Luxury Cars Price Drop Fact: இந்தியா-ஐரோப்பா ஒப்பந்தத்தால் சொகுசுக் கார்களின் விலை பாதியாக குறையுமா.? உண்மை என்ன.?

India EU FTA: இந்தியா-ஐரோப்பா தடையற்ற வர்த்தக ஒப்பந்தத்தால், பென்ஸ், BMW சொகுசுக் கார்களின் விலை பாதியாக குறைந்துவிடும் என்று பேசப்படுகிறது. ஆனால், உண்மையான கள நிலவரம் என்ன தெரியுமா.? பாருங்க..

India-EU ஒப்பந்தத்தால் சொகுசுக் கார்கள் விலை குறையுமா.? உண்மை என்ன.?

Source : ABPLIVE AI

இந்தியா-ஐரோப்பா தடையற்ற வர்த்தக ஒப்பந்தம் பற்றி நிறைய பேசப்பட்டது. அதில் முக்கியமாக, இறக்குமதி செய்யப்பட்ட சொகுசுக் கார்கள் விலை பாதியாக குறையும் என்ற செய்தி ஏராளமானோருக்கு உற்சாகத்தை ஏற்படுத்தியது. அதனால், ஒரு சிறிய SUV விலைக்கு, உங்கள் வாகன நிறுத்துமிடத்தில் BMW காரை நிறுத்த வேண்டும் என்று கனவு கண்டிருந்தீர்கள் என்றால், நீங்கள் யதார்த்தத்தை தெரிந்துகொள்ள வேண்டும்.  அது என்ன.? பார்ப்போம் வாருங்கள்.

BMW X1,  Mercedes-Benz GLC போன்ற கார்களின் விலை குறையாது.!

இந்த தடையற்ற வர்த்தக ஒப்பந்தத்தின்படி, ஐரோப்பாவிலிருந்து இறக்குமதி செய்யப்படும் கார்கள் மீதான வரிகள் 10 சதவீதமாகக் குறைக்கப்படும் என்பது உண்மைதான். ஆனாலும், அதில் உள்ள நுணுக்கங்களை நீங்கள் புரிந்து கொள்ள வேண்டும்.

முதலாவதாக, விலைக் குறைப்பு தொடர்பாக நீங்கள் யோசிக்கும் BMW மற்றும் Mercedes-Benz கார்கள், இந்த ஒப்பந்தத் திட்டத்தின் கீழ் வராது. ஏனென்றால், இந்த ஜெர்மன் சொகுசுக் கார் தயாரிப்பாளர்களால் விற்கப்படும் மொத்த கார்களில், 95 சதவீத கார்கள் இந்தியாவிலேயே அசெம்பிள் செய்யப்படுகின்றன. அதனால், அவற்றின் விலைகள் குறையப் போவதில்லை. அதாவது, BMW X1 அல்லது Mercedes-Benz GLC விலை குறைக்கப்படாது.

விலை குறையும் கார்கள் எவை.?

மாறாக, இந்தத் திட்டத்தின் கீழ் வரும் கார்களில், அதிக விலை கொண்ட ஸ்போர்ட்ஸ் கார்கள் அல்லது இறக்குமதி செய்யப்படும் மிகவும் விலையுயர்ந்த SUV-க்கள் மட்டுமே அடங்கும். அவை எப்படியும் மிகக் குறைந்த எண்ணிக்கையிலேயே விற்கப்படுகின்றன. ஆம், அவற்றின் விலைகள் குறையக்கூடும் என்றாலும், அவற்றின் விலை மிகவும் அதிகமாகத் தான் இருக்கும். மேலும், வரிகள் உடனே ஒரே தடைவையாக குறைக்கப்படாது. படிப்படியாகத் தான் குறைக்கப்படும். அவை செயல்படுத்தப்பட பல ஆண்டுகள் ஆகலாம். மேலும், மாற்று விகிதங்களும் சேர்க்கப்படும். பின்னர் வேறுபாடுகள் குறையக்கூடும்.

எனவே, ஆடி RS Q8 மற்றும் AMG மாடல்கள் மற்றும் BMW M மாடல்கள் விலை குறைவாக இருக்கும் என்று எதிர்பார்க்கலாம். ஆனால், மிகவும் விலை உயர்ந்த அந்த கார்களை வாங்குபவர்களின் எண்ணிக்கை குறைவாகவே இருக்கும். இந்த விலைக் குறைப்பை, ஸ்லோவாக்கியாவில் தயாரிக்கப்பட்ட டிஃபென்டரில் கிடைக்கும். ஆனால், அந்த காரும் விரைவில் இந்தியாவில் அசெம்பிள் செய்யப்படலாம் என்று கூறப்படுகிறது.

இப்போதே நீங்கள் திட்டமிட்ட காரை வாங்கலாம்

எனவே, இந்த ஒப்பந்தத்தால் இந்திய வாடிக்கையாளர்களுக்கு கிடைக்கும் நன்மை குறைவுதான் என்றாலும், உற்பத்தியாளர்கள் CBU இறக்குமதி செய்யப்பட்ட கார்களுடன் அதிக பரிசோதனை செய்யக்கூடிய இந்திய வாகனப் பிரிவை இது திறக்கக்கூடும். எனவே, சில ஆண்டுகளுக்குள், வாடிக்கையாளர்கள் அதிக ஆர்வம் காட்டும் கார்கள் இங்கேயே அசெம்பிள் செய்யப்பட்டு விற்பனைக்கு வருவதை காணலாம்.

மொத்தத்தில், பென்ஸ், பிஎம்டபிள்யூ, ஆடி போன்ற கார்களின் விலை குறையும் என்று காத்திருக்கும் வாடிக்கையாளர்கள், இந்த உண்மையை புரிந்துகொண்டு, இந்திய சந்தையில் உள்ள இந்நிறுவனங்களின் கார்களில், அவர்கள் வாங்க ஏற்கனவே திட்டமிட்ட காரை இப்போதே வாங்கிக் கொள்ளலாம் என்பதே நிதர்சனம்.