Bank Working Days: வங்கிகளுக்கு சனிக்கிழமையும் விடுமுறையா? - மத்திய அரசு மறுப்பு.. என்ன நடந்தது?
இந்திய ரிசர்வ் வங்கி, எல்.ஐ.சி,மத்திய அரசு அலுவலகங்கள், பங்குச் சந்தைகள் ஆகியவை ஏற்கனவே வாரத்தில் 5 நாட்கள் மட்டுமே இயங்கும் நிலையில் தங்களுக்கும் அதே பணிச்சூழல் மற்றும் சமநிலையான வாழ்க்கை வேண்டும் என வங்கி ஊழியர்கள் கோரிக்கை விடுத்தனர்.

இனி வாரத்தில் 5 நாட்கள் மட்டுமே வங்கிகள் செயல்படும் என மத்திய அரசு அறிவித்ததாக வெளியான தகவல் வதந்தி என மத்திய நிதியமைச்சகம் விளக்கமளித்துள்ளது.
வங்கி ஊழியர்கள் போராட்டம்
நாடு முழுவதும் பொதுத்துறை மற்றும் தனியார் வங்கிகள் செயல்பட்டு வருகின்றன. இதில் பொதுத்துறை வங்கிகளுக்கு ஒரு மாதத்தின் இரண்டாவது மற்றும் நான்காவது சனிக்கிழமை விடுமுறை என்பது இதுவரை அமலில் இருந்து வந்தது. ஆனால் வாரத்தில் 5 நாள்கள் மட்டுமே வேலைநாள்களாக அறிவிக்கப்பட வேண்டும் மற்றும் அனைத்து சனிக்கிழமைகளிலும் விடுமுறை அளிக்கப்பட வேண்டும் என்பது ஊழியர்களின் நீண்ட கால கோரிக்கையாக இருந்து வருகிறது.
அதற்கு பதிலாக வாரத்தில் ஒரு நாளைக் குறைக்கும்போது தினமும் 40 முதல் 50 நிமிடங்கள் கூடுதலாக வேலை செய்ய ஊழியர்கள் ஒப்புக் கொண்டுள்ளனர். இந்திய ரிசர்வ் வங்கி, எல்.ஐ.சி,மத்திய அரசு அலுவலகங்கள், பங்குச் சந்தைகள் ஆகியவை ஏற்கனவே வாரத்தில் 5 நாட்கள் மட்டுமே இயங்கும் நிலையில் தங்களுக்கும் அதே பணிச்சூழல் மற்றும் சமநிலையான வாழ்க்கை வேண்டும் என்பது வங்கி ஊழியர்களின் கோரிக்கையாக இருந்து வந்தது.
தற்போதைய காலத்தில் UPI, மொபைல் பேங்கிங், நெட் பேங்கிங் மற்றும் ATM சேவைகள் மிகவும் வலுவாகவும், அதிக பேரால் பயன்படுத்தப்படுவதாலும் பொதுமக்களின் வழக்கமான பணப் பரிவர்த்தனை பாதிக்கப்படாது என்பது அவர்களின் வாதமாக இருந்து வந்தது. இதனையெல்லாம் வலியுறுத்தி செப்டம்பர் 28ம் தேதி முதல் செப்டம்பர் 30ம் தேதி வரை 3 நாட்கள் தொடர் போராட்டம் நடைபெறும் என அறிவிக்கப்பட்டது.
இதனால் வங்கி சேவைகள் பாதிக்கப்படக்கூடாது என கடந்த செப்டம்பர் 27ம் தேதி ஞாயிற்றுக்கிழமை வங்கிகள் செயல்பட்டன. ஆனால் கடைசி நேரத்தில் பொதுமக்களின் நலனைக் கருத்தில் கொண்டு மாற்று வழிகளை ஆராய தற்போது ஒரு உயர்மட்டக் கூட்டுக்குழு அமைக்கப்படும் என தெரிவிக்கப்பட்டதால் போராட்டம் தற்காலிகமாக வாபஸ் பெறப்பட்டது.
இனி 5 நாட்கள் மட்டுமே வேலை
இந்த நிலையில் ஊழியர்களின் கோரிக்கையை ஏற்றுள்ள மத்திய நிதியமைச்சகம் இனி வாரத்தில் 5 நாட்கள் மட்டுமே வங்கிகள் செயல்படும் என தெரிவித்ததாக தகவல் ஒன்று வெளியானது. ஆனால் இதனை மத்திய நிதியமைச்சகம் மறுத்துள்ளது.
ட்ரெண்டிங் செய்திகள்





















