RCBvs SRH: சோதனை மேல் சோதனை! ஒரே தொடரில் 3 கோல்டன் டக்.. தொடரும் கோலியின் சோகம் !

சன்ரைசர்ஸ் ஹைதராபாத் அணிக்கு எதிரான போட்டியில் விராட் கோலி முதல் பந்தில் டக் அவுட்டாகியுள்ளார்.

விராட்-கோலி

ஐபிஎல் தொடரில் இன்று நடைபெறும் போட்டியில் சன்ரைசர்ஸ் ஹைதராபாத் மற்றும் ராயல் சேலஞ்சர்ஸ் பெங்களூரு அணிகள் மோதுகின்றன. இந்தப் போட்டியில் டாஸ் வென்ற பெங்களூரு அணி பேட்டிங்கை தேர்வு செய்தது. இதைத் தொடர்ந்து தொடக்க ஆட்டக்காரர்களாக விராட் கோலி மற்றும் டூபிளசிஸ் களமிறங்கினார். 

சன்ரைசர்ஸ் அணியில் முதல் ஓவரை சுச்சித் வீசினார். அவர் வீசிய முதல் பந்தில் விராட் கோலி கேன் வில்லியம்சன் இடம் கேட்ச் கொடுத்து கோல்டன் டக் அவுட்டாகினார். நடப்புத் தொடரில் விராட் கோலி அடையும் 3வது கோல்டன் டக் இதுவாகும். இதற்கு முன்பாக நடப்புத் தொடரில் சன்ரைசர்ஸ் அணியிடம் ஒரு முறையும் , லக்னோ அணிக்கு எதிராக ஒரு முறையும் ஏற்கெனவே விராட் கோலி கோல்டன் டக் அவுட்டாகியிருந்தார். இந்தச் சூழலில் இன்று மூன்றாவது முறையாக மீண்டும் டக் அவுட்டாகியுள்ளார். மேலும் நடப்புத் தொடரில் சன்ரைசர்ஸ் அணிக்கு எதிராக இரண்டாவது முறையும் டக் அவுட்டாகியுள்ளார்.

ஐபிஎல் தொடரில் விராட் கோலி அடைந்த கோல்டன் டக் அவுட்:

ஆஷிஷ் நெஹ்ரா பந்தில் vs  மும்பை இந்தியன்ஸ் (2008)
சந்தீப் சர்மா பந்தில் vs பஞ்சாப் (2014)
நாதன் கூடர்நைல் பந்தில் vs கொல்கத்தா (2017) 
துஷ்மந்தா சமீரா பந்தில் vs லக்னோ (2022) 
மார்கோ ஜன்சன் பந்தில் vs சன்ரைசர்ஸ் (2022) 
சுச்சித் பந்தில் vs சன்ரைசர்ஸ் (2022) 

விராட் கோலியின் இந்த டக் அவுட் தொடர்பாக ரசிகர்கள் பலரும் பெரும் அதிர்ச்சி அடைந்துள்ளனர். இது தொடர்பாக தங்களுடைய கருத்துகளை பதிவிட்டு வருகின்றனர். 

---