Creta Vs Hyryder EMI Plan: ஹூண்டாய் க்ரெட்டாவா.? டொயோட்டா ஹைரைடரா.? ரூ.50,000 சம்பளம் வாங்குறவங்களுக்கு எது பெஸ்ட்.? EMI.?

சந்தையில் பிரபலமான ஹூண்டாய் க்ரெட்டா, டொயோட்டா ஹைரைடர் கார்களை நீங்கள் வங்கிக் கடனில் வாங்கினால், மாத EMI எவ்வளவு வரும் என்று தெரியுமா.? வாருங்கள் பார்க்கலாம்.

ஹூண்டாய் க்ரெட்டா Vs டொயோட்டா ஹைரைடர் - EMI பிளான்

Source : Hyundai / Toyota

உங்கள் சம்பளம் மாதம் 50,000 ரூபாயாக இருந்து, நடுத்தர அளவிலான SUV ஒன்றை நீங்கள் வாங்க திட்டமிட்டிருந்தால், உங்களுக்கு இரண்டு விருப்பங்கள் உள்ளன. அவை, Hyundai Creta மற்றும் Toyota Urban Cruiser Hyryder. இந்த இரண்டு வாகனங்களுமே வலுவான அம்சங்கள், வடிவமைப்பு மற்றும் பிராண்ட் மதிப்பைக் கொண்டுள்ளன. முழுமையான பணத்தை செலுத்துவதற்கு பதிலாக, EMI-களில் இந்த வாகனங்களை நீங்கள் வாங்க விரும்பினால், எந்த வாகனம் உங்களுக்கு குறைந்த நிதித் திட்டத்தை வழங்கும் என்பதை அறிந்து கொள்வது அவசியம். அதைத் தான் இப்போது சொல்லப் போகிறோம்.

ஹூண்டாய் க்ரெட்டாவின் நிதித் திட்டம்

ஹூண்டாய் க்ரெட்டா காரை பொறுத்தவரை, சென்னையில் அதன் அடிப்படை மாடலின் எக்ஸ்-ஷோரூம் விலை 10.79 லட்சம் ரூபாயில் தொடங்குகிறது. RTO கட்டணம், காப்பீடு மற்றும் பிற கட்டணங்களைச் சேர்த்த பிறகு, அதன் ஆன்-ரோடு விலை 13.47 லட்சம் ரூபாயை அடைகிறது. எனவே, நீங்கள் இந்த வாகனத்தை கடனில் வாங்கினால், குறைந்தபட்சம் 2.68 லட்சம் ரூபாய் முன்பணம் செலுத்த வேண்டும்.

நீங்கள் இதை 9 சதவீத வட்டி விகிதத்தில் 4 வருட கடனை வாங்கினால், மாதத்திற்கு 26,850 ரூபாய் EMI செலுத்த வேண்டும். மேலும், உங்கள் EMI-யைக் குறைக்க விரும்பினால், குறைந்தது 7 வருடங்களுக்கு கடன் வாங்க வேண்டும். 9% வட்டி விகிதத்தில் 7 வருட கடனுக்கு 17,360 ரூபாய் மாதாந்திர EMI-யாகக் கிடைக்கும்.

டொயோட்டா ஹைரைடர் மாதாந்திர EMI கணக்கீடு

இதேபோல், சென்னையில் டொயோட்டா அர்பன் க்ரூஸர் ஹைரைடரின் அடிப்படை மாடலின் விலை 10.99 லட்சம் (எக்ஸ்-ஷோரூம், டெல்லி). RTO மற்றும் காப்பீட்டு கட்டணங்களைச் சேர்த்த பிறகு, ஆன்-ரோடு விலை 13.72 லட்சம் ரூபாயை அடைகிறது. இந்த வாகனத்திற்கு குறைந்தபட்சம் 2.73 லட்சம்  ரூபாய் முன்பணம் செலுத்த வேண்டும்.

இதை நீங்கள் 9 சதவீத வட்டி விகிதத்தில் நான்கு ஆண்டுகளுக்கு கடனை பெற்றால், 27,348 ரூபாய் மாதாந்திர EMI செலுத்த வேண்டும். மேலும், 7 வருட கடனுக்கு 17,681 ரூபாய் என்ற அளவில் குறைந்த மாத EMI-யில் கிடைக்கும். எனவே, கடன் காலத்தை நீட்டிப்பதால் குறைந்த மாதாந்திர EMI ஏற்படலாம்.

இந்த இரண்டு கார்களின் நிதித் திட்டங்களை ஒப்பிடும் போது, கிட்டத்தட்ட ஒரே மாதிரியாகத் தான் உள்ளன. அதனால், க்ரெட்டா மற்றும் ஹைரைடரின் அம்சங்களை ஒப்பிட்டு, உங்களுக்கு விருப்பமான காரை நீங்கள் தேர்வு செய்துகொள்ளலாம்.