மகளிர் பிரமியர் லீக் கிரிக்கெட் தொடர் இறுதிப்போட்டி இன்று நடைபெற்று வருகிறது. இந்த போட்டியில் பெங்களூர் ராயல் சேலஞ்சர்ஸ் பெங்களூர் – டெல்லி கேபிடல்ஸ் அணியும் மோதுகின்றன.

பெங்களூர் - டெல்லி மோதல்:

ஆடவர் ஐ.பி.எல். தொடரில் இதுவரை கோப்பையே வெல்லாத இந்த இரு அணிகளின் ரசிகர்களும், மகளிர் பிரிவில் தங்கள் அணி முதன்முறையாக மகுடம் சூட ஆர்வத்துடன் உள்ளனர். குறிப்பாக, ஆர்.சி.பி. ரசிகர்கள் மிகுந்த எதிர்பார்ப்புடன் உள்ளனர்.

மும்பையை வீழ்த்தி இறுதிப்போட்டிக்கு வந்த பெங்களூர் அணியில் கேப்டன் ஸ்மிரிதி மந்தனா, ரிச்சா கோஸ், சோபி டிவைன் உள்ளனர். பெங்களூர் அணியின் மிகப்பெரிய நம்பிக்கையாக இருப்பவர் எல்லீஸ் பெர்ரி உள்ளார். அரையிறுதியில் மும்பை அணியை பெங்களூர் வீழ்த்த எல்லீஸ் பெர்ரி முக்கிய காரணமாக உள்ளார். பந்துவீச்சில் ரேணுகா சிங், சிம்ரன் ஆகியோருடன் முக்கிய வீராங்கனையாக ஸ்ரேயாங்கா பாட்டீல் உள்ளார். பேட்டிங், பவுலிங்கில் அசத்தும் இவரும் முக்கிய வீராங்கனையாக உள்ளார்.

டெல்லி அணியில் கேப்டன் மெக் லேனிங், தனியா பட்டியா, ஷபாலி வர்மா உள்ளனர். ஜெமிமா ரோட்ரிக்ஸ், ஜெஸ் ஜோனசன், ராதா யாதவ்வும் சிறப்பாக ஆடினால் டெல்லி அணிக்கு பலமாகும். பந்துவீச்சில் சதர்லண்ட், திதாஸ் சாது, அபர்ணா உள்ளனர். இந்த போட்டி டெல்லியில் உள்ள அருண் ஜெட்லி மைதானத்தில் நடைபெற உள்ளது.

22:28 PM (IST) • 17 Mar 2024