Tharshan: 'பார்க்கிங்' பட பாணியில் நீதிபதி மகனுடன் அடிதடி?சிக்கலில் BIGG BOSS தர்ஷன்

சென்னையில் கார் பார்க்கிங் விவகாரத்தில் நடிகர் தர்ஷன் மற்றும் அவரது உறவினர் கைது செய்யப்பட்டிருக்கும் சம்பவம் பரபரப்பை கிளப்பியுள்ளது. இந்த சம்பவம் பார்க்கிங் என்ற திரைப்படத்தை நினைவூட்டுவதாக நெட்டிசன்கள் கருத்து தெரிவித்து வருகின்றனர்.

கார் மற்றும் பைக் பார்க்கிங் செய்வதெல்லாம் பிரச்சனையா என்று சிலருக்கு தோன்றாலாம். ஆனால்  சாதாரணமாக தோன்றும் இதில் என்னென்ன பிரச்சனைகள் எல்லாம் இருக்கிறது என்பதை கடந்த ஆண்டு வெளியான ”பார்க்கிங்” என்ற திரைப்படத்தில் அப்படியே காட்டி இருப்பார்கள்.... இது போன்ற சம்பவம் தான் தற்போது பிக் பாஸ் புகழ் தர்ஷன் மற்றும் சென்னை உயர் நீதி மன்ற நீதிபதி மகன் ஒருவருக்கும்  நடந்துள்ளது. அதாவது, தனியார் தொலைக்காட்சியி ஒன்றில் ஒளிபரப்பான பிக்பாஸ் சீசன் 3 நிகழ்ச்சியில் பங்கேற்று பிரபலமனவர் தர்ஷன். இவர் ஒரு சில  திரைப்படங்களிலும் நடித்துள்ளார்.

இச்சூழலில் தான் தற்போது தன் வீட்டின் அருகே கார் பார்க்கிங் பிரச்சனையில் சிக்கி கைகலப்பு வரை சென்று தற்போது கைது செய்யப்பட்டிருக்கிறார். இவர் வீட்டின் அருகே சென்னை உயர் நீதிமன்ற நீதிபதி கயல்விழி மகன் ஆதிசுடி என்பவர் கார் பார்க்கிங் செய்ததாக கூறப்படுகிறது. இதனால் தர்ஷனால் தன்னுடைய வீட்டிற்குள் போக முடியவில்லை என்று வாக்குவாதம் செய்யப்பட்டதாக கூறப்படுகிறது. இதனால் இருவருக்கும் கைகலப்பு ஏற்பட்டு உள்ளது. இதில் தர்ஷனை சிலர் தாக்கியதாகவும் கூறப்படுகிறது. அதேபோல தர்ஷன் தாக்கியதாகவும் எதிர் தரப்பினர்கள் குற்றம் சாட்டி இருக்கிறார்கள். மாறி மாறி இருவரும் காவல் நிலையத்தில் புகாரும் அளித்துள்ளனர். 

தர்ஷன் தாக்கியதாக கூறி உயர் நீதி மன்ற நீதிபதி கயல்விழி மற்றும் ஆதிச்சுடி மருத்துவமனையில் சிகிச்சை பெற்று வரும் நிலையில், தற்போது தர்ஷன் மற்றும் அவரது உறவினர் கைது செய்யப்பட்டிருக்கின்றனர். இந்த சம்பவம் அப்பகுதியில் பரபரப்பை கிளப்பியுள்ளது.