SRH vs RR, 1 Innings Highlight: சரவெடியாய் வெடித்த ஆர்.ஆர் பேட்டர்கள்... ஹைதராபாத் வெற்றி பெற 211 ரன்கள் இலக்கு!
IPL 2022, SRH vs RR: இந்த சீசனின் அதிகபட்ச ஸ்கோரை பதிவு செய்திருக்கும் அந்த அணி, ஹைதராபாத் அணி வெற்றி பெற 211 ரன்கள் என்ற இமாலய இலக்கை நிர்ணயித்திருக்கிறது.
ஐபிஎல் தொடரின் ஐந்தாவது லீக் போட்டியில் சன் ரைசர்ஸ் ஹைதராபாத் மற்றும் ராஜஸ்தான் ராயல்ஸ் அணிகள் மோதி வருகின்றன. வில்லியம்சன் தலைமையிலான ஹைதராபாத் அணியை சஞ்சு சாம்சன் தலைமையிலான ராஜஸ்தான் அணி எதிர்த்து விளையாடி வருகிறது.
இந்த போட்டியில் டாஸ் வென்ற ஹைதராபாத் அணி, ஃபீல்டிங் தேர்வு செய்தது. ஓப்பனர்களாக களமிறங்கிய பட்லர், யஷஸ்வி அதிரடியாக ஆடினர். பவர்ப்ளே முடியும் வரை விக்கெட் இழப்பின்றி ரன் சேர்த்த இந்த இணை பவர்ப்ளேவுக்கு பிறகு விக்கெட்டுகளை பறிகொடுத்தது. இருப்பினும், அடுத்து களமிறங்கிய பேட்டர்கள் அதிரடியை தொடங்கினர்.
கேப்டன் சஞ்சு சாம்சன் 27 பந்துகளில் அரை சதம் (55) கடக்க, படிக்கல் 29 பந்துகளில் 41 ரன்கள் எடுக்க, ஹெட்மேயர் 13 பந்துகளில் 32 ரன்கள் எடுக்க என அதிரடியாக விளையாடினார்கள் ராஜஸ்தான் பேட்டர்கள். இதனால் அணியின் ஸ்கோர் மடமடவென உயர்ந்தது. இதனால், 20 ஓவர் முடிவில் 6 விக்கெட்டுகள் இழப்பிற்கு 210 ரன்கள் எடுத்திருக்கிறது ராஜஸ்தான் அணி. இந்த சீசனின் அதிகபட்ச ஸ்கோரை பதிவு செய்திருக்கும் அந்த அணி, ஹைதராபாத் அணி வெற்றி பெற 211 ரன்கள் என்ற இமாலய இலக்கை நிர்ணயித்திருக்கிறது.
Innings Break!
— IndianPremierLeague (@IPL) March 29, 2022
An impressive batting display, led by captain @IamSanjuSamson (5⃣5⃣) & ably-supported by @devdpd07 (4⃣1⃣), @josbuttler (3⃣5⃣) & @SHetmyer (3⃣2⃣) power #RR to a strong total. 👍 👍
Scorecard ▶️ https://t.co/GaOK5ulUqE#TATAIPL | #SRHvRR pic.twitter.com/ov4T9tw58o
ஹைதராபாத் அணி பவுலர்களைப் பொறுத்தவரை, உம்ரான் மாலிக், நடராஜன் ஆகியோர் தலா இரண்டு விக்கெட்டுகளும், புவனேஷ்வர் குமார், ரொமேரியோ தலா 1 விக்கெட்டும் வீழ்த்தி உள்ளனர். கடினமான இலக்கை சேஸ் செய்ய இருக்கும் ஹைதராபாத் அணி, ராஜஸ்தானின் பவுலிங்கை சமாளிக்குமா என்பது அடுத்த இன்னிங்ஸில் தெரிய வரும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
