Team India Victory Parade | தோளில் உலகக் கோப்பை! இந்திய வீரர்களின் ENTRY! கட்டுக்கடங்காத கூட்டம்

டி20 உலகக் கோப்பை கிரிக்கெட் தொடரில் தென்னாப்பிரிக்காவை வீழ்த்தி கோப்பையை வென்ற இந்தியா

உலகக் கோப்பையுடன் இந்திய வீரர்கள் வெற்றி பேரணி

மும்பை வான்கடே மைதானத்துக்கு திறந்த வாகனத்தில் செல்லும் இந்திய அணி வீரர்கள்

கோப்பையுடன் வரும் வீரர்களை பார்ப்பதற்காக குவிந்துள்ள ரசிகர்கள்

டி20 உலகக் கோப்பை வெற்றி பேரணியின் போது சாலையில் வந்த ஆம்புலன்ஸ்-க்கு ரசிகர்கள் வழி விட்ட வீடியோ சமூக வலைதளங்களில் வெளியாகியுள்ளது. கடந்த ஜூன் 29 ஆம் தேதி ஐசிசி டி20 உலகக் கோப்பையின் இறுதிப் போட்டி நடைபெற்றது. தென்னாப்பிரிக்க அணிக்கு எதிரான இந்த இறுதிப் போட்டியில் 7 ரன்கள் வித்தியாசத்தில் இந்திய அணி வெற்றி பெற்றது. இதன் மூலம் கடந்த 2007 ஆம் ஆண்டிற்கு பிறகு ஐசிசி டி20 உலகக் கோப்பையிம் சாம்பியன் பட்டத்தை வென்றது ரோஹித் ஷர்மா தலைமையிலான இந்திய அணி.இந்திய அணியின் இந்த வெற்றியை ஒட்டு மொத்த தேசமும் கொண்டாடியது. பிரதமர் நரேந்திர மோடி, தமிழ்நாடு முதலமைச்சர் மு.க.ஸ்டாலின், நாடாளுமன்ற எதிர்கட்சித் தலைவர் ராகுல் காந்தி உட்பட பல்வேறு அரசியல் கட்சியை சேர்ந்த தலைவர்கள் மற்றும் ரசிகர்கள் உட்பட பல்வேறு தரப்பினரும் இந்திய அணியை வாழ்த்தினார்கள். இதனிடையே இந்திய அணி வீரர்கள் இன்று (ஜூலை 4) டெல்லிக்கு வந்தனர். பின்னர் பிரதமர் நரேந்திர மோடியை சந்தித்து வாழ்த்து பெற்றனர்.

இச்சூழலில் மும்பை வான்கடே மைதானம் நோக்கி இந்திய கிரிக்கெட் வீரர்கள் திறந்த பஸ்ஸில் பேரணி சென்றனர். அப்போது ரசிகர்கள் கூட்டத்தால் வான்கடே நோக்கி செல்லும் சாலையில் லட்சக்கணக்கான ரசிகர்கள் திரண்டு உள்ளனர். மைதானத்தில் 70 ஆயிரத்திற்கும் மேற்பட்ட ரசிகர்கள் கூடியுள்ள சூழலில் தற்போது பேரணியிலும் ரசிகர்கள் கூட்டம் அலைமோதுகிறது.