Skoda Slavia: ரூ.11 லட்சம் பட்ஜெட்டில் புது ஸ்லாவியா..! போட்டியாளர்களை சமாளிக்குமா? மைலேஜ், பாதுகாப்பு எப்படி?
Skoda Slavia Facelift: இந்திய ஆட்டோமொபைல் சந்தையில் ஸ்கோடா ஸ்லாவியாவின் ஃபேஸ்லிஃப்ட் எடிஷன் நாளை விற்பனைக்கு கொண்டுவரப்படுகிறது.
Skoda Slavia Facelift: இந்திய ஆட்டோமொபைல் சந்தையில் ஸ்கோடா ஸ்லாவியாவின் ஃபேஸ்லிஃப்ட் எடிஷன் நாளை விற்பனைக்கு கொண்டுவரப்படுகிறது.
ஸ்கோடா ஸ்லாவியா ஃபேஸ்லிஃப்ட்:
ஸ்கோடா ஸ்லாவியாவின் மேம்படுத்தப்பட்ட ஃபேஸ்லிஃப்ட் எடிஷனானது நாளை, இந்திய ஆட்டோமொபைல் சந்தையில் அறிமுகப்படுத்தப்பட உள்ளது. இதனை முன்னிட்டு புதிய மாடலுக்கான டீசரை வெளியிட்டு பல்வேறு அம்சங்களுக்கான எதிர்பார்ப்புகளை உற்பத்தி நிறுவனம் தூண்டிவிட்டுள்ளது. கூடுதல் வெளிப்புற விவரங்களை வெளிப்படுத்துவதோடு, இந்த செடான் முந்தைய எடிஷனின் மிகவும் பிரபலமான அம்சங்களை தக்க வைத்துக் கொள்ளும் என்பதையும் உறுதிப்படுத்துகிறது. சமீபத்திய டீசரானது, திருத்தப்பட்ட க்ரில், மேம்படுத்தப்பட்ட விளக்குகள், மறுவடிவமைக்கப்பட்ட பம்பர்கள் மற்றும் ஒரு புதிய அலாய் வீல் அமைப்பை பெறுவதை உறுதி செய்கிறது.
ஸ்லாவியா ஃபேஸ்லிஃப்ட் - வெளிப்புற டிசைன்
ஸ்லாவியாவின் முன்பக்கத்தில் தான் மிகப்பெரிய தோற்ற மாற்றம் மேற்கொள்ளப்பட்டுள்ளது. க்ரில்லில் இப்போது பிரதானமான குரோம் வேலைப்பாடுகள் இடம்பெற்றுள்ளன. அதே சமயம், ஹெட்லேம்ப் யூனிட்கள் திருத்தப்பட்ட உள் பாகங்களையும் மேம்படுத்தப்பட்ட LED அடையாளங்களையும் பெறும் என எதிர்பார்க்கப்படுகிறது. மறுவடிவமைக்கப்பட்ட பம்பர்களும், அவற்றுடன் புதிதாக வடிவமைக்கப்பட்ட ஃபாக்-லேம்ப் ஹவுசிங்குகளும் காணப்படுகின்றன. ஜன்னல்களுக்கான க்ரோம் வடிவமைப்பு, தற்போதுள்ள காரிலிருந்து அப்படியே பின்பற்றப்படுகிறது. சமீபத்திய டீசர், பக்கவாட்டு மற்றும் பின்புறப் பகுதிகளை மிகவும் தெளிவாகக் காட்டுகிறது. புதிய 5 ஸ்போக் அலாய் வீல்கள் ஒரு ஸ்போர்ட்டியான தோற்றத்தை உறுதி செய்கின்றன. ஆனால் இந்த வீல்கள் தற்போதைய 16-இன்ச் விட்டத்தையே தக்க வைத்துக் கொள்ளும் என எதிர்பார்க்கப்படுகிறது. டெயில் லேம்ப்கள் முந்தைய செடான் மாடலைப் போன்ற அமைப்பையே தக்க வைத்துக் கொள்வதாகத் தெரிகிறது. அதே சமயம் ரூஃப்லைன் மற்றும் பில்லர்கள் மாற்றமின்றி இருக்கும் என எதிர்பார்க்கப்படுகிறது.
ஸ்லாவியா ஃபேஸ்லிஃப்ட் - அம்சங்கள், வசதிகள்
தற்போதுள்ள 10.25 இன்ச் இன்ஃபோடெயின்மென்ட் திரையுடன், ஒரு புதிய 10.25 இன்ச் டிஜிட்டல் டிரைவர் டிஸ்ப்ளேவும் இணைக்கப்படும். திருத்தப்பட்ட இருக்கை உறைகள் மற்றும் ட்ரிம் ஃபினிஷ்கள் உட்புறத்தைப் புதுப்பிக்கக்கூடும். இந்த ஃபேஸ்லிஃப்ட் மாடலில் எதிர்பார்க்கப்படும் மற்ற அம்சங்களில் வயர்லெஸ் ஸ்மார்ட்போன் சார்ஜிங், ஆட்டோமேட்டிக் க்ளைமேட் கன்ட்ரோல், பின்புற ஏசி வென்ட்கள், எட்டு ஸ்பீக்கர்கள் கொண்ட ஆடியோ சிஸ்டம், சிங்கிள்-பேனல் சன்ரூஃப், டயர் ப்ரஷர் மானிட்டரிங் சிஷ்டம் மற்றும் முன்புற பார்க்கிங் சென்சார்கள் ஆகியவை அடங்கும்.
பாதுகாப்பு உபகரணங்களிலும் சில கூடுதல் அம்சங்கள் சேர்க்கப்படக்கூடும். தற்போதைய ஸ்லாவியா எடிஷனில் உள்ள, 5 ஸ்டார் பாதுகாப்பு ரேட்டிங்குடன் ஆறு ஏர்பேக்குகள், ஏபிஎஸ், எலெக்ட்ரானிக் ஸ்டெபிலிட்டி கண்ட்ரோல், TPMS மற்றும் ISOFIX மவுண்ட்கள் ஏற்கனவே உள்ளன.
ஸ்லாவியா ஃபேஸ்லிஃப்ட் - இன்ஜின் விவரங்கள்
பின் இருக்கை மசாஜ் வசதியையும் கொண்டிருக்கும் என தெரிவிக்கப்பட்டுள்ளது. பவர்டிரெய்ன் வரிசை தற்போதைய மாடலில் இருந்து தொடரும். 1.0-லிட்டர் TSI டர்போ பெட்ரோல் இன்ஜின், 6 ஸ்பீட் மேனுவல் அல்லது புதிய 8 ஸ்பீட் ஆட்டோமேட்டிக் ட்ரான்ஸ்மிஷனுடன் இணைந்து, சுமார் 116 PS மற்றும் 178 Nm பவரைத் தொடர்ந்து வழங்கும் என எதிர்பார்க்கப்படுகிறது. பெரிய 1.5-லிட்டர் TSI இன்ஜின், 7 ஸ்பீட் DSG ட்ரான்ஸ்மிஷனுடன் தனது 150 PS மற்றும் 250 Nm பவரைத் தக்கவைத்துக் கொள்ளும் என எதிர்பார்க்கப்படுகிறது. இது லிட்டருக்கு 18 முதல் 20 கிலோ மீட்டர் வரை மைலேஜ் ஆக வழங்குவதாக அறிவிக்கப்பட்டுள்ளது.
ஸ்லாவியா ஃபேஸ்லிஃப்ட் - விலை, போட்டியாளர்கள்
ஃபேஸ்லிஃப்ட் செய்யப்பட்ட ஸ்லாவியா, ஹூண்டாய் வெர்னா, ஃபோக்ஸ்வேகன் விர்டஸ் மற்றும் ஹோண்டா சிட்டி ஆகியவற்றுடன் உள்ளூர் சந்தையில் ஸ்லாவியாவின் ஃபேஸ்லிஃப்ட் எடிஷன் போட்டியிட உள்ளது. இதன் விலை, தற்போதைய எடிஷனின் ரூ. 10 லட்சம் முதல் ரூ. 18.19 லட்சம் (எக்ஸ்-ஷோரூம்) வரையிலான வரம்பிலிருந்து சற்றே உயரும் என எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
