Gold and silver rate today : அதிரடியாக 15,000 ரூபாய் சரிந்தது.! தங்கம், வெள்ளி நகைப்பிரியர்களுக்கு குஷி- இன்றைய விலை இதோ..

Gold and silver rate today : தங்கத்தின் விலையானது நேற்று சவரனுக்கு 960 ரூபாய் உயர்ந்த நிலையில், இன்று 960 ரூபாய் குறைந்துள்ளது. இதே போல வெள்ளி விலை கிலோவிற்கு 15,000 ரூபாய் குறைந்து நகைப்பிரியர்களுக்கு சற்று மகிழ்ச்சியை கொடுத்துள்ளது.

Gold and silver rate today

Source : twitter

தங்கத்தில் அதிகரிக்கும் முதலீடு

தங்கத்தின் மீதான ஈர்ப்பு மற்ற நாடுகளை விட இந்திய மக்களிடம் அதிகமாகவே இருந்து வருகிறது. அந்த வகையில் இந்திய திருமணங்களில் தங்கத்திற்கு அதிகளவு முக்கியத்துவம் கொடுக்கப்படுகிறது. மேலும் தீபாவளி உள்ளிட்ட பண்டிகை காலங்களிலும் தங்க நகைகளை மக்கள் அதிகமாக வாங்கி வருகிறார்கள். அதிலும் தங்கத்தில் முதலீடு செய்தால் எப்போதும் நஷ்டம் ஏற்படாது என்ற காரணத்தால் நடுத்தர வர்க்க மக்கள் தங்களால் முடிந்த வகையில் சிறுக சிறுக சேகரித்த பணத்தின் மூலம் தங்க நகைகளை வாங்கி வருகிறார்கள். அதே நேரம் தங்கத்தின் விலையானது எதிர்பாராத வகையில் புதிய உச்சத்தை தொட்டு வருகிறது.

தங்கம் விலை உயர்வுகுக காரணம் என்ன.?

தங்கத்தின் விலை உயர்விற்கு பல காரணங்கள் கூறப்படுகிறது. அதில் முக்கியமாக டாலருக்கு இணையாக தங்கள் நாட்டின் பண மதிப்பை அதிகரிக்கும் வகையில் மத்திய வங்கிகள் தங்கத்தை டன் கணக்கில் வாங்கி குவித்தது முக்கிய காரணமாக கூறப்படுகிறது. மேலும் உலகில் பல்வேறு நாடுகளுக்கு இடையே உருவாகி வரும் போர் பதற்றமும் பங்கு சந்தையில் முதலீட்டில் நிலையற்ற தன்மை ஏற்பட்டுள்ளது. இதனால் முதலீட்டாளர்கள் அதிகளவில் தங்கத்தில் முதலீடு செய்ய தொடங்கியுள்ளனர் இதுவும் தங்கம் விலை உயர்விற்கு காரணமாக பார்க்கப்படுகிறது. 

ஏறி இறங்கும் தங்கம் விலை

• 15.ஆம் தேதி கிராமுக்கு 285 ரூபாய் குறைந்து 14,765 ரூபாய்க்கும், சவரனுக்கு2,280 ரூபாய் குறைந்து 1,18,120 ரூபாய்க்கு விற்பனை.
• 16ஆம் தேதி கிராமுக்கு 15 ரூபாய் குறைந்து 14,750 ரூபாய்க்கும், சவரனுக்கு  ரூபாய் குறைந்து 1,18,000 ரூபாய்க்கு விற்பனை.
• 17 மற்றும் 18ஆம் ஆம் தேதி தங்கம் விலையில் மாற்றம் இல்லை
• 19 ஆம் தேதி தங்கம் கிராம் ஒன்றுக்கு 120 ரூபாய் உயர்ந்து 14,630 ரூபாய்க்கும், சவரனுக்கு 960 ரூபாய் உயர்ந்து 1,17,040 ரூபாய்க்கு விற்பனை 

இன்றைய தங்கம் விலை

தங்கத்தின் விலையானது இன்று அதிரடியாக குறைந்துள்ளது. அந்த வகையில் இன்று கிராம் ஒன்றுக்கு 120 ரூபாய் குறைந்து 14,750 ரூபாய்க்கும், சவரனுக்கு 960 ரூபாய் குறைந்து 1,18,000 ரூபாய்க்கு விற்பனை செய்யப்படுகிறது. 

வெள்ளி விலை.?

வெள்ளி விலையானது நேற்று எந்த வித மாற்றமின்றி கிராம் ஒன்று 300 ரூபாய்க்கு விற்பனையான நிலையில், இன்று கிராம் ஒன்றுக்கு 15 ரூபாய் குறைந்து 285 ரூபாய்க்கும், கிலோ பார் வெள்ளிக்கு 15ஆயிரம் ரூபாய் சரிந்து 2 லட்சத்து 85 ஆயிரம் ரூபாய்க்கு விற்பனையாகிறது.