KKR vs LSG: பூரன், மிட்செல் மார்ஷ் சிக்ஸர் மழை! 239 ரன்களை எட்டுமா கொல்கத்தா அணி?
IPL 2025: KKR vs LSG: ஐ.பி.எல். கிரிக்கெட் தொடரில் இன்றைய (08.04.2025) கொல்கத்தா நைட் ரைடஸ் - லக்னோ சூப்பர் ஜெயண்ட்ஸ் அணிகள் மோதுகின்றன.
லக்னோ சூப்பர் ஜெயிண்ட்ஸ் அணிக்கு எதிரான போட்டியில் கொல்கத்தா நைட் ரைடர்ஸ் அணிக்கு 239 ரன்கள் இலக்காக நிர்ணயித்துள்ளது.
ஐ.பி.எல். கிரிக்கெட் திருவிழா
ஐ.பி.எல். கிரிக்கெட் தொடரின் 18-வது சீசன் மார்ச், 22-ம் தேதி தொடங்கியது. கிரிக்கெட் ரசிகர்களுக்கு திருவிழா என்றால் அது ஒவ்வொரு ஆண்டும் ஏப்ரல் - மே மாதங்களை சொல்லிவிடலாம். 10 அணிகள், 74 போட்டிகள் என சுவாரஸ்யமான தருணங்களுடன் காத்திருக்கிறது தொடர்.
21-வது லீக் போட்டி
இந்தத் தொடரின் 21-வது லீக் போட்டி, கொல்கத்தாவின் ஈடன் கார்டன் மைதானத்தில் நடைபெற்றது. ரிஷப் பண்ட் தலைமையிலான லக்னோ சூப்பர் ஜெயிண்ட்ஸ் அணியை அணியை அஜிங்கியா ரெகானே தலைமையிலான கொல்கத்தா நைட் ரைடர்ஸ் அணி எதிர்கொள்கிறது. இதில் டாஸ் வென்ற கொல்கத்தா அணி பந்துவீச முடிவு செய்தது.
கொல்கத்தா, லக்னோ இரண்டு அணிகளும் இதுவரை நடைபெற்ற 4 போட்டியில் கொல்கத்தா 2 போட்டிகளில் வெற்றி பெற்றுள்ளது. புள்ளிப்பட்டியலில் கொல்கத்தா 5-வது இடத்திலும் லக்னோ 6-வது இடத்திலும் இருக்கிறது.
அதிரடியாக விளையாடிய லக்னோ அணி
இந்தப் போட்டியில் முதலில் விளையாடிய லக்னோ அணி அதிரடி காட்டியது. தொடக்க ஆட்டக்காரர்களாக களமிறங்கிய எய்டன் மார்க்கரம், மிட்சல் மார்ஷ் இருவரும் பவர்ப்ளேயில் நன்றாக அடித்து விளையாடியனர். பவர்ப்ளே முடிவில் லக்னோ அணி விக்கெட் இழப்பின்றி 49 ரன்கள் எடுத்தது. கொல்கத்தா அணியின் பந்து வீச்சாளர்கள் எவ்வளவு முயற்ன்றும் லக்னோ பேட்ஸ்மென்கள் அதிரடியான ஆட்டத்தை நிறுத்த முடியவில்லை. லக்னோ அணி முதல் விக்கெட்டுக்கு 99 ரன்கள் எடுத்திருந்தது. ஹர்ஷித் ராணா பந்தில் மார்க்ரம் போல்ட் ஆனார். இவர் 28 பந்துகளுக்கு 4 பவுண்ட்ரி, 2 சிக்ஸர் உடன் 47 ரன்களில் ஆட்டமிழந்தார்.
அடுத்த வந்த நிக்கோலஸ் பூரன் தொடக்கம் முதலே சிக்ஸர் மழை பொழிந்தார் என்றே சொல்லலாம். கொல்கத்த பந்துவீச்சாளர்கள் அவரை எப்படி அவுட் ஆக்குவது என்று திணறினர். மிட்செல் மார்ஷ் - பூரன் இணைந்து அணியின் ஸ்கோரை 170 வரை உயர்த்தினர். தொடர்ந்து பவுண்ட்ரிகளும் சிக்ஸர்களும் அடித்தனர். மிட்செல் மார்ஷ் அரைசதம் அடித்தார். மிட்செல் மார்ஷ், ஆன்ரே ரசல் பவுலிங்கில் 81 ரன்களில் அவுட்டானார். இவர் 6 பவுண்ட்ரிகள், 5 சிக்ஸர் அடித்து பெவிலியன் திரும்பினார். அதன் பின்னர் களமிறங்கிய அப்துல் சமத் 6 ரன்களில் ஆட்டமிழந்தார். அணியின் ஸ்கோர் 221 ஆக இருந்தது.
பூரன் அதிரடி அரைசதம்
நிக்கோலஸ் பூரன், 21 பந்துகளில் அரைசதம் அடித்தார். தொடக்கம் முதலே அதிரடியாக விளையாடிய இவர் 8 சிக்ஸர், 7 பவுண்ட்ரிகள் அடித்தார். 36 பந்துகளுக்கு 87 ரன்கள் எடுத்து ஆட்டமிழக்காமல் இருந்தார். 20 ஓவர்கள் முடிவில் லக்னோ சூப்பர் ஜெயிண்ட்ஸ் அணி 3 விக்கெட்கள் இழப்பிற்கு 238 ரன்கள் எடுத்தது. கொல்கத்தா தரப்பில் ஹர்ஷித் ராணா 2 விக்கெட்டுகள், ஆன்ரே ரசல் 1 விக்கெட் எடுத்திருந்தார். ஸ்பென்சர் 3 ஓவரில் 46 ரன் கொடுத்திருந்தார். கொல்கத்தா அணி 239 ரன் எடுத்தால் வெற்றி என்ற இலக்கை எட்டுமா என்று பார்க்கலாம்.
தலைப்பு செய்திகள்
ட்ரெண்டிங் செய்திகள்
