புல்லட்டுக்கே டஃப் கொடுக்கும் ஜாவா..! கம்பீரமாக போக Jawa 42 FJ வாங்கலாமா?
ராயல் என்ஃபீல்டிற்கு சவால் தரும் இருசக்கர வாகனமாக கருதப்படும் Jawa 42 FJ பைக்கின் விலை, தரம், மைலேஜ் குறித்து கீழே காணலாம்.
இந்தியாவில் மிகவும் பிரபலமாக இருந்த அப்போதைய ராயல் என்ஃபீல்ட்( புல்லட்) பைக்கிற்கு போட்டியாக அப்போது உலா வந்த பைக் ஜாவா.
Jawa 42 FJ:
ராயல் என்ஃபீல்ட் தற்போது மீண்டும் தங்களது சந்தையில் தனித்துவமான இடத்தைப் பிடித்துள்ள நிலையில், ஜாவா நிறுவனமும் தங்களது சந்தையை மீண்டும் பிடிப்பதற்காக பல்வேறு இரு சக்கர வாகனங்களை அறிமுகப்படுத்தி வருகிறது. அந்த வகையில், ஜாவா-வின் பிரபலமான பைக்காக இருப்பது Jawa 42 FJ.
இந்த பைக்கின் விலை, தரம், மைலேஜ் குறித்து கீழே விரிவாக காணலாம். இந்த பைக்கில் மொத்தம் 4 வேரியண்ட்கள் உள்ளது.
1. 42 FJ Aurora Green Matte - Spoke
2. 42 FJ Aurora Green Matte - Alloy
3. 42 FJ Cosmo Blue Matte and Mystique Copper
4. 42 FJ Deep Black - Matte Red and Matte Black
இந்த 4 வேரியண்ட்கள் இந்த பைக்கில் உள்ளது.
1.42 FJ Aurora Green Matte - Spoke:
ஜாவாவின் இந்த 42 FJ Aurora Green Matte - Spoke பைக்கின் விலை ரூபாய் 2 லட்சத்து 18 ஆயிரத்து 919. இதில் டிஸ்க் ப்ரேக்குகள், ஸ்போக் சக்கரங்கள் உள்ளது. ட்யூப் டயர் இதில் பொருத்தப்பட்டுள்ளது. இது பச்சை - சாம்பல் நிறத்தில் உள்ளது.
2. 42 FJ Aurora Green Matte - Alloy:
இந்த 42 FJ Aurora Green Matte - Alloy பைக் ரூபாய் 2 லட்சத்து 40 ஆயிரத்து 340க்கு விற்கப்படுகிறது. இதில் டிஸ்க் ப்ரேக்குகள், அலாய் சக்கரங்கள் பொருத்தப்பட்டுள்ளது. ட்யூப்லஸ் டயர் பொருத்தப்பட்டுள்ளது. பச்சை - வெள்ளை நிறத்தில் உள்ளது.
3. 42 FJ Cosmo Blue Matte and Mystique Copper:
ஜாவாவின் 42 FJ Cosmo Blue Matte and Mystique Copper பைக்கின் விலை ரூபாய் 2 லட்சத்து 45 ஆயிரத்து 598 ஆகும். இதில் டிஸ்க் ப்ரேக்குகள், அலாய் சக்கரங்கள் பொருத்தப்பட்டுள்ளது. ட்யூப்லஸ் டயர்கள் பொருத்தப்பட்டுள்ளது. நீலம் - சாம்பல், சாம்பல் - அரக்கு நிறத்தில் உள்ளது.
4. 42 FJ Deep Black - Matte Red and Matte Black:
இந்த 42 FJ Deep Black - Matte Red and Matte Black பைக்கின் விலை ரூபாய் 2 லட்சத்து 50 ஆயிரத்து 857 ஆகும். இதில் டிஸ்க் ப்ரேக், அலாய் சக்கரங்கள் பொருத்தப்பட்டுள்ளது.
334 சிசி திறன் எஞ்ஜின்:
இதில் 334 சிசி திறன் கொண்ட எஞ்ஜின் பொருத்தப்பட்டுள்ளது. லிட்டருக்கு 30 கிலோமீட்டர் மைலேஜ் தருகிறது. 6 கியர்களை கொண்டது. இதன் பெட்ரோல் டேங்கர் 12 லிட்டர் தாங்கும் திறன் கொண்டது. 184 கிலோ எடை கொண்டது.
அதிகபட்சமாக 130 கிலோமீட்டர் வேகத்தில் செல்லலாம். 1 கியர் கீழே மற்ற 5 கியர்கள் மேலே போட்டு வாகனத்தை ஓட்டும் வகையில் வடிவமைக்கப்பட்டுள்ளது. ஒரு முறை டேங்கரை நிரப்பினால் 360 கிலோமீட்டர் வரை செல்லலாம். 1 சிலிண்டர், லிக்யூட் கூல்ட், 4 வால்வ்ஸ் பொருத்தப்பட்டுள்ளது.
சிறப்புகள்:
டயூல் சேனல் ஏபிஸ் ப்ரேக்கிங் வசதி கொண்டது. டெலிஸ்கோபிக் ஃபோர்க் சஸ்பென்சன் முன்பக்கமும், ட்வின் ஷாக் அப்சார்பர் சஸ்பென்சன் பின்பக்கமும் போடப்பட்டுள்ளது. 50 ஆயிரம் கிலோமீட்டர் அல்லது 4 வருட வாரண்டி அளிக்கப்பட்டுள்ளது.
நெடுஞ்சாலைகளில் கம்பீரமாக செல்வதற்கு இந்த பைக்கின் வசீகர தோற்றமும், இதன் ஆற்றலும் துணை நிற்கிறது. பழைய ஜாவா இரு சக்கர வாகனங்கள் அதன் சத்தத்திற்காகவே புகழ்பெற்றது. ஆனால், தற்போதைய ஜாவா மற்றும் ராயல் என்ஃபீல்ட் பைக்குகளில் பழைய வாகனங்களில் இருப்பது போல சத்தங்கள் வருவது இல்லை.
தலைப்பு செய்திகள்
ட்ரெண்டிங் செய்திகள்
