RR vs RCB IPL 2023 Playing XI: கட்டாய வெற்றிக்கு களமிறங்கும் அணிகள்.. ப்ளேயிங் லெவன் இதோ..!
RR vs RCB IPL 2023 Playing XI: வென்றால் தான் ப்ளேஆஃப் வாய்ப்பில் நீடிக்க முடியும் எனும் முக்கிய போட்டியில் களமிறங்கும் ராஜஸ்தான் மற்றும் பெங்களூரு அணி சார்பில் களமிறங்கும் வீரர்கள் குறித்து காணலாம்.
ஐபிஎல் தொடரின் இன்றைய 60வது போட்டியில் ராஜஸ்தான் ராயல்ஸ் அணியும், ராயல் சேலஞ்சர்ஸ் பெங்களூரு அணியும் மோதுகிறது. ஜெய்ப்பூரில் உள்ள சவாய் மன்சிங் ஸ்டேடியத்தில் தொடங்கியுள்ள இந்த போட்டியில் டாஸ் வென்ற பெங்களூரு அணி பேட்டிங் செய்ய முடிவு செய்துள்ளது.
இந்த சீசனில் ராஜஸ்தான் ராயல்ஸ் 12 புள்ளிகளுடன் நான்காவது இடத்தில் உள்ளது. ராயல் சேலஞ்சர்ஸ் பெங்களூரு அணி 10 புள்ளிகளுடன் புள்ளி பட்டியலில் 6வது இடத்தில் உள்ளது. பிளே ஆஃப் சுற்றுக்கு தகுதி வாய்ப்பில் நீடிக்க இரு அணிகளும் இன்றைய போட்டியில் வெற்றிபெற்றாக வேண்டும்.
ஐபிஎல் 16வது சீசனில் இரண்டு சிறந்த பேட்ஸ்மேன்களான இளம் வீரர் யஷஸ்வி ஜெய்ஸ்வால் மற்றும் ஃபாப் டு பிளெசிஸ் இடையேயான போட்டியாகவும் இன்று இருக்கும். ஜெய்ஸ்வால் மற்றும் டு பிளெசிஸ் இருவரும் அட்டகாசமான பார்மில் உள்ளனர். இதுவரை நடந்த போட்டிகளில் அதிக ரன்கள் எடுத்தவர்கள் பட்டியலில் முதல் இரண்டு இடங்களில் உள்ளனர். டு பிளெசிஸ் 11 இன்னிங்ஸ்களில் 6 அரை சதங்கள் உட்ப 576 ரன்களுடன் முதலிடத்தில் உள்ளார். இவருக்கு அடுத்தபடியாக ராஜஸ்தான் அணியின் ஜெய்ஸ்வால் 4 அரைசதங்கள் மற்றும் ஒரு சதத்துடன் 575 ரன்களுடன் 2வது இடத்தில் உள்ளார்.
இன்றைய போட்டியில் இருவரும் அதிரடி காட்டினால் ரசிகர்களுக்கு விருந்துதான். மும்பை இந்தியன்ஸ் மற்றும் டெல்லி கேபிடல்ஸ் அணிகளுக்கு எதிரான தோல்விக்கு பிறகு பெங்களூரு அணி ஹாட்ரிக் தோல்வியை தவிர்க்கும் முனைப்பில் களமிறங்கும். மறுபுறம் ராஜஸ்தான் ராயல்ஸ் கடந்த வியாழக்கிழமை நடந்த கொல்கத்தா நைட் ரைடர்ஸ் அணிக்கு எதிராக 9 விக்கெட்கள் வித்தியாசத்தில் வெற்றிபெற்றது. அதே வெற்றிபாதையை தொடர ராஜஸ்தான் முயற்சிக்கும்.
பெங்களூரு அணியை பொறுத்தவரை விராட் கோலியும், மேக்ஸ்வெல்லும் சிறந்த பார்மில் உள்ளனர். இவர்களுடன் மிடில் ஆர்டர் பேட்ஸ்மேன்களான மஹிபால் லோம்ரோர், அனுஜ் ராவத் மற்றும் தினேஷ் கார்த்திக் போன்றவர்கள் கைகொடுத்தால் பெங்களூரு அணி வெற்றிபெறும்.
ராஜஸ்தான் ராயல்ஸ் பிளேயிங் லெவன்:
யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன்(கேப்டன் மற்றும் விக்கெட் கீப்பர்), ஜோ ரூட், துருவ் ஜூரல், ஷிம்ரோன் ஹெட்மியர், ரவிச்சந்திரன் அஷ்வின், ஆடம் ஜம்பா, சந்தீப் சர்மா, கேஎம் ஆசிப், யுஸ்வேந்திர சாஹல்
ராஜஸ்தான் ராயல்ஸ் அணியின் இம்பேக்ட் ப்ளேயர்கள்:
தேவ்தத் பாடிக்கல், ரியான் பராக், குல்தீப் யாதவ், டொனாவன் ஃபெரீரா, நவ்தீப் சைனி
ராயல் சேலஞ்சர்ஸ் பெங்களூர் பிளேயிங் லெவன்:
விராட் கோலி, ஃபாஃப் டு பிளெசிஸ் (கேப்டன்), அனுஜ் ராவத், க்ளென் மேக்ஸ்வெல், மஹிபால் லோம்ரோர், தினேஷ் கார்த்திக் (விக்கெட் கீப்பர்), மைக்கேல் பிரேஸ்வெல், வெய்ன் பார்னெல், கர்ன் சர்மா, ஹர்ஷல் படேல், முகமது சிராஜ்
ராயல் சேலஞ்சர்ஸ் பெங்களூர் அணியின் இம்பேக்ட் ப்ளேயர்கள்:
விஜய்குமார் வைஷாக், ஃபின் ஆலன், ஷாபாஸ் அகமது, ஹிமான்ஷு சர்மா, சுயாஷ் பிரபுதேசாய்
தலைப்பு செய்திகள்
ட்ரெண்டிங் செய்திகள்
