மைலேஜ் மன்னன் யார்? பட்ஜெட், சேஃப்டி; நாட்டின் பெஸ்ட் 100 சிசி பைக்குகள் லிஸ்ட், ஒப்பீடு!
100cc பைக்குகள்: ஹோண்டா, ஹீரோ, பஜாஜ்- எந்த பைக்குக்கு மைலேஜ், சேஃப்டி, லுக் அதிகம்? இதோ ஓர் அலசல்!
இந்தியாவின் சிறந்த 100cc மைலேஜ் பைக்குகள்: ஹோண்டா ஷைன், ஸ்பிளெண்டர் மற்றும் பிளாட்டினா- ஓர் ஒப்பீடு
இந்திய இருசக்கர வாகனச் சந்தையில் நடுத்தர வர்க்க வாடிக்கையாளர்களின் தினசரி பயன்பாட்டிற்கு மிகவும் ஏற்ற சிறந்த 100சிசி மைலேஜ் பைக்குகளாக ஹோண்டா ஷைன் 100, ஹீரோ ஸ்பிளெண்டர் ப்ளஸ் மற்றும் பஜாஜ் பிளாட்டினா 100 உள்ளிட்ட பல்வேறு மாடல்கள் தொடர்ந்து சந்தையில் ஆதிக்கம் செலுத்தி வருகின்றன.
இந்த முக்கிய மாடல்களின் இன்ஜின் திறன், மைலேஜ், வடிவமைப்பு மற்றும் விலை குறித்த முழுமையான ஒப்பீட்டு விவரங்கள் இங்கே தொகுத்து வழங்கப்பட்டுள்ளன.
ஹீரோ ஸ்பிளெண்டர் ப்ளஸ் (Hero Splendor Plus)
வாடிக்கையாளர்கள் மத்தியில் பல ஆண்டுகளாக மிகவும் பிரபலமான இந்த பைக்கின் விலை, அதன் வேரியண்டுகளுக்கு ஏற்ப ரூ.75,441 முதல் ரூ.78,286 வரை சந்தையில் விற்பனை செய்யப்படுகிறது. இது அதிகபட்சமாக ஒரு லிட்டருக்கு 65 - 70 கி.மீ. மைலேஜ் வழங்குகிறது.
தினசரி பயன்பாட்டிற்கு ஏற்ற கிளாசிக் கம்யூட்டர் வடிவமைப்பைப் பெற்றுள்ள இந்த பைக்கில், அனலாக் இன்ஸ்ட்ருமென்ட் கிளஸ்டர், அலாய் வீல்கள், டிரம் பிரேக்குகள் மற்றும் சிபிஎஸ் பிரேக்கிங் வசதி உள்ளன.
ஹீரோ எச்எஃப் டீலக்ஸ் (Hero HF Deluxe)
ஹீரோ எச்எஃப் டீலக்ஸ் பட்ஜெட் பைக்குகளில் முக்கியமானது ஆகும். இதன் எடை குறைந்த அமைப்பு மற்றும் மிகக் குறைந்த பராமரிப்பு காரணமாக, இந்த பைக் ஒரு லிட்டருக்கு சுமார் 70 கி.மீ. எரிபொருள் சிக்கனத்தை அளிக்கிறது. தினமும் நீண்ட தூரம் பயணம் செய்பவர்களுக்கு இது மிகவும் ஏற்றதாகும்.
ஹோண்டா ஷைன் 100 (Honda Shine 100)
இந்த பைக்கின் ஆரம்ப எக்ஸ்-ஷோரூம் விலை ரூ.64,900 ஆக நிர்ணயிக்கப்பட்டுள்ளது. மைலேஜைப் பொறுத்தவரை, இது ஒரு லிட்டர் பெட்ரோலுக்கு சிறப்பான முறையில் 60 - 65 கி.மீ வரை மைலேஜ் தருகிறது. இதன் வடிவமைப்பைப் பார்த்தால், இது மிகவும் எளிமையான மற்றும் அன்றாட நடைமுறைக்கு ஏற்ற தோற்றத்தைக் கொண்டுள்ளது.
பயணிகளின் பாதுகாப்பிற்காக ஹாலோஜன் ஹெட்லைட், சைட்-ஸ்டாண்ட் இன்ஜின் கட்-ஆஃப் வசதி, அலாய் வீல்கள், டிரம் பிரேக்குகள் மற்றும் சிபிஎஸ் பிரேக்கிங் சிஸ்டம் ஆகியவை நேர்த்தியாக வழங்கப்பட்டுள்ளன. செயல்திறனைப் பொறுத்தவரை, இதில் உள்ள 98.98 சிசி இன்ஜின் அதிகபட்சமாக 7.38 PS பவரையும், 8.05 Nm டார்க்கையும் வெளிப்படுத்தும். இது 4-ஸ்பீடு கியர்பாக்ஸ் வசதியுடன் இணைக்கப்பட்டுள்ளது.
பஜாஜ் பிளாட்டினா 100 (Bajaj Platina 100)
வலிமையான பயன்பாட்டிற்கு சந்தையில் பெயர்போன இந்த பைக்கின் எக்ஸ் ஷோரூம் ஆரம்ப விலை ரூ.67,808 ஆக நிர்ணயம் செய்யப்பட்டுள்ளது. மைலேஜைப் பொறுத்தவரை, இது சிறப்பான முறையில் லிட்டருக்கு 72 கி.மீ மைலேஜ் வழங்குகிறது. இதன் வடிவமைப்பில், நீண்ட தூரப் பயணத்திற்கும் ஏற்றவாறு மிகவும் சௌகரியமான கூடுதல் நீளமுடைய இருக்கை வசதி கொடுக்கப்பட்டுள்ளது.
டிவிஎஸ் ஸ்போர்ட் (TVS Sport)
டிவிஎஸ் ஸ்போர்ட் பைக், இந்திய சாலைகளில் ஹைவே மற்றும் நகரப் பகுதிகளில் சுமார் 70 கி.மீ. மைலேஜை அளிக்கும் என்று தெரிவிக்கப்பட்டுள்ளது.
உறுதியான கட்டமைப்பு, மற்றும் அம்சங்களைத் தேடுகிறீர்கள் என்றால், டிவிஎஸ் ரேடியன் (TVS Radeon) ஒரு சிறந்த தேர்வாகும். ரேடியான் பைக்கில் USB சார்ஜிங் போர்ட், சைடு-ஸ்டாண்ட் இண்டிகேட்டர் மற்றும் வசதியான, அகலமான இருக்கை ஆகியவை உள்ளன. மேலும், இந்த பைக் ஒரு லிட்டருக்கு சுமார் 68 கி.மீ. என்ற மைலேஜை வழங்குகிறது.
தலைப்பு செய்திகள்
ட்ரெண்டிங் செய்திகள்
