அறிமுகமாகியது Hyundai Venue Knight Edition! நம்ம பட்ஜெட்டிற்கு செட் ஆகுமா? விலை எவ்ளோ?
ஹுண்டாய் நிறுவனத்தின் Venue Knight Edition கார் அறிமுகமாகியுள்ளது.
இந்தியாவின் பிரபலமான கார் நிறுவனங்களில் ஒன்று ஹுண்டாய். இவர்களின் பல்வேறு கார்களுக்கு இந்தியாவில் மிகப்பெரிய வரவேற்பு உள்ளது. இந்தியாவில் இவர்களின் மிகவும் வரவேற்பு பெற்ற காராக இருப்பது Hyundai Venue.
Hyundai Venue Knight Edition:
இந்த நிலையில், இந்த காரின் Hyundai Venue Knight Edition அறிமுகப்படுத்தப்பட்டுள்ளது. கருப்பு நிறத்தில் பல்வேறு வசதிகளுடன் அறிமுகமாகியுள்ள கார் இந்த Hyundai Venue Knight Edition. இந்த காரின் தொடக்க விலை ரூபாய் 9 லட்சத்து 69 ஆயிரத்து 800. இந்த காரின் டாப் வேரியண்ட் ரூபாய் 15 லட்சத்து 48 ஆயிரம் ஆகும்.
விலை உயர்வு:
முன்பு இருந்ததைக் காட்டிலும் தற்போது இதன் விலை ரூபாய் 15 ஆயிரம் முதல் ரூபாய் 25 ஆயிரம் வரை உயர்த்தப்பட்டுள்ளது. பல்வேறு கார் நிறுவனங்களும் தங்களது கார்களின் விலையை உயர்த்தியுள்ள நிலையில், ஹுண்டாயும் தங்களது கார்களின் விலையை உயர்த்தியுள்ளது. இது வாடிக்கையாளர்கள் மத்தியில் பெரும் அதிர்ச்சியை உண்டாக்கியுள்ளது.
இதில் கருப்பு நிற மேற்கூரை, கருப்பு பம்பர், அலாய் சக்கரங்கள் பொருத்தப்பட்டுள்ளது. 1.2 லிட்டர் பெட்ரோல் எஞ்ஜின், 1.0 லிட்டர் டர்போ பெட்ரோல் எஞ்ஜின், 1.5 லிட்டர் டீசல் எஞ்ஜின் பொருத்தப்பட்ட வேரியண்ட் இதில் உள்ளது. 360 டிகிரி கேமரா வசதி, அடாஸ் வசதி இதில் உள்ளது.
| வேரியண்ட் | எஞ்ஜின் | ஆட்டோமொபைல்/ மேனுவல் | விலை |
| HX 5 | 1.2L MPi Petrol | MT | 9,69,800 |
| HX 5 | 1.5L CRDi Diesel | MT | 11,11,800 |
| HX 6T (Knight) | 1.2L MPi Petrol | MT | 11,03,200 |
| HX 8 (Knight) | 1.5L CRDi Diesel | AT | 13,84,800 |
| HX 10 (Knight) | 1.0L Turbo GDi Petrol | DCT | 14,79,000 |
| HX 6T | 1.2L MPi Petrol | MT | 10,88,300 |
| HX 10 | 1.0L Turbo GDi Petrol | DCT | 14,64,100 |
| HX 10 | 1.5L CRDi Diesel | AT | 15,64,000 |
| N Line N10 | 1.0L Turbo GDi Petrol | DCT | 15,48,000 |
இந்த கார் 82 பிஎச்பி குதிரைத் திறன் கொண்டது. 6 ஆயிரம் ஆர்பிஎம் ஆற்றல் கொண்டது. 114.7 என்எம் டார்க் இழுதிறன் கொண்டது. 4 சிலிண்டர்கள் கொண்டது. மேனுவலில் 5 கியர்கள் கொண்டது.
1197 சிசி திறன் கொண்ட எஞ்ஜின் பொருத்தப்பட்டுள்ளது. இது 18.5 கிலோமீட்டர் மைலேஜ் தரும் ஆற்றல் கொண்டது. இந்த கார் வாடிக்கையாளர்கள் மத்தியில் நல்ல வரவேற்பை பெறும் என்று எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
