Upcoming Mobile Phones: ஷாவ்மி முதல் ரியல்மீ வரை.. இந்த வாரம் வெளியாகும் புதிய ஸ்மார்ட்போன் மாடல்கள்!

கடந்த மாதம் இந்தியாவில் இருபதுக்கும் மேற்பட்ட புதிய ஸ்மார்ட்ஃபோன் மாடல்கள் வெளியிடப்பட்டன. இந்தியாவில் இந்த மாதம் வெளியாகவுள்ள புதிய ஸ்மார்ட்ஃபோன் மாடல்களின் விவரங்களை இங்கே குறிப்பிட்டுள்ளோம்... 

ஸ்மார்ட்போன்

கடந்த மாதம் இந்தியாவில் இருபதுக்கும் மேற்பட்ட புதிய ஸ்மார்ட்போன் மாடல்கள் வெளியிடப்பட்டன. இந்நிலையில் அதே போல இந்த மாதமும் சாம்சங், ஓப்போ, ஒன்ப்ளஸ், ரியல்மீ முதலான பல்வேறு நிறுவனங்கள் தங்கள் புதிய ஸ்மார்ட்ஃபோன் மாடல்களை விற்பனைக்கு வெளியிடுகின்றன. Realme GT 2 Pro, Oppo F21 சீரிஸ், Samsung Galaxy A53, A73 முதலான மாடல்கள் கடந்த மாதம் வெளியிடப்பட்டிருந்தன. இந்த வாரம் ஷாவ்மி நிறுவனத்தின் முக்கிய மாடலான Xiaomi 12 Pro உள்பட பல்வேறு புதிய மாடல்கள் வெளியாகவுள்ளன. 

இந்தியாவில் இந்த மாதம் வெளியாகவுள்ள புதிய ஸ்மார்ட்ஃபோன் மாடல்களின் விவரங்களை இங்கே குறிப்பிட்டுள்ளோம்... 

Xiaomi 12 Pro

8 Gen 1 SoC பிராசஸர் கொண்ட ஷாவ்மி 12 ப்ரோ மாடல் ஃபோன் இந்தியாவில் வரும் ஏப்ரல் 27 அன்று வெளியிடப்படவுள்ளது. இதன் வடிவமைப்பு சாம்சங் கேலக்ஸி S22, ஒன்ப்ளஸ் 10 ப்ரோ, ஆப்பிள் ஐஃபோன் 13 முதலானவற்றைப் போல இருப்பதாக விமர்சகர்கள் கருத்து தெரிவித்துள்ளனர். 

OnePlus 10R, Nord CE2 Lite

வரும் ஏப்ரல் 28 அன்று, ஒன்ப்ளஸ் நிறுவனம் OnePlus 10R 5G, OnePlus CE 2 Lite 5G ஆகிய மாடல்களை வெளியிடவுள்ளது. OnePlus 10R 5G மாடலில் புதிதாக 150W SUPERVOOC சார்ஜிங் தொழில்நுட்பம் இடம்பெற்றுள்ளதுடன், MediaTek SoC பிராசஸர் பொருத்தப்பட்ட முதல் ஒன்ப்ளஸ் நம்பர் சீரிஸாக இது அமையவுள்ளது. 

Micromax IN 2c

இன்று ஏப்ரல் 26 அன்று, மைக்ரோமேக்ஸ் நிறுவனத்தின் இந்தப் புதிய மாடல் இந்தியாவில் வெளியிடப்படவுள்ளது. கடந்த ஆண்டு மைக்ரோமேக்ஸ் நிறுவனம் வெளியிட்ட Micromax In 2b மாடலின் அடுத்த வெர்ஷனாக Micromax In 2c மாடல் வெளியிடப்பட்டுள்ளது. 

iQoo Z6 Pro

ஐகூ நிறுவனத்தின் புதிய iQoo Z6 Pro 5G மாடல் இந்தியாவில் ஏப்ரல் 27 அன்று வெளியாவதாக அறிவிக்கப்பட்டுள்ளது. இதில் சிறப்பம்சங்களாக Qualcomm Snapdragon 778G 5G பிராசஸர், 66W FlashCharge ஆகியவை சேர்க்கப்பட்டுள்ளன. இந்த மாடல் அமேசான் இந்தியா தளத்தில் விற்பனை செய்யப்படுகிறது. 

Realme GT Neo 3

ஒன்ப்ளஸ், ஷாவ்மி ஆகிய நிறுவனங்களைத் தொடர்ந்து, ரியல்மீ நிறுவனத்தின் Realme GT Neo 3 ஸ்மார்ட்போன் மாடல் இந்தியாவில் வெளியாகவுள்ளது. இந்த மாடல் வரும் ஏப்ரல் 29 அன்று வெளியாகிறது. வெறும் 5 நிமிடங்களில் சுமார் 50 சதவிகிதம் வரை சார்ஜ் செய்யும் வசதி கொண்டிருப்பதாக இந்த மாடல் விளம்பரப்படுத்தப்பட்டு வருகிறது.