Lungi Ngidi: தலையில் பலத்த அடி! சுருண்டு விழுந்த லுங்கி ங்கிடி.. உள்ளே வந்த ஆம்புலன்ஸ் நிசப்தமான மைதானம்

கடினமான கேட்ச்சை பிடிக்க முயன்றபோது லுங்கி என்கிடி நிலைதடுமாறி கீழே விழுந்தார். பந்தைப் பிடிக்க பின்னோக்கி ஓடிய அவர், தனது கட்டுப்பாட்டை இழந்து மல்லாக்க விழுந்தார்.

Lungi Ngidi: தலையில் பலத்த அடி! சுருண்டு விழுந்த லுங்கி ங்கிடி.. உள்ளே வந்த ஆம்புலன்ஸ் நிசப்தமான மைதானம்

Source : ABPLive

டெல்லி கேபிடல்ஸ் அணி மற்றும் பஞ்சாப் கிங்ஸ் அணிகளுக்கு இடையேயான போட்டியின் போது டெல்லி வீரர் லுங்கி இங்கிடி கேட்ச் பிடிக்க பின்னோக்கி ஓடியபோது தடுமாறி கீழே விழுந்து தலையில் பலமாக அடிபட்டது. இந்த நிலையில், உடனடியாக மைதானத்திற்குள் ஆம்புலன்ஸ் விரைந்து அவரை ஸ்டெச்சர் மூலமாக மருத்துவமனைக்கு அழைத்துச் சென்றனர்.

கேட்ச் பிடிக்க சென்ற போது தலையில் அடி

பவுண்டரி எல்லை அருகே வந்த ஒரு கடினமான கேட்ச்சை பிடிக்க முயன்றபோது லுங்கி என்கிடி நிலைதடுமாறி கீழே விழுந்தார். பந்தைப் பிடிக்க பின்னோக்கி ஓடிய அவர், தனது கட்டுப்பாட்டை இழந்து மல்லாக்க விழுந்தார். அப்போது அவரது தலை அல்லது கழுத்துப் பகுதி தரையில் பலமாக மோதியதாகத் தெரிகிறது. இதனால் மைதானத்திலேயே அவர் வலியால் துடித்தார்.

🚨 BIG HEAD INJURY DELHI CAPITALS PLAYER LUNGI NGIDI !😲

- South African pacer Lungi Ngidi was seriously injured while going for a catch. He suffered a severe head injury. An ambulance was quickly brought onto the field, and he was immediately taken to the hospital. We hope he… pic.twitter.com/e00PMswztN

— Cricket Central (@CricketCentrl) April 25, 2026

மைதானத்திற்குள் விரைந்த மருத்துவக் குழு

சம்பவம் நடந்த உடனே டெல்லி கேப்பிடல்ஸ் அணியின் மருத்துவக் குழுவினர் மைதானத்திற்குள் விரைந்தனர். சில நிமிடங்கள் ஆட்டம் நிறுத்தப்பட்டது. காயம் தீவிரமாக இருக்கலாம் என்பதால், முன்னெச்சரிக்கை நடவடிக்கையாக அவர் ஸ்ட்ரெச்சரில் (Stretcher) வைத்து மைதானத்தை விட்டு வெளியே அழைத்துச் செல்லப்பட்டார்.

தற்போது அவர் அருகில் உள்ள உள்ளூர் மருத்துவமனைக்கு கொண்டு செல்லப்பட்டுள்ளார். அங்கு அவருக்கு ஸ்கேன் பரிசோதனைகள் மேற்கொள்ளப்பட்டு, தீவிர சிகிச்சை அளிக்கப்பட்டு வருகிறது.

தொடரும் சோகம்: டெல்லி அணிக்கு பின்னடைவு

நேற்று தான் பயிற்சியின் போது டெல்லி அணியைச் சேர்ந்த இளம் வீரர் ஒருவர் காயமடைந்து ஸ்ட்ரெச்சரில் வெளியே அழைத்துச் செல்லப்பட்டார். அந்தச் சுவடு மறைவதற்குள், இன்று நட்சத்திர வீரர் லுங்கி என்கிடிக்கு காயம் ஏற்பட்டது ரசிகர்களிடையே கவலையை ஏற்படுத்தியுள்ளது.

பரிசோதனை முடிவுகள் வந்த பிறகு, என்கிடியின் உடல்நிலை குறித்த அதிகாரப்பூர்வ அறிவிப்பை டெல்லி கேப்பிடல்ஸ் நிர்வாகம் வெளியிடும் என எதிர்பார்க்கப்படுகிறது.