IPL Mega Auction 2025: ஐபிஎல் ஏலம், இன்னைக்கு பெங்களூர், மும்பை காட்டில் தான் மழை - கைவசம் உள்ள தொகை எவ்வளவு?
IPL Mega Auction 2025: ஐபிஎல் 2025 சீசனுக்கான மெகா ஏலத்தின் முதல் நாள் முடிவில் ஒவ்வொரு அணியின் கைவசமும் உள்ள தொகை எவ்வளவு என்பதை இந்த தொகுப்பில் அறியலாம்.
IPL Mega Auction 2025: ஐபிஎல் 2025 சீசனுக்கான மெகா ஏலத்தின் முதல் நாள் முடிவில் ஒவ்வொரு அணியும் வாங்கிய வீரர்களின் விவரங்கள் கீழே பட்டியலிடப்பட்டுள்ளன.
ஐபிஎல் 2025 மெகா ஏலம்:
ஐபிஎல் 2025 சீசனில் 10 அணிகள் சார்பில் களமிறங்க உள்ள வீரர்களுக்கான மெகா ஏலம் நேற்று தொடங்கியது. சவுதி அரேபியாவின் ஜெட்டா நகரில் நடைபெற்ற ஏலத்தின் முதல் நாளில், நட்சத்திர வீரர்களை வாங்க அணி நிர்வாகங்கள் கடுமையாக போட்டியிட்டன. ஏலத்தின் முதல் நாளில் மொத்தம் 72 வீரர்கள் வாங்கப்பட்டனர். அதே நேரத்தில் 12 வீரர்கள் விலைபோகவில்லை. ரைட்-டு-மேட்ச் (ஆர்டிஎம்) விருப்பம் நான்கு முறை உரிமையாளர்களால் செயல்படுத்தப்பட்டது. மேலும், ரிஷப் பண்ட்-ஐ 27 கோடி ரூபாய்க்கு லக்னோ அணி வாங்கியது. இதன் மூலம் ஐபிஎல் ஏல வரலாற்றில் அதிக தொகைக்கு ஏலம்போன வீரர் என்ற பெருமையை பெற்றுள்ளார். இந்நிலையில், முதல் நாள் முடிவில் ஒவ்வொரு அணியும் வாங்கிய வீரர்கள், கைவசம் மீதமுள்ள தொகை போன்ற விவரங்கள் கீழே பட்டியலிடப்பட்டுள்ளன. அதன்படி, பெங்களூர் மற்றும் மும்பை அணிகளிடம், மற்ற அணிகளை காட்டிலும் அதிக தொகை கைவசம் உள்ளது. இதன் காரணமாக இரண்டாவது நாளான இன்றைய ஏலத்தில் அந்த அணிகள் ஆதிக்கம் செலுத்தும் என எதிர்பார்க்கப்படுகிறது.
10 அணிகளின் நிலவரம்:
சென்னை சூப்பர் கிங்ஸ் (மீதமுள்ள தொகை: ரூ. 15.60 கோடி):
ருதுராஜ் கெய்க்வாட், மதீஷா பத்திரனா, ஷிவம் துபே, ரவீந்திர ஜடேஜா, எம்எஸ் தோனி, டெவோன் கான்வே, ராகுல் திரிபாதி, ரச்சின் ரவீந்திரா, ஆர். அஸ்வின், கலீல் அகமது, நூர் அகமது, விஜய் சங்கர்.
மும்பை இந்தியன்ஸ் (மீதமுள்ள தொகை: ரூ. 26.1 கோடி):
ஜஸ்பிரித் பும்ரா, சூர்யகுமார் யாதவ், ஹர்திக் பாண்டியா, ரோகித் சர்மா, திலக் வர்மா, டிரென்ட் போல்ட், நமன் திர், ராபின் மின்ஸ், கர்ன் ஷர்மா.
ராயல் சேலஞ்சர்ஸ் பெங்களூரு (மீதமுள்ள தொகை: ரூ. 30.65 கோடி)
விராட் கோலி, ரஜத் படிதார், யாஷ் தயாள், லியாம் லிவிங்ஸ்டோன், பில் சால்ட், ஜிதேஷ் சர்மா, ஜோஷ் ஹேசில்வுட், ரசிக் தார், சுயாஷ் சர்மா.
கொல்கத்தா நைட் ரைடர்ஸ் (மீதமுள்ள தொகை: ரூ. 10.05 கோடி)
ரிங்கு சிங், வருண் சகரவர்த்தி, சுனில் நரைன், ஆண்ட்ரே ரஸ்ஸல், ஹர்ஷித் ராணா, ரமன்தீப் சிங், வெங்கடேஷ் ஐயர், குயின்டன் டி காக், ரஹ்மானுல்லா குர்பாஸ், அன்ரிச் நார்ட்ஜே, ஆங்க்ரிஷ் ரகுவன்ஷி, வைபவ் அரோரா, மயங்க் மார்கண்டே.
சன்ரைசர்ஸ் ஐதராபாத் (மீதமுள்ள தொகை: ரூ. 5.15 கோடி):
பாட் கம்மின்ஸ், அபிஷேக் சர்மா, நிதிஷ் ரெட்டி, ஹென்ரிச் கிளாசென், டிராவிஸ் ஹெட், முகமது ஷமி, ஹர்ஷல் படேல், இஷான் கிஷன், ராகுல் சாஹர், ஆடம் ஜம்பா, அதர்வா டைடே, அபினவ் மனோகர், சிமர்ஜீத் சிங்.
ராஜஸ்தான் ராயல்ஸ் (மீதமுள்ள தொகை: ரூ. 17.35 கோடி):
சஞ்சு சாம்சன், யஷஸ்வி ஜெய்ஸ்வால், ரியான் பராக், துருவ் ஜூரல், ஷிம்ரோன் ஹெட்மியர், சந்தீப் சர்மா, ஜோஃப்ரா ஆர்ச்சர், மகேஷ் தீக்ஷனா, வனிந்து ஹசரங்கா, ஆகாஷ் மத்வால், குமார் கார்த்திகேயா.
பஞ்சாப் கிங்ஸ் (மீதமுள்ள தொகை: ரூ. 22.50 கோடி):
ஷஷாங்க் சிங், பிரப்சிம்ரன் சிங், அர்ஷ்தீப் சிங், ஷ்ரேயாஸ் ஐயர், யுஸ்வேந்திர சாஹல், மார்கஸ் ஸ்டோனிஸ், கிளென் மேக்ஸ்வெல், நேஹால் வதேரா, ஹர்பிரீத் பிரார், விஷ்ணு வினோத், விஜய்குமார் வைஷாக், யாஷ் தாக்கூர்.
டெல்லி கேபிடல்ஸ் (மீதமுள்ள தொகை: ரூ. 13.80 கோடி):
அக்சர் படேல், குல்தீப் யாதவ், டிரிஸ்டன் ஸ்டப்ஸ், அபிஷேக் போரல், மிட்செல் ஸ்டார்க், கேஎல் ராகுல், ஹாரி புரூக், ஜேக் ஃப்ரேசர்-மெக்குர்க், டி.நடராஜன், கருண் நாயர், சமீர் ரிஸ்வி, அசுதோஷ் சர்மா, மோகித் சர்மா.
குஜராத் டைட்டன்ஸ் (மீதமுள்ள தொகை: ரூ. 17.50 கோடி):
ரஷித் கான், ஷுப்மான் கில், சாய் சுதர்சன், ராகுல் தெவாடியா, ஷாருக் கான், ககிசோ ரபாடா, ஜோஸ் பட்லர், முகமது சிராஜ், பிரசித் கிருஷ்ணா, நிஷாந்த் சிந்து, மஹிபால் லோம்ரோர், குமார் குஷாக்ரா, அனுஜ் ராவத், மானவ் சுதார்.
லக்னோ சூப்பர் ஜெயண்ட்ஸ் (மீதமுள்ள தொகை: ரூ. 14.85 கோடி):
நிக்கோலஸ் பூரன், ரவி பிஷ்னோய், மயங்க் யாதவ், மொஹ்சின் கான், ஆயுஷ் படோனி, ரிஷப் பந்த், டேவிட் மில்லர், ஐடன் மார்க்ரம், மிட்செல் மார்ஷ், அவேஷ் கான், அப்துல் சமத், ஆர்யன் ஜூயல்
தலைப்பு செய்திகள்
ட்ரெண்டிங் செய்திகள்
