பட்ஜெட் விலைதான்! 215 கிலோமீட்டர் மைலேஜ் தரும் Tata Tiago EV Facelift அறிமுகம் - ரேட் எவ்ளோ?
டாடா நிறுவனத்தின் புதிய மின்சார காரான Tata Tiago EV Facelift அறிமுகமாகியுள்ளது. இது பட்ஜெட் விலையில் இருப்பதால் வாடிக்கையாளர்கள் மகிழ்ச்சி அடைந்துள்ளனர்.
இந்தியாவில் பெட்ரோல், டீசல் விலை நாளுக்கு நாள் உயர்ந்து வரும் சூழலில் மின்சார வாகனங்களுக்கான மவுசு அதிகரித்து வருகிறது. இதனால், முன்னணி கார், இரு சக்கர வாகனங்கள் அதிகளவில் மின்சார வாகனங்களை தயாரித்து வருகிறது.
Tata Tiago EV facelift:
இந்தியாவின் முன்னணி கார் நிறுவனமான டாடா புதியதாக அறிமுகப்படுத்தியுள்ள மின்சார கார் Tata Tiago EV facelift. டாடாவின் பட்ஜெட் காரான Tata Tiago காரில் ஏற்கனவே மின்சார கார் உள்ளது. தற்போது இந்த Tata Tiago EV facelift கார் தற்போது அறிமுகமாகியுள்ளது. இந்த காரின் விலை ரூபாய் 6.99 லட்சம் ஆகும்.
மைலேஜ்:
இ்ந்த கார் 24 கிலோவாட் மற்றும் 19.2 கிலோவாட் பேட்டரி பொருத்தப்பட்ட வேரியண்டில் சந்தையில் அறிமுகமாகிறது. 24 கிலோவாட் பொருத்தப்பட்ட வேரியண்ட் Tata Tiago EV facelift காருக்கு 15 வருடம் பேட்டரி வாரண்டி அளிக்கப்பட்டுள்ளது. 19.2 கிலோவாட் பேட்டரி பொருத்தப்பட்டுள்ள Tata Tiago EV facelift கார் 8 வருடம் வாரண்டி அல்லது 1.60 லட்சம் கிலோமீட்டர் வாரண்டி அளிக்கப்படுகிறது. இந்த காரில் மொத்தம் 4 வேரியண்ட் உள்ளது. Smart 19, Pure+ 19, Pure+ 24 மற்றும் Creative+ 24 ஆகும்.
19.2 கிலோவாட் பேட்டரி பொருத்தப்பட்ட Tata Tiago EV facelift 110 என்எம் டார்க் இழுதிறன் கொண்டது. ஒரு முறை சார்ஜ் செய்தால் 170 கிலோமீட்டர் வரை மைலேஜ் அளிக்கிறது. இதில் 45 கிலோவாட் மோட்டார் பொருத்தப்பட்டுள்ளது. 24 கிலோவாட் பேட்டரி பொருத்தப்பட்ட Tata Tiago EV facelift கார் ஒரு முறை சார்ஜ் செய்தால் 215 கிலோமீட்டர் வரை மைலேஜ் அளிக்கிறது.
இந்த கார் 60 கிலோமீட்டர் வேகத்தை 5.7 நொடிகளில் எட்டும் ஆற்றல் கொண்டது. 1.2 சி ஃபாஸ்ட் சார்ஜிங்கில் 10 முதல் 80 சதவீதம் சார்ஜை 35 நிமிடங்களில் எட்டிவிடும்.
விலை விவரம்:
1. Smart 19 - 19.2 கிலோவாட் பேட்டரி - ரூ.6.99 லட்சம்
2.Pure+ 19 - 19.2 கிலோவாட் பேட்டரி - ரூ.8.49 லட்சம்
3. Pure+ 24 - 24 கிலோவாட் பேட்டரி - ரூ.9.49 லட்சம்
4. Creative+ 24 - 24 கிலோவாட் பேட்டரி - ரூ.9.99 லட்சம்
சிறப்புகள்:
இந்த காரில் எல்இடி முகப்பு விளக்குகள், 14 இன்ச் ஹைபர்ஸ்டைல் சக்கரங்கள், டூயல் டோன் கருப்பு மேற்கூரை, காஸ்மோ கிரைன் வசதி கொண்டது. 26.03 செ.மீட்டர் எச்டி தொடுதிரை உள்ளது. வயர்லஸ் சார்ஜர் வசதி உள்ளது. ஆட்டோமெட்டிக் தட்பவெப்ப கட்டுப்பாடு வசதி உள்ளது.
360 டிகிரி எஸ்விஎஸ் கேமரா, மல்டிபிள் 2டி, 3டி வியூ, ப்ளைண்ட் வியூ மானிட்டர், எலக்ட்ரானிக் ஸ்டெபிளிட்டி ப்ரோக்ராம் வித் ட்ராக்ஷன், ஹில்ஹோல்ட் கன்ட்ரோல் வசதி உள்ளது.
தலைப்பு செய்திகள்
ட்ரெண்டிங் செய்திகள்
