டம்மியான மதராஸி 25 கோடிப்பே... பட்ஜெட்டை தொடுமா? | Rukmini | Madharaasi Collection

பிரம்மாண்ட பட்ஜட்டில் உருவாகி, பெரித்தும் எதிர்ப்பார்க்கபட்டு வெளிவந்த மதராஸி திரைப்படம் ரசிகர்கள் மத்தியில் கலவையான விமர்சனங்களையே பெற்று வரும் நிலையில் இரண்டு நாளில் ரூபாய் 25 கோடி ரூபாய் வசூலை குவித்துள்ளது.

மதராஸி படத்திற்கு சிலர் சமூக வலைதளங்களில் விமர்சனங்களை முன்வைத்தாலும், ஆக்ஷன் காட்சிகள் உள்பட படம் கமர்ஷியல் படமாக இருப்பதாக பலரும் பாராட்டி வருகின்றனர். இன்று ஞாயிற்றுக்கிழமை என்பதால் இன்று படத்திற்கு நல்ல கூட்டம் வரும் என்று படக்குழு நம்புகிறது. 
தொடர் தோல்வியில் துவண்டிருந்த ஏ.ஆர்.முருகதாஸிற்கு இந்த படம் மீண்டும் ஒரு கம்பேக் படமாக அமைந்துள்ளது. இந்த படத்தில் சிவகார்த்திகேயனுக்கு ஜோடியாக ருக்மிணி நடித்துள்ளார். வித்யுத் ஜம்வால் வில்லனாக நடித்துள்ளார். அனிருத் இசையமைத்துள்ளார். ஸ்ரீலட்சுமி மூவி மேக்கர்ஸ் இந்த படத்தை தயாரித்துள்ளனர்.

பக்கா கமர்ஷியல் திரைப்படமாக இந்த படம் வெளியாகியுள்ளது. இந்த படம் முதல் நாள் ரூபாய் 13 கோடி வசூல் செய்த நிலையில், நேற்று படத்திற்கு வரவேற்பு எப்படி? என்பதை கீழே காணலாம். மதராஸி படம் நேற்று மட்டும் ரூபாய் 11.75 கோடி ரூபாய் வசூலித்துள்ளது. முதல் நாள் வசூலுடன் ஒப்பிடும்போது நேற்று படத்தின் வசூல் குறைவு ஆகும். கடந்த இரண்டு நாட்களில் மட்டும் இந்திய அளவில் மதராஸி 25.40 கோடி ரூபாய் வசூல் செய்துள்ளது.  நேற்று மதராஸி படத்திற்கு மாலைக் காட்சிக்கும், இரவுக்காட்சிக்கும் ரசிகர்கள் அதிகளவு குவிந்தனர். 

அமரன் படத்தின் முதல் நாள் வசூல் அளவிற்கு மதராஸி படம் இல்லை என்பதும் குறிப்பிடத்தக்கது. அமரன் படம் உண்மை சம்பவத்தை தழுவி எடுக்கப்பட்ட படம் என்பதாலும், அது கமல்ஹாசனின் ராஜ்கமல் நிறுவனம் தயாரிப்பு என்பதாலும் மிகப்பெரிய அளவு ப்ரமோஷன் செய்யப்பட்டது. ஆனால், அமரன் படத்துடன் ஒப்பிடும்போது இந்த படத்திற்கு ப்ரமோஷன் குறைவு ஆகும். 180 கோடி ரூபாய் பட்ஜெட்டில் உருவாகியுள்ள இந்த படத்தை பட்ஜெட்டை கடக்குமா? என்பது இன்னும் சில நாட்களில் தெரிய வரும்.