WTC 2021 LIVE : விராட் கோஹ்லி - ரஹானே 50 ரன் பார்ட்னர்ஷிப் 146/3

World Test Championship Final 2021, Ind vs NZ: 144 ஆண்டு கால டெஸ்ட் வரலாற்றில் முதல் முறையாக நடைபெறும் டெஸ்ட் உலகக்கோப்பை சாம்பியன்ஷிப்!

Background

உலக டெஸ்ட் சாம்பியன்ஷிப் பைனலின் முதல் நாள் ஆட்டம் நேற்று மழையால் கைவிடப்பட்ட நிலையில், இங்கிலாந்தின் சவுத்தாம்ப்டன் மைதானத்தில் இன்று நல்ல வானிலை நிலவுகிறது. அதனால் இன்று 2வது நாள் ஆட்டம் திட்டமிட்டபடி தொடங்கவுள்ளது.

பைனலில் நீயா, நானா என வரிந்து கட்டுகின்றன இந்தியாவும் நியூசிலாந்தும். ஒருபக்கம் விராட் கோஹ்லி தலைமையிலான இந்திய அணி இன்னொரு பக்கம் கேன் வில்லியம்சன் தலைமையிலான நியூசிலாந்து அணி. ஆக்ரோஷமாக களத்தில் செயல்படக்கூடியவர் விராட் கோஹ்லி, அதே நேரம் கூலாக அணியை வழி நடத்துபவர் கேன் வில்லியம்சன். அதனால் இந்த இவருக்கும் இடையேயான உலக டெஸ்ட் சாம்பியன்ஷிப் இறுதிப் போட்டியை ஃபையர் vs கூல் என வர்ணிக்கலாம்.

22:51 PM (IST)  •  19 Jun 2021

மோசமான வெளிச்சம் - இரண்டாவது நாள் ஆட்டம் நிறைவு!

146/3 என்ற நிலையில் இந்திய அணி விளையாடி கொண்டிருந்த போது வெளிச்சமின்மை காரணமாக போட்டி தடைபட்டது. அதன் பின்பும் போட்டியை துவங்க முடியாத நிலை நீடித்ததால், 2வது நாள் ஆட்டம் நிறைவடைந்தது. 64.4 ஓவர்கள் வீசப்பட்ட நிலையில் கேப்டன் விராட், துணை கேப்டன் ரஹானே ஆகியோர் களத்தில் உள்ளனர்.

விராட் கோஹ்லி - 44 (124)

ரஹானே - 29 (79)

21:31 PM (IST)  •  19 Jun 2021

146/3 மீண்டும் 3வது முறையாக போட்டி நிறுத்தம்!

மீண்டும் மைதானத்தில் குறைந்த வெளிச்சம் நிலவுவதால் நடுவர்கள் போட்டியை நிறுத்தினர். இன்று இது போன்று போட்டி நிறுத்தப்படுவது 3வது முறையாகும். ஏமாற்றத்துடன் மீண்டும் ட்ரெஸ்ஸிங் ரூம் சென்றார் விராட் கோஹ்லி.

விராட் கோஹ்லி - 44 (124)

ரஹானே - 29 (79)