Mahindra XEV 9S Rival: XEV 9S போட்டியாக டாடாவின் புது மின்சார கார் - 7 சீட்டர், 500KM ரேஞ்ச் - தீபாவளி பட்ஜெட்டில் அடங்குமா?
Tata Safari EV: மஹிந்த்ராவின் XEV 9S கார் மாடலுக்கு போட்டியாக டாடா சஃபாரி மின்சார எடிஷன் வரும் தீபாவளிக்கு சந்தைப்படுத்தப்படும் என தகவல் வெளியாகியுள்ளது.
Tata Safari EV: டாடா சஃபாரி மின்சார எடிஷன் 500 கிலோ மீட்டர் ரேஞ்சை அளிக்கும் என எதிர்பார்க்கப்படுகிறது.
டாடா சஃபாரி மின்சார எடிஷன்:
இந்திய மின்சார கார் சந்தையானது உள்நாட்டில் இருந்து மட்டுமின்றி, வெளிநாட்டு நிறுவனங்களிடமிருந்தும் பல புது வரவுகளை எதிர்கொள்ள உள்ளது. மின்சார வாகன பிரிவில் செலுத்தி வரும் ஆதிக்கத்தை மேலும் விரிவுபடுத்தும் வகையில் டாடா தனது புது மாடல்களை தயார்படுத்தி வருகிறது. அந்த வகையில் நடப்பு நிதியாண்டு இறுதிக்குள் சியா, சஃபாரி மற்றும் அவின்யா ஆகிய மூன்று மின்சார மாடல்கள் அறிமுகப்படுத்தப்படும் என உள்ளூர் கார் உற்பத்தி நிறுவனம் ஏற்கனவே அறிவித்துள்ளது. அந்த வகையில் ப்ராண்டின் முதன்மையான 7 சீட்டர் மின்சார எஸ்யுவி ஆனது தீபாவளி நேரத்தில் விற்பனைக்கு கொண்டு வரப்படும் என தகவல்கள் தெரிவிக்கின்றன. இந்த காரானது உள்நாட்டு விற்பனையில் அசத்தி வரும் மஹிந்த்ராவின் XEV 9S மாடலுக்கு நேரடி போட்டியாக உருவெடுக்க உள்ளது.
டாடா சஃபாரி EV - 500கிமீ ரேஞ்ச், அம்சங்கள்..
சஃபாரி மின்சார எடிஷன் லோயர் வேரியண்ட்களில் 65KWh பேட்டரி பேக்கையும், டாப் வேரியண்ட்களில் 75KWh பேட்டரி பேக்கையும் பெறக்கூடுமாம். பெரிய பேட்டரியை முழுமையாக சார்ஜ் செய்தால் 600 கிலோ மீட்டர் தூரம் வரை ரேஞ்ச் அளுக்கும் என நிறுவனம் தரப்பில் தெரிவிக்கப்பட்டுள்ளது. ஆனால், நிஜ உலக பயன்பாட்டில் இந்த ரேஞ்சானது 450 முதல் 500 கிலோ மீட்டருக்குள் அடங்கும் என எதிர்பார்க்கப்படுகிறது.
டாடா சஃபாரியின் மின்சார எடிஷனானது, ஹாரியர் மின்சார எடிஷன் உருவாக்கப்பட்ட அதே Acti.ev+ ப்ளாட்ஃபார்மில் தான் கட்டமைக்கப்பட்டுள்ளது. இந்த ப்ளாட்ஃபார்மானது ஆல் வீல் ட்ரைவ் திறன் வழங்க வழிவகை செய்கிறது. மேலும் ஃப்ளாட் ஃப்ளோர் மற்றும் மூன்றாவது வரிசை இருக்கைக்காக அதிகரிக்கப்பட்ட நீளம் ஆகியவற்றை ஏற்படுத்த உதவுகிறது. சஃபாரியின் மின்சார எடிஷனானது ரியர் வீல் ட்ரைவ் அம்சத்தை கொண்டிருக்கும் என கூறப்படுகிறது. அதேநேரம், டாப் வேரியண்ட்களில் டூயல் மோட்டர் ஆல் வீல் ட்ரைவ் ஆப்ஷன் வழங்கப்பட உள்ளதாம். இதில் ஆஃப் ரோட் மற்றும் பனி சூழ்ந்த சூழல் ஆகியவற்றுக்கு என பிரத்யேகமான ட்ரைவ் மோட்களை கொண்டிருக்கும் எனவும் தகவல்கள் தெரிவிக்கின்றன.
டாடா சஃபாரி EV - டிசைன், உட்புற வசதிகள்
சஃபாரி மின்சார எடிஷனின் ஒட்டுமொத்த வெளிப்புற தோற்றமானது, இன்ஜின் எடிஷனை அப்படியே பிரதிபலிக்கிறது. அதேநேரம், EV-க்கு என சில பிரத்யேகமான பேட்ஜ் உள்ளிட்ட மாற்றங்களை பெறக்கூடும். முழு அகலத்திற்குமான வெல்கம் மற்றும் குட்பாய் அனிமேஷனுடன் கூடிய கனெக்டட் எல்இடி பகல் நேரங்களில் ஒளிரும் ஸ்ட்ரிப்கள், க்ளோஸ்ட் ஆஃப் பாராமெட்ரிக் க்ரில், 19 இன்ச் ஏரோடைனமிக் அலாய் வீல்கள் ஆகியவை இடம்பெற வாய்ப்புள்ளதாம்.
காரின் உட்புறத்தை கவனத்தில் கொண்டால், வயர்லெஸ் ஆண்ட்ராய்ட் மற்றும் ஆப்பிள் கார்பிளே உடன் கூடிய 12.3 இன்ச் ஃப்ளோட்டிங் டச்ஸ்க்ரீன், 10.25 இன்ச் டிஜிட்டல் ட்ரைவர் டிஸ்பிளே, 4 ஸ்போக் பேக்லிட் ஸ்டியரிங் வீல் ஆகியவற்றை பெறலாம். பாதுகாப்பை உறுதிப்படுத்த 540 டிகிரி சரவுண்ட் வியூ கேமரா, லெவல் 2 ADAS டெக், முன்புற பார்கிங் சென்சார்கள், எலெக்ட்ரிகலி அட்ஜெஸ்டபள் முன்புற இருக்கைகள், டூயல் க்ளைமேட் கன்ட்ரோல் மற்றும் பனோரமிக் சன்ரூஃப் உள்ளிட்ட பல அம்சங்களு எதிர்பார்க்கப்படுகிறது.
டாடா சஃபாரி EV - விலை விவரங்கள்
சஃபாரி மின்சார எடிஷனானது வெஹைகிள் டூ லோட், வெஹைகிள் டூ வெஹைகிள் திறனை கொண்டிருக்குமாம். 7 மற்றும் 6 இருக்கை அமைப்புகளில் இந்த கார் சந்தைப்படுத்தப்பட உள்ளதாம். குறிப்பாக 6 இருக்கைகள் கொண்ட எடிஷனின் இரண்டாவது வரிசையில் கேப்டன் இருக்கைகள் வழங்கப்பட உள்ளன. ஒட்டுமொத்தமாக இந்த மின்சார காரின் இரண்டாவது வரிசையில் வெண்டிலேடட் வசதி பொருத்தப்பட உள்ளதாம். தீபாவளி சீசன் அதாவது அக்டோபர் அல்லது நவம்பர் மாதத்தில் சஃபாரியின் மின்சார எடிஷன் சந்தைப்படுத்தப்படும் போது, 23 லட்சம் முதல் 30 லட்ச வரை விலை வரம்பை பெறலாம் என கூறப்படுகிறது. இதன் நேரடி போட்டியாளரான மஹிந்த்ராவின் XEV 9S கார் மாடலின் விலை ரூ.19.95 லட்சத்தில் தொடங்கி ரூ.29.45 லட்சம் வரை நீள்வது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
