Haryana BJP : காலைவாறும் EX-அமைச்சர்கள் திணறும் ஹரியானா பாஜக! வெடித்த உட்கட்சி பூசல்

சட்டமன்றத் தேர்தல் நடைபெறும் ஹரியானாவில் பாஜகவில் உட்கட்சி பூசல் நாளுக்கு நாள் அதிகரித்து வருகிறது.அதிருப்தியாளர்களுடன் மேலிட தலைவர்கள் நடத்திய பேச்சுவார்த்தையும் தோல்வியையில் முடிந்தது இது பாஜக-வுக்கு கடும் நெருக்கடியை ஏற்படுத்தியுள்ளது.

ஹரியானா மாநில சட்டமன்றத்துக்கான தேர்தல் அக்டோபர் ஐந்தாம் தேதி நடைபெற உள்ளது. மூன்றாவது முறையாக ஆட்சியை கைப்பற்ற பாஜகவும் 10 ஆண்டுகளுக்கு பிறகு ஆட்சியை கைப்பற்ற காங்கிரஸ் கட்சியும் தீவிரம் காட்டி வருகின்றன. சட்டமன்ற தேர்தலுக்கான முதல் வேட்பாளர் பட்டியலை பாஜக வெளியிட்ட உடனேயே அக்கட்சிக்குள் மோதல் வடித்துள்ளது. 67 பெயர்களை கொண்ட பாஜகவின் முதல் கட்ட பட்டியலில் பத்துக்கும் மேற்பட்ட முக்கிய தலைவர்கள் பெயர்கள் விடுபட்டது சர்ச்சைக்கு உள்ளானது.

மேலிடத்தில் நடவடிக்கையால் அதிருப்தி அடைந்த பாஜக முன்னாள் அமைச்சர் ரஞ்சித் சிங் சவுதாலா, சட்டமன்ற உறுப்பினர் லக்‌ஷ்மன் தாஸ் நாபா..பாஜக விவசாயிகள் அணித் தலைவர் சுக்விந்தர் செரோன், ஓபிசி அணித் தலைவர் கரந்தேவ் கம்பேஜ்..பாஜக முக்கிய நிர்வாகியான ஷம்ஷேர் சிங் கர்காரா உள்ளிட்டோர் பாஜகவில் இருந்து அடுத்து அடுத்து வெளியேறியுள்ளனர். அதிருப்தி தலைவர்களை சமாதானம் படுத்தும் பாஜகவின் முயற்சியும் தோல்வியிலேயே முடிந்துள்ளது. பாஜக ஓபிசி அணித் தலைவர் கரந்தேவ் கம்பேஜை சந்திக்க சென்ற ஹரியானா முதலமைச்சர் நயாப் சைனியுடன் கைக்குடுக்க கூட மறுத்துவிட்டதாக கூறப்படுகிறது.

இதே போல அதிருப்தி தலைவர்களை சமாதானப்படுத்தும் ஹரியானா முன்னாள் முதலமைச்சர் மனோகர்லால் கட்டாரின் முயற்சியும் தோல்வியில் முடிந்துள்ளது. அதே நேரத்தில் கரந்தேவ் கம்போஜ் காங்கிரஸ் மூத்த நிர்வாகியான பூபேந்திர சிங் ஹூடாவை சந்தித்து பேச்சுவார்த்தை நடத்தியுள்ளதாகவும் தகவல் வெளியாகியுள்ளது. ஹாரியானாவின் விளையாட்டு துறை அமைச்சர் சஞ்சய் சிங்கும் பாஜக தனக்கு வாய்ப்பு வழங்காவிட்டால் சுயேட்ச்சியாக களமிறங்க போவதாக தெரிவித்துள்ளார். மின்துறை அமைச்சர் ரஞ்சித் சவுதாலா தேர்தலில் போட்டியிடுவது பற்றி ஆதரவாளர்களுடன் தொடர் ஆலோசனையில் ஈடுபட்டு வருகிறார். பாஜக எம் பி நவீன் ஜிண்டாலின் தாயாரான சாவித்திரி ஜிண்டாலும் பாஜக வேட்பாளருக்கு எதிராக சுயேட்ரியாக களமிறங்க திட்டமிட்டு வருகிறார்.

சட்டமன்ற தேர்தல் நெருங்கிவரும் நிலையில் முக்கிய நிர்வாகிகள் தலைமைக்கு எதிராக போர் கொடி தூக்கியுள்ளது கட்சிக்கு நெருக்கடியை அதிகரித்துள்ளது.