CSK vs SRH, IPL 2023: சேப்பாக்கத்தில் ஹைதராபாத் பேட்டிங்; டாஸ் வென்ற தல தோனி பந்து வீச முடிவு..!

ஐபிஎல் தொடரின் 16வது சீசனில்ன் இன்று அதாவது ஏப்ரல் 21ஆம் தேதி சென்னை சூப்பர்கிங்ஸ் மற்றும் சன்ரைசஸ் ஹைதராபாத் அணிகள் மோதிக் கொள்கின்றன. இதில் டாஸ் வென்ற சென்னை அணி பந்து வீச முடிவு செய்துள்ளது.

தோனி

ஐபிஎல் தொடரின் 16வது சீசனில்ன் இன்று அதாவது ஏப்ரல் 21ஆம் தேதி சென்னை சூப்பர்கிங்ஸ் மற்றும் சன்ரைசஸ் ஹைதராபாத் அணிகள் மோதிக் கொள்கின்றன. இதில் டாஸ் வென்ற சென்னை அணி பந்து வீச முடிவு செய்துள்ளது. சென்னை அணியைப் பொறுத்தவரை இங்கு நடைபெற்ற ராஜஸ்தான் அணிக்கு எதிரான போட்டியில் தோல்வியடைந்ததால், சொந்த மண்ணில் வெற்றி பாதைக்கு திரும்புவதில் தீவிரமாக உள்ளது. 

சென்னை - ஹைதராபாத் மோதல்:

ஐபிஎல் தொடரில் இன்று நடைபெறும் 29வது லீக் போட்டியில் தோனி தலைமையிலான சென்னை சூப்பர் கிங்ஸ் அணியுடன், மார்க்ரம் தலைமையிலான சன்ரைசர்ஸ் ஹைதராபாத் அணிகள் மோதுகின்றன.  சென்னை சேப்பாக்கம் மைதானத்தில் இந்த போட்டி தொடங்கியது. இதில் டாஸ் வென்ற சென்னை அணி பந்து வீச முடிவு செய்துள்ளது. 

நடப்பு தொடரில் இதுவரை:

நடப்பு தொடரில் இதுவரை சென்னை அணி 5 போட்டிகளில் விளையாடி 3 போட்டிகளில் வென்று புள்ளிப்பட்டியலில் 3வது இடத்தில் உள்ளது. அதேபோல், ஹைதராபாத் அணியும் 5 போட்டிகளில் விளையாடி 2 போட்டிகளில் மட்டுமே வெற்றி பெற்று புள்ளிப்பட்டியலில் 9வது இடத்தில் உள்ளது. இதனால் இன்றை போட்டியில் வென்று புள்ளிப்பட்டியலில் முன்னேற சென்னை அணியை காட்டிலும், ஹைதராபாத் அணி  தனித்திட்டத்துடன் களமிறங்கியுள்ளது. 

நேருக்கு நேர்:

ஐபிஎல் வரலாற்றில் இதுவரை சென்னை மற்றும் ஹைதராபாத் அணிகள் 19 முறை மோதியுள்ளன. அவற்றில் 14 போட்டிகளில் சென்னை அணி வெற்றி பெற்று ஆதிக்கம் செலுத்தி வருகிறது. கடைசியாக இவ்விரு அணிகளும் மோதிய 5 போட்டிகளில், 4 போட்டிகளில் சென்னை அணி தான் வெற்றி பெற்றுள்ளது. சேப்பாக்கம் மைதானத்தில் ஹைதராபாத் அணியிடம் ஒருமுறை கூட சென்னை அணி தோல்வி கண்டதில்லை. சேப்பக்கம் மைதானத்தில் சென்னை அணி இதுவரை 62 போட்டிகளில் விளையாடியுள்ள நிலையில், 42 போட்டிகளில் வெற்றி பெற்றுள்ளது.   

ஸ்கோர் விவரங்கள்:

ஹைதராபாத் அணிக்கு எதிராக சென்னை அணியின் அதிகபட்ச ஸ்கோர்: 223

சென்னை அணிக்கு எதிராக ஹைதராபாத் அணியின் அதிகபட்ச ஸ்கோர்: 192

ஹைதராபாத் அணிக்கு எதிராக சென்னை அணியின் குறைந்தபட்ச ஸ்கோர்: 132

சென்னை அணிக்கு எதிராக ஹைதராபாத் அணியின் குறைந்தபட்ச ஸ்கோர்: 134

தனிநபர் சாதனைகள்:

ஹைதராபாத் அணிக்கு எதிராக அதிக ரன்கள் எடுத்த சென்னை அணி வீரர்: தோனி, 424 ரன்கள்

சென்னை அணிக்கு எதிராக அதிக ரன்கள் எடுத்த ஹைதராபாத் அணி வீரர்: அபிஷேக் ஷர்மா, 163 ரன்கள்

ஹைதராபாத் அணிக்கு எதிராக அதிக விக்கெட் எடுத்த சென்னை அணி வீரர்: தீபக் சாஹர், 9 விக்கெட்கள்

சென்னை அணிக்கு எதிராக அதிக விக்கெட் எடுத்த ஹைதராபாத் அணி வீரர்: புவனேஷ்வர் குமார், 9 விக்கெட்கள்

ஒரு போட்டியில் தனிநபரால் அடிக்கப்பட்ட அதிகபட்ச ரன் - ஷேன் வாட்சன், 117*

சிறந்த பந்துவீச்சு - முகேஷ் சவுத்ரி, 4/46