Gold rate today : வாரத்தின் முதல் நாளிலே ஷாக் கொடுத்ததா தங்கம், வெள்ளி விலை.! இன்றைய விலை நிலவரம் இதோ..

Gold and silver rate today : தங்கத்தின் விலையானது தினந்தோறும் ஏறி இறங்கி வருகிறது. அந்த வகையில், இன்று வாரத்தின் முதல் நாள் தங்கத்தின் விலையானது உயர்ந்துள்ளது.

Gold and silver rate today

Source : PTI

தங்கத்தில் தொடரும் முதலீடு

தங்கத்தின் மீதான மதிப்பு நாளுக்கு நாள் அதிகரித்து வருகிறது. இதன் காரணமாகவே தங்கத்தை மக்கள் அதிகளவு வாங்கி வருகிறார்கள். எதிர்கால சேமிப்பாக மக்கள் தங்கத்தில் பார்த்து வருவதால் அதிகளவு முதலீடு செய்து வருகிறார்கள். மேலும் அத்தியாவசிய தேவையான கல்வி, மருத்துவம் உள்ளிட்டவைகளுக்கு தங்கம் ஒரு அட்ஷய பாத்திரமாக இருப்பதால் எப்போது வேண்டும் என்றாலும் தங்கத்தை அடகு வைக்கவோ, விற்பனை செய்ய முடியும் என்ற காரணத்தால் தங்க நகைகளை தங்களால் முடிந்த அளவு வாங்கி வருகிறார்கள். இந்த நிலையில் தான் தங்கத்தின் விலையானது கடந்த 5 முதல் 6 வருடங்களில் பல மடங்கு அதிகரித்து நகைப்பிரியர்களை அதிர்ச்சி அடைய செய்துள்ளது.

தங்கம் விலை உயர காரணம் என்ன.?

தங்கத்தின் விலையானது உயர பல காரணங்கள் கூறப்படுகிறது. குறிப்பாக தங்கத்தின் மீதான முதலீடு பாதுகாப்பு என்பதால் முதலீட்டாளர்கள் அதிகளவு தங்கத்தின் மீது முதலீடு செய்து வருகிறார்கள். மேலும் தங்கள் நாட்டின் பண மதிப்பை அதிகரிக்க மத்திய வங்கிகள் தங்கத்தை டன் கணக்கில் வாங்கி குவித்ததும் தங்கம் விலையானது உயர்விற்கு காரணமாக பொருளாதார ஆய்வாளர்கள் தெரிவிக்கின்றனர். 

ஏறி இறங்கும் தங்கம் விலை

• ஜூலை 15 ஆம் தேதி கிராமுக்கு 30 ரூபாய் உயர்ந்து 13ஆயிரத்து 180 ரூபாய்க்கும், சவரனுக்கு 240 ரூபாய் உயர்ந்து 1,05,440 ரூபாய்க்கு விற்பனை.
• ஜூலை 16 ஆம் தேதி கிராம் ஒன்றுக்கு 30 ரூபாய் குறைந்து 13,150 ரூபாயக்கும், சவரனுக்கு 240 ரூபாய் குறைந்து 1,05,200 ரூபாய்க்கு விற்பனை.
• ஜூலை 17 ஆம் தேதி கிராமுக்கு 50 ரூபாய் குறைந்து 13,100 ரூபாய்க்கும், சவரனுக்கு 400 ரூபாய் குறைந்து 1,04,800 ரூபாய்க்கு விற்பனை.
• ஜூலை 18ஆம் தேதி கிராம் ரூ.35 உயர்ந்து ரூ.13,135-க்கும், சவரனுக்கு ரூ.280 உயர்ந்து ரூ.1,05,080-க்கும் விற்பனை.

இன்றைய தங்கம் விலை

தங்கத்தின் விலையானது கடந்த வாரம் ஏறி இறங்கி வந்த நிலையில், இன்று வாரத்தின் முதல் நாள் தங்கம் விலையானது அதிகரித்துள்ளது. அந்த வகையில் இன்று கிராம் ஒன்றுக்கு 15 ரூபாய் உயர்ந்து 13,150 ரூபாய்க்கும். சவரனுக்கு 120 ரூபாய் உயர்ந்த்து 1,05,200 ரூபாய்க்கும் விற்பனை செய்யப்படுகிறது.

அதே நேரம் வெள்ளியின் விலையானது எந்தவித மாற்றமும் இல்லாமல் கிராம் ஒன்று 235 ரூபாய்க்கும், கிலோ பார் வெள்ளி 2 லட்சத்து 25 ஆயிரம் ரூபாய்க்கும் விற்பனை செய்யப்படுகிறது.