Renault Duster: எவ்ளோ அடிச்சாலும் கெத்தா நிப்பேன்..! க்ரேட்டாவுக்கே மூணு தான், 5 ஸ்டாரை வாங்கி மிரட்டும் டஸ்டர் -
Renault Duster Safety Rating: இந்திய மிட்-சைஸ் எஸ்யுவி பிரிவில் மேம்படுத்தப்பட்டு அறிமுகமான ரெனால்ட் டஸ்டர், பாதுகாப்பு பரிசோதனையில் 5 ஸ்டார் ரேட்டிங் பெற்று அசத்தியுள்ளது.
Renault Duster Safety Rating: ரெனால்ட் டஸ்டர் கார் மாடலில் இடம்பெற்றுள்ள பாதுகாப்பு அம்சங்கள் கீழே பட்டியலிடப்பட்டுள்ளன.
க்ராஷ் டெஸ்டில் அசத்திய ரெனால்ட் டஸ்டர்
இந்திய ஆட்டோமொபைல் சந்தையில் அதிகப்படியான போட்டி நிலவும் மிட்-சைஸ் எஸ்யுவி பிரிவில், நவீன காலத்திற்கு ஏற்ப மேம்படுத்தப்பட்ட புதிய ரெனால்ட் டஸ்டர் அண்மையில் அறிமுகப்படுத்தப்பட்டது. இந்நிலையில் அந்த காரானது பாரத் புதிய கார் மதிப்பீடு திட்டத்தின் கீழ் பாதுகபபு பரிசோதனைக்கு உட்படுத்தப்பட்டது. அதன் முடிவில் பெரியவர்களுக்கான பரிசோதனையில் 32 புள்ளிகளுக்கு 30.49 புள்ளிகளையும், குழந்தைகளுக்கான பாதுகாப்பு பரிசோதனையில் 49 புள்ளிகளுக்கு 45 புள்ளிகளையும் பெற்று கவனத்தை ஈர்த்துள்ளது. மிட்சைஸ் எஸ்யுவி பிரிவு விற்பனையில் அசத்தி வரும் ஹுண்டாயின் க்ரேட்டா மாடலே, சர்வதேச பாதுகாப்பு பரிசோதனையில் 3 ஸ்டார் பாதுகாப்பு ரேட்டிங்கை தான் பெற்றுள்ளது என்பது குறிப்பிடத்தக்கது.
பெரியவர்களுக்கான பாதுகாப்பு பரிசோதனை
காரை மோதலுக்கு உட்படுத்தப்பட்ட பிறகு பாதுகாப்பை உறுதி செய்வதற்கான முன்பக்க தாக்கமானது 16 புள்ளிகளுக்கு 14.49 புள்ளிகளை பெற்றுள்ளது. இதோடு ஓட்டுனரின் தலை, கழுத்து, இடுப்பு மற்றும் தொடைகளுக்கு பாதுகாப்பு வழங்குவதில் நல்ல நிலையையும் புதிய ரெனால்ட் டஸ்டர் உறுதி செய்துள்ளது. அதேநேரம், ஓட்டுனரின் மார்பு மற்றும் முழங்காலுக்கும் கணுக்காலுக்கும் இடைபட்ட பகுதியான கால் எலும்புப் பகுதிக்கு பாதுகாப்பு நிலை போதுமானது என்ற நிலையை மட்டுமே எட்டியுள்ளது. ஓட்டுனர் அல்லாத முன் இருக்கை பயணிக்கு மார்பு மற்றும் கீழ்-கால் பகுதிகள் உட்பட வழங்கப்படும் பாதுகாப்பிற்காக, டஸ்டர் ஒட்டுமொத்தமாக 'நல்ல' மதிப்பீட்டைப் பெற்றது. நகரும்போது ஏற்பட்ட தாக்கத்திலும் பக்கவாட்டிற்கான பாதுகாப்பில் 16-க்கு 16 புள்ளிகளை பெற்றுள்ளது. பக்கவாட்டில் கம்பம் மீது மோதினால் பாதுகாப்பு நிலை 'பரவாயில்லை' என்ற மதிப்பீட்டைப் பெற்றுள்ளது.
குழந்தைகளுக்கான பாதுகாப்பு பரிசோதனை
ரெனால்ட் டஸ்டரின் குழந்தைகளுக்கான பாதுகாப்பு பரிசோதனையானது, 18 மாத மற்றும் 3 வயது குழந்தைகளைப் போல வடிவமைக்கப்பட்ட பொம்மைகளை கொண்டு மேற்கொள்ளப்பட்டது. இரண்டு பிரிவுகளிலும், முன்பக்க மற்றும் பக்கவாட்டுப் பாதுகாப்பு டைனமிக் மதிப்பெண்கள் உட்
பட, டஸ்டர் அதிகபட்சமாக 24 புள்ளிகளைப் பெற்றது. இரண்டாவது வரிசையின் வெளிப்புற இருக்கைகளில் மட்டுமே ISOFIX ஆங்கர்கள் பொருத்தப்பட்டுள்ளன என்பதை கவனித்தில் கொள்ள வேண்டும். டஸ்டரின் குழந்தை பாதுகாப்பு அமைப்பு (CRS) சாத்தியமான அதிகபட்ச மதிப்பெண்ணான 12 புள்ளிகளைப் பெற்றது. இருப்பினும், 13 புள்ளிகளுக்கு 9 என்ற வாகன மதிப்பீட்டு மதிப்பெண்ணுடன், டஸ்டரின் ஒட்டுமொத்த குழந்தைகளுக்கான பாதுகாப்பு மதிப்பெண் 49க்கு 45 புள்ளிகளாக உள்ளது.
ரெனால்ட் டஸ்டர் பாதுகாப்பு அம்சங்கள்:
புதிய தலைமுறை ரெனால்ட் டஸ்டரின் ஆறு வேரியண்ட்களும் பலதரப்பட்ட அடிப்படை பாதுகாப்பு அம்சங்களை கொண்டுள்ளது. அதில் 6 ஏர் பேக்குகள், எலெக்ட்ரானிக் ஸ்டெபிலிட்டி ப்ரோக்ராம், ஹில் ஹோல்ட் கன்ட்ரோல் ஹில் டிஸ்செண்ட் கன்ட்ரோல், டயர் பிரஷர் மானிட்டரிங் சிஸ்டம், அனைத்து பயணிகளுக்கும் 3 பாயிண்டட் சீட்பெல்ட்ஸ், ISOFIX இருக்கை புள்ளிகள் ஆகியவை அடங்கும். அதேநேரம், டாப் ஸ்பெக் ஐகானிக் வேரியண்டானது, ADAS தொழில்நுட்பத்தை பெற்றுள்ளது. இதன் மூலம் அடாப்டிவ் க்ரூஸ் கன்ட்ரோல், ஆட்டோ எமர்ஜென்சி ப்ரேக்கிங் மூலம் கொலிசன் டிடெக்ஷன், லேன் கீப்பிங் அசிஸ்ட் மற்றும் ப்ளைண்ட் ஸ்பாட் டிடெக்ஷன் ஆகியவற்றை அணுக முடியும்.
ரெனால்ட் டஸ்டரின் கார் மாடலின் விலையானது 10 லட்சத்து 49 ஆயிரத்தில் தொடங்கி 18 லட்சத்து 49 ஆயிரம் ரூபாய் வரை நீள்கிறது. டூயல் டோன் வண்ண ஆப்ஷன்களுக்கு கூடுதலாக 20 ஆயிரம் ரூபாயை செலுத்த வேண்டி இருக்கும். உள்நாட்டு சந்தையில் இந்த மிட்-சைஸ் எஸ்யுவி காரானது ஹுண்டாய் க்ரேட்டா, கியா செல்டோஸ், ஹோண்டா எலிவேட், மாருதி சுசூகி க்ராண்ட் விட்டாரா, டாடா சியாரா மற்றும் ஃபோக்ஸ்வாகன் டைகன் ஆகிய மாடல்களுடன் போட்டியிடுகிறது.
தலைப்பு செய்திகள்
ட்ரெண்டிங் செய்திகள்
