LSG vs RCB IPL 2023: பெங்களூருக்கு எதிராக டாஸ் வென்ற லக்னோ அணி பந்து வீச முடிவு..!

LSG vs RCB IPL 2023: பெங்களூரு அணிக்கு எதிரான போட்டியில் டாஸ் வென்ற லக்னோ அணி பந்து வீச முடிவு செய்துள்ளது.

பெங்களூரு மற்றும் லக்னோ அணி வீரர்கள்

LSG vs RCB IPL 2023: ஐபிஎல் போட்டியின் 16வது சீசனின் 15வது லீக் போட்டி பெங்களூரில் உள்ள சின்னசாமி மைதானத்தில் நடைபெறுகிறது. இந்த போட்டியில், ரயல் சேலஞ்சர்ஸ் பெங்களூரு அணியும் லக்னோ சூப்பர் ஜெயிண்ட்ஸ் அணியும் மோதிக் கொள்கின்றன. இந்த போட்டியில் டாஸ் வென்ற லக்னோ அணியின் கேப்டனும் பெங்களூரு வாசியுமான கே.எல். ராகுல் பந்து வீச தீர்மானித்தார். 

இந்த இரு அணிகளும் கடந்த சீசனில் இரண்டு முறை நேருக்கு நேர் மோதியுள்ளது. அந்த இரண்டு போட்டிகளிலும் பெங்களூர் அணியே வெற்றி பெற்றுள்ளது. கடந்த சீசனில் இரு அணிகளுக்கும் இடையேயான முதல் போட்டி 19 ஏப்ரல் 2022 அன்று மும்பை டாக்டர் DY பாட்டீல் ஸ்போர்ட்ஸ் அகாடமி மைதானத்தில் நடந்தது.  சிறிய மைதானமான இந்த மைதானத்தில் முதலில் பேட்டிங் செய்த பெங்களூரு அணி லக்னோ அணிக்கு 181 ரன்கள் இலக்காக நிர்ணயித்தது. அடுத்து களமிறங்கிய லக்னோ தொடக்க விக்கெட்களை இழந்தாலும், க்ருனால் பாண்டியா (42), மற்றும் மார்கஸ் ஸ்டோனிஸ் (24) ஆகியோரின் அற்புதமான ஆட்டத்தின் உதவியுடன் தோல்வியின் வித்தியாசத்தினை மட்டுமே குறைத்தது. இறுதியில் லக்னோ அணி  163 ரன்கள் மட்டுமே எடுத்து 18 ரன்கள் வித்தியாசத்தில் தோல்வியை சந்தித்தது. 

இரண்டாவது போட்டி கொல்கத்தாவில் உள்ள ஈடன் கார்டன் மைதானத்தில் நடைபெற்றது. ராயல் சேலஞ்சர்ஸ் மீண்டும் சூப்பர் ஜெயன்ட் அணியை 14 ரன்கள் வித்தியாசத்தில் தோற்கடித்தது. 54 பந்துகளில் 112 ரன்கள் குவித்த ரஜத் படிதாருக்கு ஆட்ட நாயகன் விருது வழங்கப்பட்டது குறிப்பிடத்தக்கது. 

பெங்களூரு அணி கடந்த போட்டியில், கொல்கத்தாவிடம் அதிர்ச்சிகரமாக தோல்வியைச் சந்தித்தது. இந்த போட்டி உள்ளூரில் நடைபெறுவதால் பெங்களூரு அணிக்கு சாதகமாக அமையும் என ரசிகர்கள் எதிர்பார்க்கின்றனர். அதேபோல், லக்னோ அணி  வெள்ளிக்கிழமைநடைபெற்ற போட்டியில் சன் ரைசஸ் ஹைதராபாத் அணிக்கு எதிரான போட்டியில் 5 விக்கெட்டுகள் வித்தியாசத்தில் வெற்றி பெற்றுள்ளது. இந்த உத்வேகத்துடன்  லக்னோ அணி தனது வெற்றிப் பயணத்தினை தொடரும் முனைப்புடனும், பெங்களூரு அணிக்கு எதிரான தொடர் தோல்விகளுக்கு முற்றுப்புள்ளி வைக்கும் எண்ணத்துடனும் களமிறங்கியுள்ளது. 

ராயல் சேலஞ்சர்ஸ் பெங்களூரு முழு அணி:

ஃபாஃப் டு பிளெசிஸ் (கேப்டன்), விராட் கோலி, கிளென் மேக்ஸ்வெல், முகமது சிராஜ், ஹர்சல் படேல், வனிந்து ஹசரங்கா, தினேஷ் கார்த்திக், ஷாபாஸ் அஹமத், ரஜத் படிதார், அனுஜ் ராவத், ஆகாஷ் தீப், ஜோஷ் ஹேசில்வுட், மஹிபால் லோம்ரோர், ஃபின், சுயாஷ் பிரபுட்ஸ், சுயாஷ் பிரபுட்ஸ் சர்மா, சித்தார்த் கவுல், டேவிட் வில்லி, ரீஸ் டாப்லி, ஹிமான்ஷு சர்மா, மனோஜ் பந்தேஜ், ராஜன் குமார், அவினாஷ் சிங், சோனு யாதவ், மைக்கேல் பிரேஸ்வெல்.

லக்னோ சூப்பர் ஜெயண்ட்ஸ் முழு அணி:

கேஎல் ராகுல் (கேப்டன்), ஆயுஷ் படோனி, கரண் ஷர்மா, மனன் வோஹ்ரா, குயின்டன் டி காக், மார்கஸ் ஸ்டோனிஸ், கிருஷ்ணப்ப கவுதம், தீபக் ஹூடா, கைல் மேயர்ஸ், க்ருனால் பாண்டியா, அவேஷ் கான், மொஹ்சின் கான், மார்க் வூட், மயங்க் யாதவ், ரவி பிஷ்னாய், நிக்கோலஸ் பூரன், ஜெய்தேவ் உனத்கட், யாஷ் தாக்கூர், ரொமாரியோ ஷெப்பர்ட், டேனியல் சாம்ஸ், அமித் மிஸ்ரா, பிரேராக் மன்கட், ஸ்வப்னில் சிங், நவீன் உல் ஹக், யுத்வீர் சரக்.