MG Majestor: கம்பீரத்தின் மறு உருவம்! அறிமுகமாகியது MG Majestor 4×4 - பில்டப்புக்கு வொர்த் ப்ரோ
இந்தியாவில் மிகவும் எதிர்பார்க்கப்பட்ட MG Majestor கார் இன்று அறிமுகமாகியது. இதன் சிறப்பம்சங்கள் குறித்து கீழே விரிவாக காணலாம்.
இந்தியாவின் கார் சந்தையில் தனக்கென தனி இடத்தைப் பிடிக்க ஆர்வம் காட்டும் கார் நிறுவனம் எம்ஜி. இவர்களின் கார்களுக்கு இந்தியாவில் மிகச்சிறந்த வரவேற்பு உள்ளது.
MG Majestor:
இந்திய சந்தையில் இவர்கள் புதியதாக அறிமுகப்படுத்தியுள்ள கார் MG Majestor 4×4 கார் ஆகும். இந்த புதிய எஸ்யூவி காருக்கு என்று இந்தியாவில் மிகப்பெரிய எதிர்பார்ப்பு எழுந்துள்ளது. அற்புதமான கட்டமைப்பு, தோற்றம், உட்கட்டமைப்பு வசதிகள், பிக்கப் என அசத்தலான ஆற்றலுடன் இந்த கார் உருவாகியுள்ளது.
விலை:
இந்த காரில் மொத்தம் 2 வேரியண்ட் அறிமுகப்படுத்தப்பட்டுள்ளது. ஒன்று MG Majestor 4X2 Automatic Top Trim. மற்றொன்று MG Majestor 4X4 Automatic Top Trim கார் ஆகும்.
1. MG Majestor 4X2 Automatic Top Trim - ரூபாய் 40.99 லட்சம்
2.MG Majestor 4X4 Automatic Top Trim - ரூபாய் 44.99 லட்சம் ஆகும்.
முதல் வேரியண்டில் 6 சீட்டர் மற்றும் 7 சீட்டர் உள்ளது. இரண்டாவது வேரியண்டில் 7 சீட்டர் உள்ளது.
சிறப்பம்சங்கள்:
இந்த புதிய MG Majestor காரில் 2.0 ட்வின் டர்போ டீசல் எஞ்ஜின் பொருத்தப்பட்டுள்ளது. இது 215.5 பிஎஸ் ஆற்றல் கொண்டது. 478.5 என்எம் டார்க் இழுதிறன் கொண்டது. 8 கியர்களை கொண்ட ஆட்டோமெட்டிக் கார் ஆகும். கிரவுண்ட் கிளியரன்ஸ் 219 என்எம் ஆகும். இந்த கார் 5 ஆயிரத்து 46 மி.மீட்டர் நீளமும், 2016 மி.மீட்டர் அகலமும் கொண்டது. உயரம் 1870 மி.மீட்டர் ஆகும்.
ஆஃப் ரோட் மோட் 10 உள்ளது. இதன் சக்கரங்கள் 19 இன்ச் ஆகும். லெவல் 2 அடாஸ் வசதி கொண்டது. 12.3 இன்ச் டிஸ்ப்ளே வசதி கொண்டது. 12 ஸ்பீக்கரம் ஜேபிஎல் ஆடியோ செட்டப் வசதி கொண்டது. 360 டிகிரி கேமரா எச்டி கேமரா வசதி உள்ளது. எலக்ட்ரானிக் ஸ்டெபிளிட்டி சிஸ்டம் வசதி, மல்டிபிள் ட்ராக்ஷன் கன்ட்ரோல் வசதி ள்ளது.
இரட்டை டர்போ டீசல் எஞ்ஜின் என்பதால் இந்த காரின் ஆற்றல் மிகப்பெரிய அளவில் இருக்கும். இதன் பிக்கப் சிறப்பாக இருக்கும் என்று எதிர்பார்க்கப்படுகிறது. இந்த கார் சந்தையில் அறிமுகமானால் பல கார்களுக்கு போட்டியாக திகழும் என்று எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
