Gold Rate increased : மீண்டும் உயர்ந்த தங்கம் விலை.! ஒரு கிராம் இவ்வளவா.!! இன்றைய தங்கம், வெள்ளி விலை நிலவரம் இதோ...

Gold Rate increased : தங்கத்தின் விலையானது கடந்த வாரம் குறைந்த நிலையில், கடந்த இரண்டு நாட்களாக விலையில் மாற்றமில்லாமல் இருந்து வந்தது. இந்த நிலையில் தங்கம் விலை அதிரடியாக உயர்ந்துள்ளது.

Gold and silver rate today

Source : ABP Live

தங்கத்தின் மீதான ஈர்ப்பு

தங்கத்தின் மீதான ஈர்ப்பு காரணமாக தங்கம் விலை உயர்ந்தாலும் நகைக்கடைகளில் மக்களின் கூட்டம் அதிகரித்தே காணப்படுகிறது. இதற்கு முக்கிய காரணம் தங்கத்தில் முதலீடு செய்தால் எப்போதும் நஷ்டம் ஏற்படாது என்ற மக்களின் எண்ணம் தான். அதிலும் இந்தியாவில் திருமணம் உள்ளிட்ட முக்கிய விஷேச நாட்களில் தங்க நகை முக்கிய இடம் பிடிக்கும், இந்த நிலையில் கடந்த சில வருடங்களாகவே தங்கத்தின் விலையானது புதிய புதிய உச்சத்தை தொட்டு வருகிறது. இரண்டு வருடங்களுக்கு முன்பு ஒரு சவரன் 50 ஆயிரம் ரூபாய்க்கு விற்பனையான தங்கம் விலை தற்போது 1.35 லட்சத்தை எட்டி நகைப்பிரியர்களை தலை சுற்ற வைத்தது.

தங்கம் விலை உயர்விற்கு காரணம் என்ன.?

தங்கம் விலை உயர்வுக்கு பல காரணங்கள் கூறப்படுகிறது. குறிப்பாக வளைகுடா நாடுகளில் ஏற்பட்டுள்ள போர் பதற்றத்தால், பங்கு சந்தை நிலையற்ற தன்மையாக இருப்பதால் முதலீட்டாளர்கள் அதிகளவு தங்கத்தில் முதலீடு செய்தனர். மேலும் டாருக்கு இணையாக தங்கள் நாட்டின் பண மதிப்பை அதிகரிக்கும் வகையில் மத்திய வங்கிகளும் டன் கணக்கில் தங்கத்தை வாங்கி குவித்தனர். இதுவும் தங்கம் விலை உயர்வுக்கு காரணமாக பார்க்கப்படுகிறது. 

ஏறி இறங்கும் தங்கம் விலை

• 14ஆம் தேதி கிராம் ஒன்றுக்கு 50 ரூபாய் உயர்ந்து 15,050 ரூபாய்க்கும், சவரனுக்கு 400 ரூபாய் உயர்ந்து 1,20,400 ரூபாய்க்கு விற்பனை
• 15.ஆம் தேதி கிராமுக்கு 285 ரூபாய் குறைந்து 14,765 ரூபாய்க்கும், சவரனுக்கு2,280 ரூபாய் குறைந்து 1,18,120 ரூபாய்க்கு விற்பனை
• 16ஆம் தேதி கிராமுக்கு 15 ரூபாய் குறைந்து 14,750 ரூபாய்க்கும், சவரனுக்கு  ரூபாய் குறைந்து 1,18,000 ரூபாய்க்கு விற்பனை
• 17 மற்றும் 18ஆம் ஆம் தேதி தங்கம் விலையில் மாற்றம் இல்லை 

இன்றைய தங்கம் விலை

தங்கத்தின் விலையானது கடந்த வாரம் குறைந்து வந்த நிலையில் இன்று அதிரடியாக உயர்ந்துள்ளது. அந்த வகையில் இன்று கிராம் ஒன்றுக்கு 120 ரூபாய் உயர்ந்து 14 ஆயிரத்து 630 ரூபாய்க்கும், சவரனுக்கு 960 ரூபாய் உயர்ந்து 1,17,040 ரூபாய்க்கு விற்பனை செய்யப்படுகிறது. 

வெள்ளி விலை.?

வெள்ளி விலையானது எந்த வித மாற்றமின்றி நேற்றைய விலையான கிராம் ஒன்று 300 ரூபாய்க்கும், கிலோ பார் வெள்ளி 3 லட்சம் ரூபாய்க்கும் விற்பனை செய்யப்படுகிறது.