Nexon Victoris Rivals: நெக்ஸானுகே கஷ்டம், இதுல விக்டோரிஸ் மாடலுக்குமா? டாடா, மாருதிக்கு போட்டியாக ஹோண்டாவின் கார்கள்

Nexon Victoris Rivals: டாடாவின் நெக்ஸான் மற்றும் மாருதியின் விக்டோரிஸ் கார் மாடல்களுக்கு போட்டியாக, ஹோண்டா புதியதாக இரண்டு எஸ்யுவிக்களை சந்தைப்படுத்தப்பட உள்ளதாம்.

ஆட்டோமொபைல் செய்திகள்

Source : social media/x

Nexon Victoris Rivals: நெக்ஸான் மற்றும் விக்டோரிஸ் கார் மாடல்களுக்கு போட்டியாக வரவுள்ள,  ஹோண்டா கார் மாடல்கள் குறித்து இதுவரை வெளியாகியுள்ள தகவல்கள் கீழே பட்டியலிடப்பட்டுள்ளன.

நெக்ஸான், விக்டோரிஸ் போட்டியாளர்களை இறக்கும் ஹோண்டா

ஹோண்டா நிறுவனம் சமீபத்தில் இந்திய சந்தைக்காக தயார்படுத்தி வரும் புதிய கார் மாடல்கள் தொடர்பான அறிவிப்பை வெளியிட்டது. இந்தப் புதிய அணுகுமுறையைத் தொடர்ந்து, ஜப்பானிய வாகன உற்பத்தி நிறுவனமானது, சந்தைக்கேற்ற பிரத்யேக மாடல்களை உருவாக்குவதோடு, காம்பாக்ட் மற்றும் மிட்சைஸ் எஸ்யூவி பிரிவுகளிலும் கவனம் செலுத்த உள்ளது. இந்த உத்தியானது, "இந்திய வாடிக்கையாளர்களைத் திருப்திப்படுத்தும் வகையில், செயல்திறன் மற்றும் விலையின் உகந்த சமநிலையை" அடைய நிறுவனத்திற்கு உதவும் என கணிக்கப்பட்டுள்ளது.

அந்த கார் தயாரிப்பு நிறுவனம் தனது உள்ளூர் வளங்களைப் பயன்படுத்தி, உள்ளூர் தேவைக்கேற்ப வடிவமைக்கப்பட்ட மாடல்களை முடிந்தவரை விரைவாக உருவாக்கி உற்பத்தி செய்வதை நோக்கமாகக் கொண்டுள்ளது. இந்நிறுவனம், உலகளாவிய மற்றும் உள்நாட்டில் உருவாக்கப்பட்ட தயாரிப்புகள் உட்பட, 2030-ஆம் ஆண்டுக்குள் 10 புதிய மாடல்களை அறிமுகப்படுத்த இலக்கு நிர்ணயித்துள்ளது. இதில் டாடாவின் நெக்ஸான் மற்றும் மாருதியின் விக்டோரிஸ் கார் மாடல்களுக்கான போட்டி மாடல்களும் அடங்குமாம்.

ஹோண்டாவின் புதிய சப்-காம்பேக்ட் எஸ்யுவி

அதிக போட்டித்தன்மை நிறைந்த 4 மீட்டருக்கும் குறைவான எஸ்யூவி பிரிவைக் குறிவைத்து, ஹோண்டா நிறுவனம் 2028-ஆம் ஆண்டுக்குள் ஒரு புதிய காம்பாக்ட் எஸ்யூவியை சந்தைப்படுத்த திட்டமிட்டுள்ளது. இந்தியப் பயணிகள் வாகனச் சந்தையில் தற்போது அதிக விற்பனையை உருவாக்கும் பிரிவுகளில் ஒன்றாக சப்-காம்பேக்ட் பிரிவு உள்ளது. மேலும், இந்தப் புதிய மாடல் ஹோண்டா நிறுவனத்திற்கு மிகவும் தேவையான விற்பனை உயர்வை வழங்கக்கூடும் என நம்பப்படுகிறதாம். இந்தப் பிரிவில் உள்ள மாருதி ப்ரெஸ்ஸா, கியா சோனெட், ஹூண்டாய் வென்யூ, டாடா நெக்ஸான் மற்றும் பிற மாடல்களுக்குப் போட்டியாக இந்த புதிய ஹோண்டா சப்-காம்பாக்ட் எஸ்யூவி விற்பனைக்கு வரவுள்ளதாம்.

ஹோண்டாவின் புதிய மிட்-சைஸ் எஸ்யுவி

ஹோண்டா ஒரு புதிய மிட்-சைஸ் எஸ்யுவி தொடர்பான அறிவிப்பையும் வெளியிட்டுள்ளது. ஆனால், அதுதொடர்பான விவரங்கள் ஏதும் கிடைக்கவில்லை. மாருதி சுசுகியைப் போன்ற ஒரு இரட்டை-எஸ்யூவி உத்தியைக் கடைப்பிடித்தால், ஆராய்ச்சி, மேம்பாடு, உருவாக்கம் மற்றும் உற்பத்தி ஆகியவற்றில் சிக்கன நன்மைகளின் பலனைப் பெறுவதோடு, சந்தைப் பரவலையும் கணிசமாக அதிகரிக்க முடியும்.

குறிப்பாகச் சொல்வதானால், மாருதி சுசுகி நிறுவனம், கிராண்ட் விட்டாராவை நெக்ஸா சில்லறை விற்பனைத் தொடரின் கீழும், விக்டோரிஸை பரந்த சந்தைக்கான அரேனா டீலர்ஷிப் நெட்வொர்க் மூலமாகவும் விற்பனை செய்து, இரட்டை எஸ்யூவி உத்தியை வெற்றிகரமாகப் பின்பற்றுகிறது.

ஹோண்டா தனது புதிய நடுத்தர அளவு எஸ்யூவியை, சக்திவாய்ந்த ஹைப்ரிட் பவர்டிரெய்ன் மற்றும் ADAS லெவல் 2 போன்ற மேம்பட்ட தொழில்நுட்பங்களுடன் ஒரு பிரீமியம் தயாரிப்பாக அறிமுகப்படுத்தப்படக் கூடும். இது எலிவேட் மாடலுடன் பிளாட்ஃபார்ம் மற்றும் பெட்ரோல் இன்ஜினைப் பகிர்ந்துகொள்ளலாம் அல்லது அந்நிறுவனம் இதை ஒரு தனித்துவமான தயாரிப்பாக உருவாக்கவும் முன்வரலாம்.

ஹோண்டாவின் புதிய மின்சார எஸ்யுவி

ஜப்பானிய கார் உற்பத்தி நிறுவனமான ஹோண்டா, 2027-ஆம் ஆண்டில் ஹோண்டா 0α ஆல்ஃபா எஸ்யூவி மூலம் மின்சார வாகனப் பிரிவிலும் பயணத்தை தொடங்க திட்டமிட்டுள்ளது. வரவிருக்கும் இந்த மின்சார எஸ்யூவி, ஒரு புதிய பிளாட்ஃபார்ம் மற்றும் மென்பொருள்-தயார் வடிவமைப்பைக் கொண்டிருக்கும், அதே சமயம் எலிவேட் மாடலுடன் பல அம்சங்களை பகிர்ந்து கொள்ளுமாம். இந்த புதிய மின்சார வாகனம் இந்தியாவில் தயாரிக்கப்பட்டு, வெளிநாட்டுச் சந்தைகளுக்கு ஏற்றுமதி செய்யப்படும் என தகவல்கள் தெரிவிக்கின்றன.