாக ஒரு கிராம் தங்கம் வெறும் 3ஆயிரம் ரூபாய்க்கு விற்பனையானது. ஆனால் தற்போது ஒரு கிராம் 16ஆயிரத்தை தொட்டுள்ளது. இந்த விலை அதிகரிப்பிற்கு முக்கிய காரணமாக போர் பதற்றம் மற்றும் டாலருக்கு மாற்றாக தங்களது நாட்டின் பணத்தின் மதிப்பை அதிகரிப்பே முக்கிய நோக்கமாக உள்ளது. இதனால் பல நாடுகள் தங்கத்தை அதிகளவு வாங்கி குவிப்பது தான் தங்க நகை விலை உயர்விற்கு காரணமாக கூறப்படுகிறது. 

தங்கத்தின் விலை நிலவரம்

• ஜனவரி 7ஆம் தேதி- தங்கத்தின் விலை கிராம் ஒன்றுக்கு 170 ரூபாய் உயர்ந்து  14,420 ரூபாய்க்கும், சவரன் ஒன்றுக்கு 1,360 ரூபாய் அதிகரித்து 1,15,360 ரூபாய்க்கு விற்பனை 
• ஜனவரி 9ஆம் தேதி தங்கம் கிராம் ஒன்றுக்கு 230 ரூபாய் உயர்ந்து 14ஆயிரத்து 650 ரூபாய்கும், ஒரு சவரனுக்கு 1,840 ரூபாய் அதிகரித்து 1,17,200 ரூபாய்க்கு விற்பனை
• ஜனவரி 10ஆம் தேதி தங்கம் கிராம் ஒன்றுக்கு 70 ரூபாய் குறைந்து 14,580 ரூபாய்க்கும் சவரனுக்கு 560 ரூபாய் குறைந்து 1,16 ,640 ரூபாய்க்கு விற்பனையானது. 

இன்றைய தங்கம் மற்றும் வெள்ளி விலை

தங்கத்தின் விலையானது இன்று  மீண்டும் உயர்ந்துள்ளது. அந்த வகையில் கிராம் ஒன்றுக்கு 20 ரூபாய் அதிகரித்து 14,600 ரூபாய்க்கும், சவரனுக்கு 160 ரூபாய் அதிகரித்து 1,16,800 ரூபாய்க்கு விற்பனை செய்யப்படுகிறது. 

அதே நேரம் வெள்ளியின் விலையானது கடந்த இரண்டு நாட்களாக உயரவில்லை. நேற்றைய விலையான கிராம் ஒன்று 300 ரூபாய்க்கும், ஒரு கிலோ பார் வெள்ளி 3 லட்சத்திற்கும் விற்பனை செய்யப்படுகிறது.