மேலும் அறிய
மதுரை மாட்டுத்தாவணி பூ மார்கெட்டில் (06.10.2026) இன்று பூக்கள் விலை நிலவரம் என்ன?
மழை குறைவு காரணத்தால் பூக்களின் விளைச்சலும் குறைவாகவே உள்ளது. தற்போதைய நிலையில் நாளொன்றுக்கு சராசரியாக இரண்டு டன் மல்லிகை பூக்கள் விற்பனைக்காக கொண்டுவரப்படுகின்றன' என்றார்

மாட்டுத்தாவணி மலர் சந்தை நிலவரம்
Source : whatsapp
மதுரை மாட்டுத்தாவணி பூ மார்கெட்டில் இன்று (06.10.2026) பூக்கள் விலை நிலவரம் குறித்து காணலாம்.
மணக்கும் மல்லிகைப் பூ
மதுரை மல்லி என்பது மதுரை, விருதுநகர், தேனி, சிவகங்கை, இராமநாதபுரம் மற்றும் திண்டுக்கல் ஆகிய மாவட்டங்களில் பயிரிடப்படும் சிறப்பு வாய்ந்த பூவாகும். மதுரை மையமாக உள்ளதால் மல்லிகைப் பூ மற்றும் பிற பூக்களுக்கு வணிகம் செய்ய ஏதுவாக உள்ளது. குறிப்பாக மல்லிகைப் பூ கி.மு 300-ஆம் ஆண்டிலிருந்து பயிரிடப்பட்டு வருகின்றன. இதற்கான குறிப்புகள் சங்க இலக்கியங்களில் மற்றும் கோயில் சிற்பங்களில் காணப்படுகின்றன. இப்பூக்கள் தங்களது தனித்துவமான மணம் மற்றும் நறுமணத்திற்காக பிரசித்தி பெற்றவை. இதனால் வெளியூர் பயணிகள் மதுரை வரும் போது மல்லிகைப் பூவை விரும்பி வாங்குகின்றனர். இதே போல் கோயில் நகரமான மதுரையில் பிற பூக்களின் விற்பனையும் எப்போது சூடுபறக்கும். இந்நிலையில் தீபாவளியை தொடர்ந்து மதுரையில் பூக்களின் விலை எப்படி உள்ளது என்பதை காணலாம்.
மதுரை மலர் சந்தையில் பூக்களின் (07.10.2026) இன்றைய விலை நிலவரம்:
* மதுரை மல்லி கிலோ ரூ.600,
* பிச்சி கிலோ ரூ.300,
* முல்லை கிலோ ரூ.300,
* செவ்வந்தி கிலோ ரூ.100,
* சம்பங்கி கிலோ ரூ.40,
* செண்டு மல்லி கிலோ ரூ.30,
* கனகாம்பரம் கிலோரூ.500 ,
* ரோஸ் கிலோ ரூ.100,
* பட்டன் ரோஸ் கிலோ ரூ.120,
* பன்னீர் ரோஸ் கிலோ ரூ.150,
* கோழிக்கொண்டை கிலோ ரூ.50,
* அரளி கிலோ ரூ.200,
* மரிக்கொழுந்து கிலோ ரூ.80,
* தாமரை (ஒன்றுக்கு) ரூ.8 என விற்பனை செய்யப்பட்டு வருகிறது
இதுகுறித்து மாட்டுத்தாவணி மீனாட்சி மொத்த பூ வியாபாரிகள் சங்கத்தின் பொருளாளர் முருகன் கூறுகையில்,
'புரட்டாசி மாதத்தில் பொதுவாக பூக்களின் விலை சற்று மந்தமாகவே காணப்படுவது வழக்கம். சரஸ்வதி பூஜை ஆயுத பூஜையை ஒட்டி பூக்களின் விலை சற்று கணிசமாக கூடுவதற்கு வாய்ப்பு உள்ளது. மழை குறைவு காரணத்தால் பூக்களின் விளைச்சலும் குறைவாகவே உள்ளது. தற்போதைய நிலையில் நாளொன்றுக்கு சராசரியாக இரண்டு டன் மல்லிகை பூக்கள் விற்பனைக்காக கொண்டுவரப்படுகின்றன' என்றார்
Advertisement
ட்ரெண்டிங் செய்திகள்
Advertisement

வினய் லால்Columnist
Opinion




















