Tatas Affordable EV: கம்மி விலை, குட்டி மின்சார காருக்கு பெரிய பேட்டரி கொடுக்க டாடா திட்டம் - 360+KM ரேஞ்ச்
Tatas Affordable EV: இந்திய ஆட்டோமொபைல் சந்தையில் டாடாவின் மிகவும் மலிவு விலை மின்சார கார் மாடலான, டியாகோவிற்கு கூடுதல் ரேஞ்சுக்காக பெரிய பேட்டரி பேக் வழங்கப்பட உள்ளதாம்.
Tatas Affordable EV: இந்திய ஆட்டோமொபைல் சந்தையில் டாடாவின் மிகவும் மலிவு விலை மின்சார கார் மாடலான, டியாகோ புதிய பேட்டரி மூலம் 360 கிலோ மீட்டர் ரேஞ்ச் அளிக்குமாம்.
டாடாவின் மலிவான மின்சார கார்..!
இந்திய ஆட்டோமொபைல் சந்தையில் டாடாவின் டியாகோ மின்சார எடிஷன் 2022ம் ஆண்டு, ப்ராண்டின் மிகவும் மலிவு விலை மின்சார காராகவும், இந்தியாவின் முதல் வெகுஜன சந்தைக்கான மின்சார வாகனமாகவும் அறிமுகப்படுத்தப்பட்டது. தொடக்க காலங்கள் முதல் இந்த மின்சார ஹேட்ச்பேக் 19.2kWh மற்றும் 24kWh பேட்டரி பேக் ஆப்ஷன்களுடன் விற்பனை செய்யப்படுகிறது. பெரிய பேட்டரி பேக்கை முழுமையாக சார்ஜ் செய்தால் 315 கிலோ மீட்டர் தூரம் வரை பயணிக்கலாம் என கூறப்படுகிறது. 2025ம் ஆண்டு முதன்முறையாக சிறிய அப்டேட்களைப் பெற்ற டியாகோ EV, அடுத்த சில வாரங்களில் முக்கிய மேம்படுத்தலை பெற உள்ளது. இருப்பினும், அதன் அதிகாரப்பூர்வ வெளியீட்டுத் தேதி மற்றும் விவரங்கள் இன்னும் அறிவிக்கப்படவில்லை.
டாடா டியாகோ - பெரிய பேட்டரி & கூடுதல் ரேஞ்ச்
ஊடகங்களில் வெளியாகியுள்ள தகவலின்படி, டியாகோவின் புதிய மின்சார எடிஷனானது ஒருமுறை சார்ஜ் செய்தால் சுமார் 366 கிலோ மீட்டர் தூரம் வரை பயணிக்கக்கூடிய பெரிய 30kWh பேட்டரி பேக்குடன் வரும் என எதிர்பார்க்கப்படுகிறது. முன்னதாக, 19kWh மற்றும் 24kWh பேட்டரி பேக்குகள் முறையே 223 கி.மீ. மற்றும் 293 கி.மீ. தூரம் பயணிக்கும் என நிறுவனம் தரப்பில் தெரிவிக்கப்பட்டுள்ளது.
புதிய பேட்டரியானது, கோட்டியன் நிறுவனத்திடமிருந்து பெறப்பட்ட பிரிஸ்மாடிக் செல்களைப் பயன்படுத்தும் என்று கூறப்படுகிறது. டாடா பஞ்ச் EV-ஐப் போலவே, மேம்படுத்தப்பட்ட 30kWh பேட்டரி கொண்ட டியாகோ EV-யிலும் புதிய 6-இன்-1 ஐ-ட்ரைவ் மோட்டார் இடம்பெறும். இது 80 முதல் 88PS வரையிலான சக்தியையும், 140Nm டார்க்கையும் வழங்கும் என எதிர்பார்க்கப்படுகிறது. 2026 டாடா டியாகோ EV, 50kW-க்கு மேற்பட்ட வேகமான DC சார்ஜிங்கை ஆதரிக்கும், இது அதன் சார்ஜிங் நேரத்தை கணிசமாக குறைக்கும்.
புதிய டியாகோ EV - கூடுதல் அம்சங்கள் என்ன?
புதிய டாடா டியாகோ EV-யில், புதிதாக வடிவமைக்கப்பட்ட அலாய் வீல்கள், திருத்தப்பட்ட முன் மற்றும் பின்புற பம்பர்கள், ட்வின் பாரெல் செட்-அப் & LED DRL-களுடன் மறுவடிவமைக்கப்பட்ட முகப்பு விளக்குகள் மற்றும் மேம்படுத்தப்பட்ட பின்புற விளக்கு அமைப்பு ஆகியவை இடம்பெறும் என சோதனையின் போது எடுக்கப்பட்ட புகைப்படங்கள் உணர்த்துகின்றன.
பெரிய டச்ஸ்க்ரீன் இன்ஃபோடெயின்மென்ட் சிஸ்டம், 7-இன்ச் முழு டிஜிட்டல் இன்ஸ்ட்ரூமென்ட் க்ளஸ்டர், புதிய டூ-ஸ்போக் ஸ்டீயரிங் வீல், பளபளப்பான கருப்பு நிற சென்டர் கன்சோல் மற்றும் டச்ஸ்க்ரீன் அடிப்படையிலான ஏசி கட்டுப்பாடுகள் ஆகியவற்றைக் கொண்டு உட்புறமும் மாற்றியமைக்கப்படலாம். இந்த மின்சார வாகனத்தில் முன்பக்க ஆர்ம்ரெஸ்ட், சன்ரூஃப், 360-டிகிரி கேமரா, பின்பக்க ஏசி வென்ட்கள் மற்றும் வயர்லெஸ் ஃபோன் சார்ஜர் ஆகியவையும் வழங்கப்படலாம். பாதுகாப்பு அம்சங்களைப் பொறுத்தவரை, புதிய டாடா டியாகோ EV-யில் 6 ஏர்பேக்குகள், டயர் பிரஷர் மானிட்டரிங் சிஸ்டம், எலெக்ட்ரானிக் ஸ்டெபிலிட்டி கண்ட்ரோல், ஹில் ஸ்டார்ட் அசிஸ்ட், EBD உடன் கூடிய ABS ஆகியவை தொடர்ந்து வழங்கப்படும்.
Before You Go
Tirupati laddu to ayodhya: அயோத்தி ராமருக்கு ஏழுமலையானின் GIFT! | Ayodhya Ram Temple | ttd
தலைப்பு செய்திகள்
ட்ரெண்டிங் செய்திகள்
