IPL 2022 : இன்று தொடங்கும் ஐபிஎல்..! விசில் பறக்க வீடியோ வெளியிட்ட சிஎஸ்கே - பரபர வீடியோ !
சென்னை-கொல்கத்தா நைட் ரைடர்ஸ் அணிகளுக்கு இடையேயான முதல் ஐபிஎல் போட்டி இன்று நடைபெறுகிறது.
கிரிக்கெட் ரசிகர்களின் பெரிய திருவிழாவாக கருதப்படும் ஐபிஎல் தொடர் இன்று தொடங்க உள்ளது. இன்று நடைபெறும் முதல் போட்டியில் சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் அணிகள் மோதவுள்ளன. இதற்காக இரு அணிகளும் தீவிரமாக பயிற்சி செய்து வருகின்றனர்.
இந்நிலையில் சென்னை சூப்பர் கிங்ஸ் அணி சார்பில் இந்தாண்டிற்கான விசில் தீம் வீடியோ வெளியிடப்பட்டுள்ளது. அதில் வழக்கம் போல் சென்னை சூப்பர் கிங்ஸூக்கு விசில் போடு என்ற தல தோனி வழக்கம் போல் தன்னுடைய பாணியில் கூறும் வகையில் காட்சிகள் இடம்பெற்றுள்ளன.
Ritual 💯 #WhistlePodu Anthem 2022! 🥳#Yellove 🦁💛 pic.twitter.com/wlRnfZkthz
— Chennai Super Kings (@ChennaiIPL) March 26, 2022
இந்த வீடியோவை சிஎஸ்கே ரசிகர்கள் பலரும் பார்த்து தங்களுடைய கருத்துகளை பதிவிட்டு வருகின்றனர். அத்துடன் அனைவரும் விசில் போட தயராக உள்ளனர்.
முன்னதாக கடந்த வியாழக்கிழமை சென்னை சூப்பர் கிங்ஸ் அணியின் பதவியிலிருந்து தோனி விலகுவதாக அறிவிக்கப்பட்டது. இதைத் தொடர்ந்து சென்னை அணியின் புதிய கேப்டனாக ஜடேஜா நியமிக்கப்பட்டார். ஐபிஎல் தொடரில் 2008ஆம் ஆண்டு முதல் சென்னை அணியின் கேப்டனாக தோனி செயல்பட்டு வந்தார். இவர் சென்னை அணிக்காக தற்போது வரை 190 போட்டிகளில் கேப்டனாக செயல்பட்டு 116 போட்டிகளில் வெற்றி பெற்றுள்ளார். 73 போட்டிகளில் தோல்வி அடைந்துள்ளார். மொத்தமாக சிஎஸ்கே அணியின் கேப்டனாக தோனி 61.37 வெற்றி சதவிகிதத்தை வைத்துள்ளார்.
Lit-ing up the Matchday Mood💡🏏#Yellove #WhistlePodu 🦁💛 pic.twitter.com/DU9YWVlpLd
— Chennai Super Kings (@ChennaiIPL) March 26, 2022
மேலும் சென்னை அணிக்காக 4 ஐபிஎல் கோப்பைகள் மற்றும் 2 சாம்பியன்ஸ் லீக் கோப்பைகளை தோனி வென்று தந்துள்ளார். இவை தவிர ஐபிஎல் தொடரில் 9 முறை அணியை இறுதிப் போட்டிக்கு அழைத்து சென்ற கேப்டன் என்ற பெருமையையும் தோனி பெற்றுள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
