ஒரே சார்ஜில் 145 கி.மீ ரேஞ்ச்... சார்ஜர் இலவசம்.. புதிய BGauss OoWah MAX Plus விலை? சிறப்பம்சங்கள் என்ன?
BGauss புதிய OoWah MAX Plus எலக்ட்ரிக் ஸ்கூட்டரை ரூ.1.23 லட்சத்திற்கு வெளியிட்டுள்ளது. 3kWh LFP பேட்டரி, 145 கி.மீ. கிளெயிம்டு ரேஞ்ச், 60 kmph டாப் ஸ்பீடு உள்ளன.
BGauss OoWah MAX Plu Price, Range And Features: எலக்ட்ரிக் ஸ்கூட்டர் வாங்க நினைப்பவர்களுக்கு BGauss நல்ல செய்தி கூறியுள்ளது. இந்த நிறுவனம், புதிய OoWah MAX Plus ஸ்கூட்டரை சந்தைக்கு கொண்டு வந்துள்ளது. இதன் எக்ஸ்-ஷோரூம் விலை ரூ.1.23 லட்சம். ஏற்கனவே உள்ள OoWah EX-ஐ விட இது உயர்நிலையிலுள்ளது.
நகரங்கள் & நகர்ப்புற பகுதிகளில் தினசரி பயணத்தை எளிதாக்கும் நோக்கில் இந்த ஸ்கூட்டரை வடிவமைத்ததாக BGauss தெரிவித்துள்ளது. குறிப்பாக முதன்முறையாக எலக்ட்ரிக் ஸ்கூட்டர் வாங்குபவர்களை, இளைஞர்களை கருத்தில் கொண்டு இதை டிசைன் செய்ததாக தெரிவித்துள்ளது.
பெரிய பேட்டரி
OoWah MAX Plus-இல் முக்கிய மாற்றம் பேட்டரி. தற்போது உள்ள OoWah EX-இல் உள்ள பேட்டரியை விட 0.7kWh அதிக திறனுடன் 3kWh LFP பேட்டரியை இதில் வழங்கியுள்ளது. இந்த பேட்டரியை ஸ்கூட்டரிலிருந்து பிரித்து வீட்டுக்குள் கொண்டு சென்று சார்ஜ் செய்யலாம்.
ரேஞ்ச்
ARAI அங்கீகரித்த கிளெயிம்டு ரேஞ்ச் 145 கி.மீ.
ஸ்கூட்டரில் PMSM ஹப் மோட்டாரை தொடர்ந்துள்ளனர். இதன் பீக் பவர் 2.4kW ஆகவும், கண்டினியூஸ் பவர் 1.5kW ஆகவும் உள்ளது. பேட்டரி திறன் அதிகரித்தாலும் அதிகபட்ச வேகத்தில் மாற்றம் இல்லை. மணிக்கு 60 கி.மீ. டாப் ஸ்பீட்டை இது வழங்குகிறது.
பேட்டரி & மோட்டார் இரண்டிற்கும் IP67 ரேட்டிங் உள்ளது. பேட்டரி CAN டெக்னாலஜியுடன் செயல்படுகிறது. இதன் மூலம் பேட்டரி & வாகனம் இடையே தொடர்ந்து தகவல் பரிமாற்றம் நடைபெறுவதாக நிறுவனம் கூறுகிறது.
750W சார்ஜர் இலவசம்
OoWah MAX Plus-உடன் 750W சார்ஜரை கூடுதல் விலை இல்லாமல்வழங்குகின்றனர். இந்த சார்ஜருடன் பேட்டரியை 0 முதல் 80 சதவீதம் வரை சார்ஜ் செய்ய 3 மணி 30 நிமிடங்கள் ஆகும். முழுமையாக 100 சதவீதம் சார்ஜ் செய்ய 4 மணி 55 நிமிடங்கள் ஆகும்.
1,350W சார்ஜருடன் 100 சதவீத சார்ஜிங்கை 2 மணி 50 நிமிடங்களில் முடிக்கலாம் என்று நிறுவனம் ஸ்பெசிபிகேஷன் ஷீட்டில் குறிப்பிட்டுள்ளது. இந்த சார்ஜரின் விலை குறித்து தெளிவு இல்லை.
OoWah EX-உடன் ஒப்பிடும்போது இந்த புதிய ஸ்கூட்டரின் அளவுகளிலும் பெரிய மாற்றங்கள் இல்லை. சீட் உயரம் 765mm & கிரவுண்ட் கிளியரன்ஸ் 160mm. ஆனால் பெரிய பேட்டரி காரணமாக கெர்ப் வெயிட் 104 கிலோவாக உயர்ந்துள்ளது, OoWah EX எடை 97 கிலோ. சீட் கீழ் 21 லிட்டர் ஸ்டோரேஜ் இடம் உள்ளது.
புதிய அம்சங்கள்
ரிவர்ஸ் அசிஸ்ட், டிஸ்டன்ஸ் டு எம்ப்டி போன்ற புதிய அம்சங்களை இன்ஸ்ட்ருமென்ட் கிளஸ்டரில் சேர்த்துள்ளனர். OoWah MAX Plus-இல் அனைத்து விளக்குகளும் LED. டிரம் பிரேக்குகள், CBS போன்ற அம்சங்கள் உள்ளன. லிம்ப் ஹோம் மோட் & USB சார்ஜிங் வசதியும் வழங்கப்பட்டுள்ளது.
வாகனம் & சார்ஜர் மீது 3 ஆண்டுகள் அல்லது 36,000 கி.மீ. வாரண்டி வழங்கப்படுகிறது. பேட்டரியில் 3 ஆண்டுகள் அல்லது 50,000 கி.மீ. வாரண்டி உள்ளது. இந்த வாரண்டியை 5 ஆண்டுகள் அல்லது 75,000 கி.மீ. வரை நீட்டிக்க வாய்ப்பு உள்ளது.
விலை & கலர் ஆப்ஷன்கள்
BGauss OoWah MAX Plus விலை ரூ.1.23 லட்சம். இது எக்ஸ்-ஷோரூம் விலை.
நிறங்கள்
எமரால்ட் ஷாடோ, ஜாமுன் பஞ்ச், டாங்கி டோமா & ஜெஸ்டி ரெட் நிறங்களில் இந்த ஸ்கூட்டர் கிடைக்கும்.
OoWah EX-மும் இப்போது சந்தையில் விற்பனையாகிறது. இதன் எக்ஸ்-ஷோரூம் விலை ரூ.94,990. EX மாடலும் இதே நான்கு நிறங்களில் கிடைக்கிறது.
தலைப்பு செய்திகள்
ட்ரெண்டிங் செய்திகள்
