டேங்க்கை நிரப்பினால் 770 கிலோமீட்டர் பறக்கலாம்.. Bajaj Platina 110 விலை, தரம் மாஸ்!
ஒரு முறை டேங்கரை நிரப்பினால் 770 கிலோமீட்டர் மைலேஜ் தரும் Bajaj Platina 110 பைக்கின் விலை, தரம், மைலேஜ் குறித்து கீழே காணலாம்.
இந்தியாவின் முன்னணி இரு சக்கர வாகனமாக திகழ்வது பஜாஜ். பஜாஜ் நிறுவனம் மைலேஜ் அதிகம் தரும் வாகனங்களை தயாரிப்பதில் முதன்மையான நிறுவனமாக திகழ்ந்து வருகிறது. நடுத்தர குடும்பத்தினர் பலரும் விரும்பி வாங்கும் ஒரு இரு சக்கர வாகனமாக இருப்பது Bajaj Platina பைக்.
Bajaj Platina 110:
இந்த இரு சக்கர வானகத்தின் Bajaj Platina 110 விலை, தரம், மைலேஜ் குறித்து கீழே விரிவாக காணலாம். இதில் Platina 110 Drum என்ற வேரியண்ட் மட்டுமே உள்ளது. இதன் விலை ரூபாய் 87 ஆயிரத்து 006 ஆகும். இது ஆன்ரோட் விலை ஆகும்.
மைலேஜ்:
இதில் 115.45 சிசி திறன் கொண்ட எஞ்ஜின் பொருத்தப்பட்டுள்ளது. 7 ஆயிரம் ஆர்பிஎம் திறன் கொண்டது. 9.81 என்எம் டார்க் இழுதிறன் கொண்டது. 70 கிலோமீட்டர் வரை மைலேஜ் தரும் ஆற்றல் கொண்டது. அதிகபட்சமாக 90 கிலோமீட்டர் வேகத்தில் செல்லலாம்.
இதில் 5 கியர்கள் உள்ளது. அனைத்து கியர்களும் ஒரே பக்கத்தில் கீழே இறக்கும் வகையில் அமைக்கப்பட்டுள்ளது. பெட்ரோலில் ஓடும் இந்த Platina 110 பைக்கிற்கு என்று இந்திய சந்தையில் பெரும் வரவேற்பு உள்ளது. அலாய் சக்கரங்கள் பொருத்தப்பட்டுள்ளது. ட்ரம் ப்ரேக் பொருத்தப்பட்டுள்ளது.
770 கிலோமீட்டர்:
ட்யூப்லெஸ் சக்கரங்கள் பொருத்தப்பட்டுள்ளது. ஹைட்ராலிக், டெலிஸ்கோபிக் டைப் சஸ்பென்சன் பொருத்தப்பட்டள்ளது. 119 கிலோ எடை கொண்டது. 11 லிட்டர் பெட்ரோல் டேங்கர் திறன் கொண்டது. ஒரு முறை டேங்கரை நிரப்பினால் 770 கிலோமீட்டர் வரை மைலேஜ் தரும் ஆற்றல் கொண்டது. ரிசர்வ்வில் 2 கிலோமீட்டர் வரை செல்லும் ஆற்றல் கொண்டது.
75 ஆயிரம் கிலோமீட்டர் வரை அல்லது 5 வருட வாரண்டி அளிக்கப்பட்டுள்ளது. லோ பேட்டரி இண்டிகேட்டர், பெட்ரோல் குறைவாக இருப்பதை காட்டும் இண்டிகேட்டர், ஹை பீம் இண்டிகேட்டர் வசதிகள் உள்ளது. தற்போதைய வாகனங்களில் வரும் செல்போன் சார்ஜர், ப்ளூடூத், கூகுள் மேப் வசதிகள் இதில் இல்லை. இந்த வண்டிக்கு 5க்கு 4.4 ஸ்டார் அளித்துள்ளனர்.
அதிக மைலேஜ், நன்றாக எடை தாங்கும் திறன், கடினமான சாலைகளிலும் சிறப்பாக செல்லும் வசதி காரணமாக இந்த Bajaj Platina 110 பைக்கை பலரும் விரும்பி வாங்குகின்றனர். கடினமான வேலைகள் செய்பவர்கள் பலரும் பொருட்களை கொண்டு செல்வதற்கு உகந்த இரு சக்கர வாகனமாக இந்த பைக் இருப்பதாக கூறப்படுகிறது.
தலைப்பு செய்திகள்
ட்ரெண்டிங் செய்திகள்
