Jetour T2 முதல் Jaecoo J7 வரை.. இந்தியாவையே அசத்தப்போகும் 5 upcoming மின்சார கார்கள்!

JSW Motors இந்திய சந்தையில் விரைவில் அறிமுகப்படுத்த உள்ள 5 மின்சார கார்களின் பட்டியலை கீழே விரிவாக காணலாம்.

புதியதாக வர உள்ள மின்சார கார்

Source : twitter

இந்தியாவில் சமீபகாலமாக மின்சார கார்களின் தயாரிப்பில் ஒவ்வொரு கார் நிறுவனங்களும் ஆர்வம் காட்டி வருகின்றனர். மஹிந்திரா, டாடா, மாருதி சுசுகி என ஒவ்வொரு நிறுவனங்களும் மின்சார கார்களை சந்தையில் அறிமுகப்படுத்தி வருகின்றனர்.

அந்த வரிசையில் தற்போது JSW Motors நிறுவனமும் மின்சார கார்கள் தயாரிப்பில் களமிறங்கியுள்ளது.

1.Jetour T2:

இந்த Jetour T2 கார்தான் ஜேஎஸ்டபுள்யூ மோட்டார் நிறுவனம் மீது இந்திய சந்தையில் மிகப்பெரிய எதிர்பார்ப்பை உருவாக்கியுள்ளது. டொயோடோ ஃபார்ச்சுனர் மற்றும் எம்ஜி மெஜஸ்டருக்குப் போட்டியாக இந்த கார் களமிறங்குகிறது. 4 ஆயிரத்து 785 மி.மீட்டர் நீளமும், 2 ஆயிரத்து 6 மி.மீட்டர் அகலமும், 1,875 மி.மீட்டர் உயரமும் கொண்டது இந்த கார். 

2.Jaecoo J5:

ஜேஎஸ்டபுள்யூ மோட்டார்சின் மற்றொரு புதிய மின்சார காராக உருவாகி வருவது Jaecoo J5. இந்த கார் அடுத்தாண்டு ஜனவரியில் சந்தைக்கு வரும் என்று கருதப்படுகிறது. ஹுண்டாயின் கிரெட்டா எலக்ட்ரிக் காருக்கு போட்டியாக இந்த கார் சந்தையில் களமிறங்கும் என்று கருதப்படுகிறது. 4 ஆயிரத்து 380 மி.மீட்டர் நீளமும், 1860 மி.மீட்டர் அகலமும், 1650 மி.மீட்டர் உயரமும் கொண்டது இந்த கார்.  இது ஒரு ஹைப்ரிட் காராகவும் சந்தையில் அறிமுகமாக உள்ளது. இந்த கார் ஒரே சார்ஜில் 461 கிலோமீட்டர் வரை செல்லும் ஆற்றல் கொண்டதாக உருவாகி வருகிறது.

3.  iCar V23:

இது ஒரு ரெட்ரோ ஸ்டைல் எஸ்யூவி கார் ஆகும். 4 ஆயிரத்து 230மி.மீட்டர் நீளமும், 1915 மி.மீட்டர் அகலமும், 1845 மி.மீட்டர் உயரமும் கொண்டது இந்த கார். சிங்கிள் மோட்டார் ஆர்டபுள்டி மற்றும் டூயல் மோட்டர் ஏடபுள்யூடி வேரியண்ட் கொண்டது இந்த கார் ஆகும். டாடா சியாரா இவி காருக்கு போட்டியாக இந்த கார் அறிமுகமாக உள்ளது. ஒரே சார்ஜில் 360 கிலோமீட்டர் வரை செல்லும் ஆற்றல் கொண்டிருக்கிறது. அடுத்தாண்டின் 3ம் காலாண்டில்  இந்த கார் அறிமுகமாகும் என்று கருதப்படுகிறது.

4. Chery Q:

இந்த கார் ஒரு சிறிய ரக எஸ்யூவி காராக தயாராகி வருகிறது. எம்ஜி விண்ட்சார் இவி காருக்கு போட்டியாக இந்த கார் தயாராகி வருகிறது. 2028ம் ஆண்டு இந்த கார் சந்தையில் அறிமுகமாகும் என்று கருதப்படுகிறது.  இந்த கார் 4 ஆயிரத்து 195 மி.மீட்டர் நீளமும், 1811 மி.மீட்டர் அகலமும், 1574 மி.மீட்டர் உயரமும் கொண்டது ஆகும். ஒரே சார்ஜில் 400 கி.மீட்டர் வரை மைலேஜ் தரும் ஆற்றல் கொண்டதாக இந்த கார் தயாராகி வருகிறது.

5.Jaecoo J7:

மிகப்பெரிய எதிர்பார்ப்பை உருவாக்கியுள்ள கார் Jaecoo J7. இந்த காரின் தோற்றமும், இதன் வசீகரத் தோற்றமும், இதன் சிறப்பம்சங்களுமே இதற்கு காரணம் ஆகும். இந்த கார் ஹைப்ரிட் வேரியண்டாக உருவாகி வருகிறது. அடுத்தாண்டு பிற்பாதியில் இந்த கார் சந்தையில் அறிமுகமாகும் என்று கருதப்படுகிறது.  கியா செல்டாஸ் ஹைப்ரிட் , ரெனால்ட் டஸ்டர் ஹைப்ரிட் கார்களுக்கு போட்டியாக இந்த கார் தயாராகி வருகிறது.