IPL 2024 RCB vs LSG: டாஸ் வென்ற பெங்களூரு..பந்து வீச்சு தேர்வு! அதிரடி ஆட்டத்தை தொடங்குமா லக்னோ?
டாஸ் வென்ற ராயல் சேலஞ்சர்ஸ் பெங்களூரு அணி முதலில் பந்து வீச்சை தேர்வு செய்துள்ளது.
ஐ.பி.எல் 2024:
ஐ.பி.எல் சீசன் விறுவிறுப்பாக நடைபெற்று வருகிறது. அந்தவகையில் இதுவரை 14 லீக் போட்டிகள் முடிந்துள்ளது. இன்று (ஏப்ரல் 2) 15 வது லீக் போட்டி நடைபெறுகிறது. பெங்களூரு சின்னசாமி மைதானத்தில் நடைபெறும் இந்த போட்டியில் ராயல் சேலஞ்சர்ஸ் பெங்களூரு மற்றும் லக்னோ சூப்பர் ஜெயண்ட்ஸ் அணிகள் மோதுகின்றன.
பெங்களூரு - லக்னோ அணிகள் மோதல்:
முன்னதாக, ராயல் சேலஞ்சர்ஸ் பெங்களூரு அணி மூன்று போட்டிகளில் விளையாடி ஒரே ஒரு வெற்றியுடன் தற்போது ஐபிஎல் 2024 புள்ளிகள் பட்டியலில் ஒன்பதாவது இடத்தில் உள்ளது. மறுபுறம், லக்னோ சூப்பர் ஜெயண்ட்ஸ் அணி இரண்டு போட்டியில் ஒரு வெற்றி மற்றும் ஒரு தோல்வியுடன் இரண்டு புள்ளிகளுடன் ஆறாவது இடத்தில் உள்ளது. பெங்களூரு எம்.சின்னசாமி ஸ்டேடியத்தில் உள்ள பிட்ச் எப்போதும் பேட்ஸ்மேன்களுக்கு சாதகமான பிட்சாகவே பார்க்கப்படுகிறது. எனவே, இன்றைய போட்டியில் இரு அணிகளும் ரன் மழையை பொழியலாம்.
கடுமையான போட்டி:
லக்னோ சூப்பர் ஜெயண்ட்ஸ் 2022ம் ஆண்டு ஐபிஎல் போட்டிகளில் அறிமுகமானது. அதன்பிறகு, லக்னோ சூப்பர் ஜெயண்ட்ஸ் அணி, ராயல் சேலஞ்சர்ஸ் பெங்களூரு அணிக்கு எதிராக 4 போட்டிகலில் விளையாடியுள்ளது. இதில், அதிகபட்சமாக பெங்களூரு அணி 3 போட்டிகளில் வெற்றி பெற்றுள்ளது. அதேசமயம் லக்னோ ஒரு போட்டியில் மட்டுமே வெற்றிபெற்றுள்ளது.
இரு அணிகளும் ஒன்றுக்கொன்று எதிராக 200 ரன்களுக்கு மேல் குவித்துள்ளது. இந்தநிலையில், சொந்த மைதானத்தில் பெங்களூரு அணி, லக்னோ அணியை வீழ்த்த வாய்ப்புள்ளது. ஆனால், இந்த வெற்றி அவ்வளவு எளிதாக இருக்காது. இரு அணிகளும் வெற்றிக்காக கடுமையாக போராடும்.
டாஸ் வென்ற பெங்களூரு அணி பந்து வீச்சு தேர்வு:
இந்த மைதானத்தில் கடைசியாக ராயல் சேலஞ்சர்ஸ் பெங்களூரு அணியும், கொல்கத்தா நைட் ரைடர்ஸ் அணியும் மோதியது. இந்த போட்டியில் கொல்கத்தா அணி இலக்கை எட்டி வெற்றியை பதிவு செய்தது. வேகப்பந்து வீச்ச்சாளர்கள் தொடக்கத்தில் அதிக ஸ்விங்களை செய்து பேட்ஸ்மேன்களுக்கு தொல்லை கொடுக்கலாம்.
இன்றைய போட்டியில், டாஸ் வெல்லும் அணி முதலில் பந்துவீச்சை தேர்வு செய்யும் என்று எதிர்பார்க்கப்பட்ட நிலையில் அவ்வாறே நடந்துள்ளது. அந்த வகையில் டாஸ் வென்ற ராயல் சேலஞ்சர்ஸ் அணி முதலில் பந்து வீச்சை தேர்வு செய்துள்ளது. முதல் பேட்டிங் செய்யும் லக்னோ சூப்பர் ஜெயண்ட்ஸ் அணி நல்ல ஸ்கோரை எட்ட வாய்ப்பு உள்ளது.
ராயல் சேலஞ்சர்ஸ் பெங்களூரு வீரர்கள்:
ஃபாஃப் டு பிளெசிஸ் (கேப்டன்), விராட் கோலி, ரஜத் படிதார், கிளென் மேக்ஸ்வெல், கேமரூன் கிரீன், தினேஷ் கார்த்திக்,
அனுஜ் ராவத், ரீஸ் டோப்லி, மயங்க் தாகர், முகமது சிராஜ், யாஷ் தயாள்
லக்னோ சூப்பர் ஜெயண்ட்ஸ் வீரர்கள்:
கேஎல் ராகுல் (கேப்டன்), குயின்டன் டி காக், தேவ்தத் படிக்கல், மார்கஸ் ஸ்டோனிஸ், நிக்கோலஸ் பூரன், ஆயுஷ் படோனி, க்ருனால் பாண்டியா, ரவி பிஷ்னோய், யாஷ் தாக்கூர், நவீன் உல் ஹக், மயங்க் யாதவ்
தலைப்பு செய்திகள்
ட்ரெண்டிங் செய்திகள்
