Bakrid 2026 Wishes: பக்ரீத் கொண்டாடப்படுவது ஏன்? நண்பர்கள் டூ குடும்பம் எப்படி விஷ் பண்லாம்? வாழ்த்து செய்தி, ஃபோட்டோ

Bakrid 2026 Wishes in Tamil: பக்ரீத் திருநாளன்று நண்பர்கள், குடும்பத்தினர் மற்றும் உடன் பணியாற்றுபவர்கள் என அனைத்து தரப்பினருடனும் பகிர்வதற்கான வாழ்த்து செய்திகள் கீழே பகிரப்பட்டுள்ளன.

பக்ரீத் வாழ்த்து செய்திகள்

Source : ABP

Bakrid Wishes: உலகம் முழுவதும் உள்ள இஸ்லாமியர்களால் கொண்டாடப்படும் மிகவும் முக்கியமான பண்டிகைகளில் ஒன்றாக பக்ரீத் திருநாள் உள்ளது.

பக்ரீத் கொண்டாடப்படுவது ஏன்?

இஸ்லாமியர்களால் ஒவ்வொரு ஆண்டும் கொண்டாடப்படும் மிக முக்கியமான பண்டிகைகளில் ஒன்றாக பக்ரீத் எனப்படும் ஈகை திருநாள் உள்ளது. இந்த நாளில் இஸ்லாமியர்கள் அதிகாலையில் எழுந்து குளித்து, புத்தாடை அணிந்து, சிறப்பு தொழுகையில் ஈடுபடுவர். தொடர்ந்து ஆடுகளை பலியிட்டு உணவை அக்கம்பக்கத்தினருக்கும் கொடுத்து மகிழ்ச்சியை பகிர்ந்துகொள்வர். நடப்பாண்டிற்கான பக்ரீத் பண்டிகை நாளை கொண்டாடப்பட உள்ளது. இதற்காக புத்தாடைகளை வாங்குவது, உணவிற்கான ஆடுகளை வாங்குவது என தமிழ்நாடு முழுவதும் வியாபாரம் களைகட்டியுள்ளது. இந்நிலையில், பக்ரீத் ஏன் கொண்டாடப்படுகிறது என்ற சந்தேகமும் சிலருக்கு எழலாம்.

பக்ரீத் பண்டிகை கொண்டாட்டம்..

பக்ரீத் பண்டிகை கொண்டாட்டம் என்பது வரலாற்று சிறப்புமிக்கதாகும். இறைத்தூதர் என நம்பப்படும் இப்ராஹிம் நபிக்கு நீண்ட நாள் காத்திப்புக்குப் பிறகு ஒரு ஆண் குழந்தை பிறந்தது. இஸ்மாயில் என பெயர் சூட்டப்பட்ட அந்த குழந்தை வளர்ந்து வந்த நிலையில், இப்ராஹிமின் கனவில் வந்த இறைவன், அந்த குழந்தையை அறுத்து தனக்கு பலியிட வேண்டுமென கட்டளையிட்டார். பெரும் பாசத்துடன் வளர்த்த குழந்தையானாலும், இறைவனின் ஆணையை நிறைவேற்றுவதற்காக குழந்தையை இப்ராஹிம் பலி கொடுக்க முயன்றுள்ளார். அப்போது இறைவன் அங்கு தோன்றி குழந்தையை அகற்றி அந்த இடத்தில் ஒரு ஆட்டை வைத்து அதனை பலியிடுமாறு வலியுறுத்தியதாக நம்பப்படுகிறது. அந்த இப்ராஹிமின் தியாகத்தை போற்றும் விதமாகவே ஒவ்வொரு ஆண்டும் அரபி மாதமான துல்ஹஜ் 10-ஆம் நாளில் பக்ரீத் கொண்டாடப்படுகிறது.

பக்ரீத் பண்டிகை வாழ்த்து செய்திகள்

• ஈகை திருநாள் நன்னாளில் அல்லா உங்களுடன் இருப்பார். உங்கள் குடும்பத்தில் அமைதி நிலவட்டும்
• தியாக திருநாள் வாழ்த்துகள்..உங்கள் வளமான வாழ்க்கைக்கு அல்லாவின் அருள் என்றும் உங்களுடன் இருக்கும்
• இனிய பக்ரீத் பண்டிகை வாழ்த்துகள்; இந்த இனிய நாளில் உங்களுக்கும், குடும்பத்தினருக்கும் Eid-ul-Adha வாழ்த்துகள். ஆரோக்கியமும் வளமும் பெருகட்டும்
• இனிய பக்ரீத் வாழ்த்துகள்; இந்த இனிய நாளில் அல்லா உங்களுக்கு எல்லாமும் வழங்கட்டும்
• இருப்பதைப் பிறருடன் பகிந்து வாழ் என்று அல்லா காட்டிய வழியில் பயணிக்க இந்த நாளில் உறுதி ஏற்போம். இனிய பக்ரீத் வாழ்த்துகள்
•  இந்த ஈகைத் திருநாள் உங்களது வாழ்வில் வசந்தத்தை கொண்டு வரட்டும். Bakrid Mubarak!

• இனிவரும் காலங்கள் வளமுடன் இருக்க வாழ்த்துகள். எல்லாமும் பெற்று இன்புற்று இருக்க பிரார்த்தனைகள்

• உங்களுக்கும், குடும்பத்தினருக்கும் இனிய பக்ரீத் வாழ்த்துகள்; இறைவன் உங்களின் வாழ்க்கை பயணத்தில் எப்போதும் துணையிருப்பார்.  Eid Mubarak!
• தியாக திருநாளாம் பக்ரீத் அன்று நம் துன்பங்கள் நீங்கி, ஒளிமிகுந்த நாட்கள் தொடரட்டும்! இனிய பக்ரீத் வாழ்த்துகள்
• இறைவன் உங்களுக்கு உதவி செய்வானாகில் உலகில் எந்த சக்தியும் உங்களை வென்றிட முடியாது என்பதை நினைவில் கொள்ளுங்கள் - ஈகை திருநாள் வாழ்த்துகள்

• இறைவன் நன்கு அறிபவனாகவும், நுண்ணறிவு மிக்கவனாகவும் இருக்கிறான். படைக்கும் ஆற்றலும், கட்டளை பிறப்பிக்கும் அதிகாரமும் அவனுக்குரியவையே

   

பக்ரீத் பண்டிகை வாழ்த்து புகைப்படங்கள்