![ABP Premium](https://cdn.abplive.com/imagebank/Premium-ad-Icon.png)
Budget 2024 Date and Time: இடைக்கால பட்ஜெட் எப்போது, எந்த நேரத்தில் தாக்கல் செய்யப்படுகிறது..? முழு விவரம் உள்ளே!
இடைக்கால பட்ஜெட் எந்த நேரத்தில் தாக்கல் செய்யப்படுகிறது, இதை எங்கு பார்க்க முடியும் என்பது குறித்து இங்கே பார்க்கலாம்.
![Budget 2024 Date and Time: இடைக்கால பட்ஜெட் எப்போது, எந்த நேரத்தில் தாக்கல் செய்யப்படுகிறது..? முழு விவரம் உள்ளே! union Budget 2024 Finance Minister Nirmala Sitharaman date and time when full details here Budget 2024 Date and Time: இடைக்கால பட்ஜெட் எப்போது, எந்த நேரத்தில் தாக்கல் செய்யப்படுகிறது..? முழு விவரம் உள்ளே!](https://feeds.abplive.com/onecms/images/uploaded-images/2024/01/31/26364fc3b70414919882fb445f19c42d1706675510875571_original.jpg?impolicy=abp_cdn&imwidth=1200&height=675)
Budget 2024 Date and Time: பிப்ரவரி 1 ஆம் தேதி, அதாவது நாளை வியாழக்கிழமை, 2024 ஆம் ஆண்டுக்கான பட்ஜெட்டானது புதிய நாடாளுமன்றத்தில் தாக்கல் செய்யப்படுகிறது. இதற்கான நாடாளுமன்ற பட்ஜெட் கூட்டத்தொடர் இன்று தொடங்குகிறது. இடைக்கால வரவுசெலவுத் திட்டத்திற்கான ஏற்பாடுகளையும் அரசாங்கம் நிறைவு செய்துள்ளது. பட்ஜெட்டுக்கு முன் நடத்தப்படும் அல்வா விழாவும் சமீபத்தில் நடந்து முடிந்தது. இந்த பட்ஜெட் மோடி அரசின் இரண்டாவது பதவிக்காலத்தின் கடைசி பட்ஜெட் என்பதால் சிறப்பு வாய்ந்ததாக பார்க்கப்படுகிறது. அதன் பிறகு புதிய அரசு பொறுப்பேற்ற பிறகு முழு பட்ஜெட் தாக்கல் செய்யப்படும். அத்தகைய சூழ்நிலையில், இந்த இடைக்கால பட்ஜெட் எந்த நேரத்தில் தாக்கல் செய்யப்படுகிறது, இதை எங்கு பார்க்க முடியும் என்பது குறித்து இங்கே பார்க்கலாம்.
2024 பட்ஜெட் எப்போது தாக்கல் செய்யப்படும்?
நிதியமைச்சர் நிர்மலா சீதாராமன் பிப்ரவரி 1, 2024ம் தேதி (நாளை) பட்ஜெட்டை தாக்கல் செய்கிறார். இந்த ஆண்டு ஏப்ரல்-மே மாதங்களில் (அநேகமாக) மக்களவைத் தேர்தல் நடைபெறவுள்ளதால் பிப்ரவரி 1-ம் தேதி தாக்கல் செய்யப்படும் பட்ஜெட் இடைக்கால பட்ஜெட்டாக இருக்கும். நாட்டின் பொருளாதாரம் சுமூகமாகச் செயல்படுவதில் எந்தப் பிரச்னையும் ஏற்படாத வகையிலும், பொருளாதாரத்தின் மீதான நம்பிக்கை நிலைத்திருக்கும் வகையிலும் புதிய அரசு அமையும் வரை, இடைக்கால பட்ஜெட்டில், வருவாய், செலவு மதிப்பீடுகள் முன்வைக்கப்படுகின்றன.
இடைக்கால பட்ஜெட் எந்த நேரத்தில் தாக்கல் செய்யப்படுகிறது..?
பட்ஜெட் தாக்கல் செய்வதற்கு முன் முழு அதிகாரப்பூர்வ நடைமுறையும் பின்பற்றப்படுகிறது. அதன்படி, முதலில் நிதியமைச்சர் தனது வீட்டில் இருந்து நார்த் பிளாக்கிற்கு புறப்படுவார். அனைத்து அதிகாரிகளையும் சந்தித்து குடியரசுத் தலைவரிடம் ஒப்புதல் பெறுவதற்கான பணிகள் அதன்பிறகு நிறைவடையும். அமைச்சரவைக் கூட்டத்தில் பட்ஜெட்டுக்கு ஒப்புதல் அளிக்கப்பட்டதும், நிதி அமைச்சரின் பட்ஜெட் உரை காலை 11 மணிக்கு நாடாளுமன்றத்தில் தொடங்கும்.
இன்று நடைபெறும் நாடாளுமன்ற பட்ஜெட் கூட்டத்தொடர்:
நாடாளுமன்ற பட்ஜெட் கூட்டத் தொடர் இன்று புதன்கிழமை (ஜனவரி 31) தொடங்குகிறது. நாடாளுமன்ற பட்ஜெட் கூட்டத்தொடர் பிப்ரவரி 9-ம் தேதி வரை நடைபெறும். பட்ஜெட் கூட்டத்தொடரின் முதல் நாளான இன்று, குடியரசுத் தலைவர் திரௌபதி முர்மு நாடாளுமன்றத்தின் இரு அவைகளிலும் கூட்டாக உரையாற்றுகிறார். இதனைத் தொடர்ந்து நாளை மத்திய அரசு இடைக்கால பட்ஜெட்டை தாக்கல் செய்கிறது. பட்ஜெட் கூட்டத் தொடர் தொடங்கும் முன், கடந்த செவ்வாய்க்கிழமை நடைபெற்ற அனைத்துக் கட்சிக் கூட்டத்தில், குடியரசுத் தலைவர் ஆட்சி உள்ள ஜம்மு காஷ்மீருக்கான பட்ஜெட்டையும் நிர்மலா சீதாராமன் தாக்கல் செய்வார் என்று நாடாளுமன்ற விவகாரத் துறை அமைச்சர் பிரஹலாத் ஜோஷி தெரிவித்தார்.
பட்ஜெட்டை எங்கே பார்க்கலாம்?
ஒவ்வொரு முறையும் போலவே, இந்த முறையும் மத்திய அரசின் பட்ஜெட் தாக்கல் நேரடி ஒளிபரப்பு செய்யப்படுகிறது. இதன் மூலம் நாம் அனைவரும் இந்த பட்ஜெட்டை நேரலையில் நேரடியாக பார்க்கலாம். தூர்தர்ஷன், சன்சாத் டிவியிலும் நேரடியாக ஒளிபரப்பப்படும். இது தவிர, இது PIB இன் சமூக தளத்திலும், நிதி அமைச்சகத்தின் YouTube சேனலிலும் நேரடியாக ஒளிபரப்பப்படுகிறது. இதுபோக, ஏபிபி நாடு பட்ஜெட் லைவ் ப்ளாக்கில் உடனுக்குடன் அப்டேட்களை தெரிந்துகொள்ளலாம். செய்திகள் வாயிலாகவும் முழு பட்ஜெட் குறித்த விவரங்களையும் அறிந்து கொள்ளுங்கள்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)